2009-09-16 AD





 

泓 鋒國際(2309)老闆Carson楊家誠到底幾時真正入主英超球會伯明翰,相信最快要過埋9月29號股東會先知,但仍然無損佢由「飛髮佬」轉型為一個中 國偉大足球班主嘅夢想。噚日,呢個「疑似」伯明翰新班主,就帶住「疑似」伯明翰新CEO余懷英(即係現役泓鋒COO),喺北京會一會祖國傳媒,解構佢個英 超班主夢。

搵范志毅做球隊管理層

Carson話,中國喺世界體壇係就係「騰飛」,但足球表現就唔係好理想,佢只想盡點綿力, 推動中國足球。希望將伯明翰球隊實力加強,等1月轉會市場重開,引進有實力嘅球員,例如會引入前中國國家隊隊長范志毅做球隊管理層。據「消息」透露,泓鋒 嘅接收團隊喺10月底前抵達伯明翰,展開接收球隊工作,當地嘅華僑社團已經「動起來」,準備成立新嘅球迷組織。Carson話由15歲起睇英國波,又鍾意 踢波,最大願望係將英超概念引進中國,伯明翰人口百六萬,附近有廿萬中國人,佢哋會成為球隊核心力量。中國成千上萬英超迷會係推動作用,仲話伯明翰肯定會 喺中國開足球學校。李華華LiWaWa@AppleDaily.com