2016-04-14  NM

位於赤柱村道四十四號,有座紅磚建成、瑪利諾外方傳教會的神父宿舍——Stanley Hilltop正在放售,令人唏噓,宿舍於一九三五年落成,又名Maryknoll Regional House;呢個教會同中華民國同齡,一九一一年喺花旗紐約州Ossining得到聖母瑪莉亞之感召而成立,故此當初稱為瑪莉亞之山Mary's Knoll,後來至簡化為聖母山Maryknoll;跑馬地藍塘道之瑪莉曼Marymount,意義相通。

呢個教會一成立,即由其創辦人之一Thomas Price神父率領三名傳教士喺一九一八年東來,以香港為基地於華南傳教。十三年後,喺赤柱買地興建宿舍供內地傳教士到此休息充電。以往瑪利諾的傳教士都聚在此宿舍學習多種語言,包括廣東話、客家話、國語,做足準備前赴南中國地區傳教;三年零八個月,為日軍侵佔,戰後復修。一九四九年大陸風雲色變,瑪利諾神父被驅逐出境,呢度成為他們的避難所;即使國民政府播遷台灣,佢哋都冇郁過。但過渡二十年後,卒之以一億美金放售。瑪利諾神父修士會的財務總監David Smith神父指,已重新構思廿一世紀傳教事務,今次正好重整旗下物業,把資源集中幫助全世界有需要人士。此地契可作為大學、宿舍或酒店,標誌着又一座歷史建築快要消失於香港。

中環寸嘴:傻強,你老婆都隨時俾人郁呀!

工廈大王楊耀松長子,游走高級酒店、銀行,及知名食肆,與各路人士打交道,透過美酒佳餚,察看人生百態,讓讀者「嗒」落有味。

傻強仲喺個blog度死撐「一帶一路」,死路一條,又話香港金融中心無法取代,Don't lecture me,傻強,你老婆都喺投行Julius Baer度做,邊個唔知投行生意唔好,周圍都炒人,局長老婆都冇面俾,隨時俾人郁呀!上海又有迪士尼,北京又話建環球片場,家陣香港冇古講俾人聽,計我話引入個Legoland去濕地度搞,話晒香港冇馬拉咁熱,等啲細路砌吓Lego動吓腦筋,好過睇住部手機,搵個藉口撻着個economic engine先得o架!啲飲食雜誌又鋪天蓋地同「粵軒」嗰個「黯然銷魂飯」做訪問,仲擺埋我上枱,話工廈大王楊耀松個仔都食唔到,唓,我使唔使咁恨食嗰碗叉燒飯呀?有乜咁特別啫,我咁多會所會籍都去唔切食呀!你哋有冇睇周星馳套戲《食神》?套戲講到佢行到絕路,先食黯然銷魂飯咋,都話明係「黯然」咯,即係傷感,要逆境求存,呢啲係江湖救急來頂肚嘅「地盤」飯啫,等於我僆仔放假時,俾老豆捉去行地盤,食埋啲地盤飯,嗰時得隻膠碟咋,飯盒都未有!我個老友又試吓打電話去「粵軒」訂位食呢碗飯,吖,話五月份都爆滿,六月又話未知有冇。嗱,你六月打去,又話滿o架啦,嘥氣!「扮上菜」!其實,我幫「粵軒」promote咗佢哋又唔知,不過佢個location差啲,晚市做極都唔滿座,成個氣氛爭少少,伙記少,captain多,今時今日精簡制好過啦。

緊貼老細style27℃著三件頭西裝

東亞股東大會當日,天氣熱辣辣,最高有成27℃,不過你睇東亞嘅管理層左右護法,緊貼主席李國寶嘅衣著風格,三件頭西裝上陣,你都咪話唔辛苦,想得老闆歡心,學嘢啦。

本週潮流廣告:紅A潮一潮

潮流係咪興本土?一於等紅A話你知:係!