2009-08-03  AppleDaily





 

神 州資源(223)早前因黑龍江煤礦項目與內地夥伴出現爭拗,近日出現人事變動,日前就配股問卷調查入稟告建勤集團主席尹銓忠嘅洪誠,宣佈辭去主席兼執行董 事職位,由耿瑩於本月1日起接任公司主席兼執董。呢個轉變對公司解決糾紛唔知有冇幫助,但係新主席背景唔簡單,佢原來係已故中共元老耿飆嘅女兒。耿飆係中 共游擊隊出身,曾任國務院副總理及國防部長,最為港人熟識是1983年香港前途談判期間,耿飆被香港記者問起回歸後中央是否在港駐軍時,表示「可以考慮不 派軍隊進駐香港」,及後被鄧小平怒斥「是胡說八道」。

耿瑩營商經驗豐富

其實耿瑩現年已69歲,據神州資源講,佢擁有10年礦業經驗及超過20年海內外營商經驗,亦曾入北京地質隊。公司搵佢入局,相信都係睇中佢嘅家族背景同政經人脈。