來源: http://hkcitizensmedia.com/2016/09/30/%e8%ac%9b%e6%9c%9d%e4%b8%ad%e6%9c%89%e4%ba%ba%e5%a5%bd%e8%be%a6%e4%ba%8b%ef%bc%8c%e9%82%8a%e5%8f%8a%e6%81%86%e5%9f%ba%ef%bc%9f-%e4%bd%a0%e7%9d%87%e9%9f%93%e5%ae%b6%e8%bc%9d%e5%85%88/

雖然大家都喺橫洲件事度,領教過新世界同政府關係有幾好,連機密資料都可以分嚟用。只不過,對中環人嚟講,講同梁振英關係最密,幾乎都未到恆基。恆基嘅韓家輝 ,係關鍵人物。

新世界都未有過高層同梁振英一齊拍硬檔搵食,紀文鳳係「梁粉」,但唔係梁振英啲左右手。只不過,恆基營業(二)部總經理韓家輝,就完全唔同嘅class,韓家輝係梁振英離開仲量行,自己搞梁振英測量師行(亦即後嚟嘅戴德梁行)果陣,一齊打天下嘅創始董事,講革命聯繫,紀文鳳幾時到韓家輝果皮。

嗱,呢啲嘢,恆基年報自己講過。
%e9%8c%a2%e9%8c%a2%e9%8c%a2%e9%8c%a2

近排突然講洪水橋新發展區計劃,其中密度突然提升,最受一眾中環人關註,而據恆基嘅中期業績報告所講,恆基有成六百幾萬平方呎嘅地喺洪水橋,提升密度後,加上洪水橋一定喺珠三角一小時生活圈範圍,恆基呢鑊仲唔發過豬頭。如果唔係朝中有人好辦事,呢啲咁筍嘅嘢,又幾時到恆基?你諗嚇,點解一小時生活圈嘅大贏家,唔係長江、唔係新地、新世界只不過有啲分頭,仲喺橫洲中咗伏。恆基有得食咁多至得架。

%e5%8e%bb%e5%91%83%e5%91%83%e5%91%83%e5%91%83%e5%91%83%e5%91%83%e5%91%83%e5%91%83%e5%91%83%e5%91%83

最奇怪係,洪水橋涉及咁多地產霸權利益,又明顯涉及中港「融合」,點解由熱血嘅鄭松泰,到同新世界硬碰嘅朱凱迪都唔講,我中環客真係有啲木宰羊。

當然,新世界啲古惑嘢都要講,啱啱好彤叔死咗,為死者諱,俾面天上嘅彤叔一日,明天先講。

中環客