股壇多多趣(五)

香港股神香植球殁後,一班二打六欺世盜名,小股民被耍到陀陀擰,除左 Hi Auntie 之外,委實徬徨無助﹗

命苦既股民有福了,新一代香港股神已經隱然出世

大家咪心急住,先問一下大家對神既理解係乜野?

聖經描述耶穌所行既神跡,五餅二魚分唔完,死人要翻生,盲既聾既跛既都好番,代表咩?

就係佢能夠反覆做到一些你唔相信會發生,唔能夠理解既事,所以佢代表神

而呢位股票上既神,選股套路神鬼莫測,推股時機妙至巔毫﹗呢個稱號,實在當之無愧

係邊位?咪就係…

.
.
.
.
.
.
.
.
.
.



曾廣標 Peter Tsang

無錯,就係佢,自認做過下功課既人,因為理解唔到而恐懼卻步。股票專家湯財唔識死去挑機,結果被大升特升既股價狠狠刮佢幾巴

現實就係現實,串 d 可以講句:我係股神你唔係,我貼既股你要跟﹗

往績?

2011 年首選中港照相 1123.HK

http://mafma.blog.163.com/blog/static/1142512162010114883767/

2010 年 12 月 4 日推薦引黎瘋炒,兩星期內由 HK$0.8 炒到目標價 HK$0.9,2011 年 1 至 2 月高見 HK$1.1 樓上

無奈日本發生大地震同核災而令其後股價回落,幸好股神另有一隻…

主力部隊東岳 189.HK


http://news.stheadline.com/dailynews/headline_news_detail_columnist.asp?id=143314&section_name=wtt&kw=176

1 月 3 日收 HK$4.83,5 月至 7 月反覆高見 HK$9.5,12 月 30 日收 HK$5.12

HSI 由 23,436 點升至最高 24,419 點,12 月 30 日收 18,434 點

一邊最勁升近一倍,另一邊跌兩成有突

2012 年首選麗悅酒店 2266.HK,現稱帝盛酒店

http://www.hket.com/eti/article/44a50f09-f83a-44eb-a17e-044d52f6e416-487390&type=search

曾廣標推介時有人話睇少一隻喎

http://realforum.zkiz.com/thread.php?tid=5935&page=1#50

結果,1 月 3 日收 HK$1.19,9 月至 12 月反覆高見 HK$1.98,12 月 31 日收 HK$1.88

如果聽話年初買入再收 HK$0.02 中期息同 HK$0.1 末期息,回報達 70%

HSI 由 18,877 點 升到年底 22,656 點,只升兩成

2013 年首選萬順昌 1001.HK

http://www.etnet.com.hk/www/tc/news/commentary_expert_detail.php?newsid=15134&page=3&category=global&expert=PETERTSANG

結果係點?年初 HK$0.9 見年尾 HK$1.45﹗升幅達 61%﹗而恆指咪原地踏步囉

飽受湯財荼毒既 RF 之友就梗係會話,佢貼既股隻隻有問題,唔係收入增長真假成疑,就係關連交易有古惑,仲有佢推隻天溢果業 756.HK 既理據離晒大譜… blablabla…

呢個時候就要學陶大宇果句:「So what?」是問誰可潔白無比?

仲有,請 recall 開頭果句,神之所以為神,係因為佢能夠反覆做到一些你唔相信會發生,更唔能夠理解既事

與其針對住無升既股,不如再睇多股神兩隻推薦,新海能源 342.HK 仲有南京熊貓 553.HK 啦

http://www.hket.com/eti/article/06daf630-b613-48f7-a0a5-cdcb1ca40b0a-836576

2012 年 7 月 30 日推薦 342.HK,拿拿拿,又有人唔識死褻瀆神明喇

http://realforum.zkiz.com/thread.php?tid=8788#14

當日收 HK$1.61,今年情人節收 HK$7.51,升左 4 倍半有多

南京熊貓 553.HK 係點,各位網友自己查喇


睇到呢度,洗心革面成為香港股神曾廣標既虔誠信徒應該會問,咁股神響 2014 年有咩推介呢?

首先,萬順昌 1001.HK 繼續冧莊

http://news.stheadline.com/dailynews/headline_news_detail_columnist.asp?id=267643&section_name=wtt&kw=176

股神亦愛花樣年 1777.HK

http://news.stheadline.com/dailynews/headline_news_detail_columnist.asp?id=269803&section_name=wtt&kw=176

記得渣定銀紙跟飛喇

至於果 d 湯財或 RF 遺毒未清,又或者自以為好瞭解股票既,就真係三思喇,跟飛係宗教行為,沒有理性討論餘地﹗閣下拿住聖經可蘭經黎插,香港區教徒或者會同你慢慢討論,如果在中東地區?哈哈哈哈哈

滿清覆亡記

大年三十,黎個翻箱倒篋

有說歷史由勝利者締造,中國近百幾年,由滿清、到割據、到國民政府、到現在既共產政權,一次又一次篡改,令近代史一片模糊

歷史唔會簡單咁重複,但過去卻係現在的延續,利用唔同既史學觀點,將事情立體化,亦有助瞭解當今形勢

初中三年級題目:咩事件令滿清滅亡?辛亥革命,由於四川發生保路運動,導致湖北新軍入川而武昌空虛,混入新軍既同盟會人乘虛而入,然後各省響應,中華民國成立。不足 50 字講了一堆名字,卻略過了社會氛圍以及各類背景人物的活動

光緒雖然推行戊戌變法失敗,卻推動唔少人對君主立憲既支持,當時唔單止讀書人,連放洋回國既軍官,乃至政府智囊都認同,儘管清政府及後既皇族內閣令人失望,但畢竟社會各階層精英都享受緊既有體制恩澤,同孫中山一眾革命者既理念仍然係天南地北

1911 年 10 月 11 日,一批有政治訴求而被鼓動嘩變既新軍唔知點收科,於是發帖招請各界代表開會,找來曾經日本留學又進士出身既湯化龍主持大局,然後再找來新軍協統黎元洪,半推半就下做左湖北都督。黎湯二人來自清體制,亦係立憲派,因為咁而做到最大公約數,為軍政府拉攏最多支持。同一時間,負責清剿湖北既軍團就等候袁世凱意思而按兵不動,結果各省有政治訴求既軍人有樣學樣,湖南、陝西、江西、山西、雲南,一個一個變天

於清政府而言,六省嘩變還未到不可救藥,失去既地方可以靠北洋新軍一個一個打返黎。清政府應無唸到,攞佢命既一刀,竟然來自體制內既三個軍人 —— 張紹曾、吳祿貞同藍天蔚,為左迫朝廷真正立憲,佢地扣起發往武昌前線既軍火,再透過呢個機會聯絡其他北洋軍頭,集體向清廷提出十二條政綱,亦即係灤州兵諫

遺憾既係,皇室並無第一時間真心答應,而北洋新軍亦唔妥協,就算往後真心頒發憲法信條,明眼人已經明白清廷手下無兵,革命黨人亦乘勢混水摸魚,其他省跟隨獨立,手握重兵既袁世凱審時度勢,再補上一口棺材釘,而溥儀只能乖乖住在紫禁城

最後不得不提,文章部份史料,曾參考中社科院近代史所研究員馬勇著作,觀點是否鼓吹變革只能發生在體制內,見仁見智,但政治是光譜,黨內無派,千奇古怪也

附圖為日本大阪印製《清國大地圖》

2013 年回顧與展望

2013 年,是個人大變的一年

首先,終於年過三十。三十而立,除了獨立自主,亦有自己一套價值觀和原則。希望那是好的一套,不好的也會隨著歷練而修正,至少不要在驚濤駭浪的大時代中隨波逐流,變成損人利己阿諛奉承之輩

鮮有聯絡的朋友或網友筆者新文章詫異,那是自然不過筆者則認為越辯越明,不應為了和諧而失聲,唔怕你唔嘈,只怕你唔講

第二是筆者又回歸香港,由居於深圳山間小區,到深圳鬧巿高樓,最後又回到新界北區。當年相士指筆者驛馬星極強,筆者以為自己以往中港兩地走已經係極限,沒想過今年要搬三次,牽到少有走動的內子舟車勞頓,在此先感謝內子的無怨無悔

大學畢業後就投身北上,結了各省朋友,亦和香港老友間中聯絡,卻沒想到中港矛盾竟如斯激烈,那不單是商品經濟社會資源,更擴至價值觀。本是同根生,現在卻相互歧視甚至仇視不亦悲乎?

另外,個人亦嘗試多做股票功課,越做功課又越發現贏家永遠於極少數。巿場變是必然的,炒家觸角是天生的,基本功和觸角又需要長時間浸淫培養自問沒太多天份,唯有奢望能用浸淫和努力作彌補,做了功課會遊戲國度轉貼過來,與其寒友轉貼,不如筆者自貼

宏觀經濟,筆者只略懂 2014 方向

美國經濟好轉,又開始加息週期,不如趁震盪時買入國際保險股或生意以北美巿場為主的股票

日本繼續印鈔,有指印鈔量將大於美聯儲減少買債的金額,但元匯係咪仲要跌?木宰羊… 反而南韓已在科技上成為亞太區領頭羊,值得一看

中國強勢改革,
佔恆指大片江山的國企,一方面要被改革,另一方面又要養著一大幫人,維持社會穩定,前景很難亮麗,沒錯國家有鼓勵發展新能源新科技和內需,但似乎要量更要質,沒多少企業能嚐到甜頭

香港半死不活,樓巿步入下跌週期,佔了恆指另一片江山的香港地產股除了反彈外,也沒什麼睇頭,如是者,恆指難破局

澳門賭業股太貴,中港科網股太貴兼且掛羊頭賣狗肉,看來又要
在版塊輪動中精選贏家

還是學拉闊投資的曾廣標 : 具體股票,具體分析

中國沒有最後一個太監

太監,源於戰爭俘虜,去其勢絕其子嗣,從此只能做勝利者既奴隸

後來權勢者為左提防百官篡弒,亦搵一些出身寒微既人,閹完加以培訓成自家看門狗

一般人瞭解太監,大抵流於性徵同欲求不滿既變態,但好少唸到人不單能夠在生理上做太監,仲可以在精神上做太監

即係點?咪好似太監咁,誠惶誠恐,刻意逢迎一些自恃權力權威既人囉。在位者乜都無講,自己卻先自行矮化,然後竄摸上意,自動閹割,呢樣敏感唔講得,果樣避忌唔做得

可悲既係,呢家香港既上流社會,同樣出現一班太監,呢班太監手持最多資源,口袋中有綠卡,佢地一邊盡力榨取最後一分金錢,一邊任由香港繼續沉淪,有咩依郁就坐私人飛機,唱住黎明首 My Dearest : Sayonara Oh... Sayonara Oh

更可悲既係,喺自由既網絡世界,亦發現不少人自閹,如果普羅大眾連鍵盤戰士都做唔到,又點可能挺身而出,是其是,非其非?

人人平等,爭取公義,唔係百多年前革命先烈既目標咩?中國三千年文化,傳世四大發明,原來仲有第五大,就係一套馭人之術,馭得中國人奴性深種基因,奴性難改,間中自動獻身做太監

今夜冷戚戚,忽然翻到滿清末代皇帝溥儀同皇妃文繡既一段事,文繡不甘溥儀冷落而決定離婚,期間族兄文綺寫左一封信兼登報指責佢:

蕙心二妹鑒: 頃聞汝將與遜帝請求離異,不勝駭詫。此等事件,豈我守舊人家所可行者?我家受清室厚恩二百餘載,我祖我宗四代官至一品。且漫雲遜帝對汝並無虐待之事,即果然虐待,在汝亦應耐死忍受,以報清室之恩。今竟出此,吾妹吾妹,汝實糊塗萬分,荒謬萬分矣!

今日睇起黎,大家會感到呢封信荒謬萬分,自閹過了頭吧?也許在某個國度,別人也在為香港人感到荒謬萬分;驀然回首,自己也為過去感到 TMD 荒謬萬分


股壇多多趣(四)

一到聖誕,就過新年,2014 1 月底就係農曆年﹗

投資銀行里昂近年推出風水指數,除左估恒指,仲會有樓盤方位吉兇、名人占卜同世界各地大事預測

https://www.clsa.com/special/FSI/2013/CLSA-FengShuiIndex2013%28YearOfTheBlackWaterSnake%29-ChineseVersion.pdf


但一攞個黑水蛇年既恒指預測拍埋現實比較,差左少少喎﹗



不過唔緊要,呢個 gimmick 已經成為巿場話題,大家亦引頸以待里昂響青木馬年既預測﹗

除左預測大路野,作為客戶半個管家既金融才俊,更可以擴而充之,找風水師們為客戶一卜來年吉凶

好似靚仔知天命咁,就算到奧巴馬響龍年犯太歲﹗相信各位唔會忘記建華之亂,領導人行衰運真係可大可小,知天命就建議奧巴馬多戴鴨舌帽擋剎﹗

好喇,萬一風水師算到客戶有大劫,例如破財血光,仲要分分鐘過唔到年關,咁點算呢?

大劫擋唔黎,要化﹗即係自動俾人劫左先,咁大佬你無理由當街當巷叫人打劫你架喎,灰諧程度同溫碧霞響電影《出埃及記》同任達華講:「你屌我啦﹗」有乜分別?﹗

身在巿場既才俊們,自然可以唸到響股巿俾人打劫一鑊﹗但投行更係唔可以推薦一隻輸既股票俾客人,可以點呢?

呢個時候就要上 RF﹗因為股票專家湯財已經成為傳奇,股價同佢既睇法朝相反方向發展﹗

今年其中一個經典就係美聯工商舖 459.HK,話說年初政府出招
,湯財認為跌到 HK$0.082 企穩,由於 2012 2013 年業績超好,加上一定派息,如果去到 6 7 港仙可以買

http://realforum.zkiz.com/thread.php?page=5&tid=15371


結果既野,各位自行查閱啦﹗其他例子仲有豪特保健 6880.HK 同中信國電 1883.HK 等等等等,不能盡錄

又如果算到家宅甚至係父母有大劫,最悲既莫如古語有云:「樹欲靜而風不息,子欲養而親不在」

有孝心既仔女就記得借埋老豆老母錢,睇實湯財看好既股黎化解劫數喇

細心 d 睇里昂風水指數下欄位,原來仲有生肖運程排名,湯財所屬生肖仲同財神爺隔得好遠喎﹗咁到底係里昂既風水指數,定係湯財既相反指數勁呢?

股壇多多趣(三)

趣聞一

貴為高登神燈既沈大師,自爽報 300 百萬擂台後,文章風格大不同,唔知仲以為鬼上身﹗

追本溯源,變化其實有跡可尋,大師響擂台同周大仙惺惺相惜,愛慕之情流露於文字之間。大師極可能俾大仙點通佢任篤二脈,撥正孖筋,然後脫胎換骨,去左另一個境界

11 月 18 日再推現代教育 1082.HK,唔單止寫概念同技術分析,兼指出資產報表健康添,嗱嗱嗱﹗最重要係殼價﹗絕對有板有眼,可惜就可惜在推現代教育

http://hk.apple.nextmedia.com/financeestate/art/20131118/18512820

周大仙曾講過自己身朋友一個又一個被證監纏上,未知善於易卜既大師,有否為自己交友卜卦?一笑

趣聞二

因一注獨贏買和黃及一注獨贏沽匯豐而響朵既肥仔文,近期推股令人費解到講 what the fuxk

一隻譚木匠 837.HK,業績好到 too good to be true,響大陸打滾既朋友行經總發現店內小貓一兩隻,生意持續性成疑

http://hk.apple.nextmedia.com/financeestate/art/20130530/18277122

近期推先思行 595.HK,雖然一紙協議可換可不換但梁伯韜同衛哲依然帶黎無限幻想,結果令一班腎上腺素上腦既朋友衝入去接管埋層貨﹗

http://hk.apple.nextmedia.com/financeestate/art/20131015/18464045

http://sdinotice.hkex.com.hk/di/NSNoticeSSList.aspx?sa2=ns&sid=29310106&corpn=AV+Concept+Holdings+Ltd.&sd=27/02/2013&ed=25/10/2013&sa1=cl&scsd=01%2f12%2f2012&sced=01%2f12%2f2013&sc=595&src=MAIN&lang=ZH&

建議唐十二增肥丸聘請 WCU 將股評人體重同推股股價十二個月走勢做分析,萬一得出減肥影響推股能力既結論,瘦佬文將成為重大案例,二笑

趣聞三

三人原來真係可以成虎,泰豐床品 873.HK 終於有反應,理據又係 PE 低折讓大云云

泰豐床品 873.HK 又係一間 too good to be true 既公司,2013 年上半年雖然增長放緩,營運仍然好到離晒譜,上半年溢利率 20%,賣 5 件實內賺 1 件,遠高於同行 6 - 7%,持有現金 RMB13.22 兼年年現金淨流入,卻走去搞 RMB4.21 億金融租賃,而利息收入竟低過大陸銀行活存息口﹗Where do you keep the money?再唸埋上巿籌集果 RMB3.83 億去左邊,心寒之餘完全理解巿場為咩唔 buy 佢

忽然醒起周大仙提及炒股專欄有組織經營

http://www.mpfinance.com/htm/finance/20131002/columnist/en30_en30.htm

特意搜索曾先後推薦 873.HK 既專欄,如真有其事,純屬不幸﹗三笑

何車
http://hk.apple.nextmedia.com/financeestate/art/20131108/18498644

歐陽風
http://hk.apple.nextmedia.com/financeestate/art/20131004/18449401


江洋
http://www.hket.com/eti/article/083b06d7-c0a8-4f92-aa1e-f6e49688f498-394466?query=%E9%80%90%E4%BB%B6%E7%A7%A4,P


錢雋
http://hk.apple.nextmedia.com/financeestate/art/20130903/18406510

高彰波
http://hk.apple.nextmedia.com/financeestate/art/20130708/18326832