來源: http://hkcitizensmedia.com/2016/09/27/%e5%be%b7%e6%84%8f%e5%bf%97%e9%8a%80%e8%a1%8c%e9%83%bd%e7%84%a1%e4%ba%ba%e6%95%91%ef%bc%8c%e5%92%81-hsbc-%ef%bc%9f/

德意誌銀行近日陷入險境,由於係咁被人罰,加上之前都講過,德銀由於手上成棚衍生工具,佢本身已經係全世界銀行系統性風險主要來源,阿水都知德銀係十分之牙煙嘅一個財務機構嚟。依家德國政府話唔救德銀,大家都要食驚風散。對香港人嚟講, HSBC 會係點,更值得關註。

HSBC 本身係僅次於德銀嘅系統性風險來源,係得香港人成日以為獅子銀行仲係好穩陣果個獅子銀行。而美國對 HSBC 都係咁罰款,所受罰款之甘,其實都係好德銀少少。如果德銀一冚,好似雷曼咁引發連鎖反應,咁 HSBC 頂唔頂得住?

HSBC 有樣嘢比德銀大鑊係,德銀純粹係一間德國銀行,有乜冬瓜豆腐要救係德國,最多拖埋一眾歐元區國家落水,而且德國經濟基礎穩健,其實要抵受,或者被迫救德銀都仲有呢個能力。 HSBC 總部喺英國,但主要業務喺香港,而香港個宗主國係中國。如果英國唔救 HSBC ,中國可能有機可乘,食咗 HSBC ,英國朝野未必同意。但如果英國自己救 HSBC ,香港大批存款落入英國政府控制嘅銀行,一樣會好四不像。而要香港政府拯救,又嚴重違反香港嘅積極不幹預立市政策,唔係好妥。

所以對一眾中環人嚟講, HSBC 隨時係一場大風暴嘅起點,香港人應該有所準備至係。但依家香港人好似無事發生過咁,中環客對香港人呢種態度非常之感到木宰羊。

中環客