2009-10-20  AD





 

本 周四隻內房新股齊發,喺市場競逐資金異常激烈嘅情況下,要突圍而出,真係要考心思。噚日開始喺香港路演嘅恒大地產(3333),除咗係當中業務規模最大之 外,竟然能夠搵到一班城中大孖沙畀面現身推介午宴,仲做埋綠葉陪襯主人家恒大主席許家印影咗張大合照,氣勢認真先聲奪人。

彤叔:恒大減價更抵買

噚 日有份出席畀面午宴嘅大孖沙,可謂星光熠熠,有新世界發展(017)主席鄭裕彤(彤叔)、甚少喺公開場合露面嘅華人置業(127)主席劉鑾雄(大劉)、星 島新聞(1105)主席何柱國、長實(001)執行董事葉德銓、英皇集團主席楊受成、資本策略(497)主席鍾楚義、中渝置地(1224)主席張松橋、有 「殼王」之稱嘅陳國強、金利豐董事總經理朱李葉華等,總之排名不分先後。彤叔又再成為傳媒追訪對象,記者問佢點解買恒大(佢旗下周大福入股5000萬美元 作為基礎投資者),彤叔話「我鍾意買恒大」,皆因佢銷售額夠大,減價後更抵買。咁佢怕唔怕要坐艇?佢就回應話,「唔會啩」。李華華 LiWaWa@AppleDaily.com