來源: http://hkcitizensmedia.com/2016/11/13/hsbc-%e6%8c%91%e6%88%b0%e6%98%8e%e5%85%89%e7%a4%be/

一直以嚟,香港商界都唔會就一啲極為惹火、敏感嘅議題企喺最前線,特別好似同性戀平權議題,因為呢啲議題得罪宗教人士,或香港果啲古老石山級嘅保守勢力,一啲都唔係講笑。而獅子銀行,更加無就敏感議題出聲嘅傳統,你話 HSBC 一直企喺高牆嘅一邊,都無死錯人,只不過,近日HSBC總行前面個電車站嘅同性戀平權廣告,就令成個中環啲人啞曬。

hsbc
hsbc

HSBC 一直喺同性戀平權上企得好前,包括贊助同誌遊行,同埋係第一間銀行搞跨性別廁所,為變性人士服務。但出真金白銀喺電車站賣廣告,公然挑戰明光社班友,可謂係史無前例。

其實 HSBC 都應該係忍咗好耐嚇,因為依家香港唔單只喺同性婚姻呢個問題上,比同樣係華人當家嘅臺灣仲要落後(臺灣係柯P主政下嘅臺北市政府掛彩虹旗),而且連英國使館幫同誌證婚,香港政府堅持唔俾,搞到成堆 HSBC 同誌員工要喺北京或上海嘅英國使館註冊結婚,情況極膠。加上 HSBC 作為英國銀行,本來就同誌客戶多,內外壓力下, HSBC 咪要企出嚟。

其實好多外資行高層都係同誌嚟,如果香港堅係要想維持金融中心地位,搞掂明光社班古老石山係好重要。班友要搞宗教議題,中環客唔理嘅,只不過,如果明光社會影響香港人搵食,香港人都應該呢班宗教人士還以顏色。

中環客