來源: http://hkcitizensmedia.com/2016/12/16/%e5%8f%ab-tvb-%e5%98%94%e7%95%aa%e5%95%b2%e6%a8%a1%e6%93%ac%e9%a0%bb%e8%ad%9c%e5%87%ba%e5%9a%9f%e5%85%88%e5%96%87/

最近香港電訊發炮指責政府無行動,放番啲頻譜俾電訊公司用,係咁諗住要「重新編配」頻譜,乘機掠水。

中環客有樣嘢同意香港電訊,比起英美等國家,香港政府堅係對放番啲頻譜俾4G行動不足。而最離譜,莫過於依家得 TVB 同RTHK用緊嘅模擬電視頻譜,點解依家都未放番出嚟,俾4G流動電話用。

tvb
(圖片來自TVB)

RTHK 本來唔想要個模擬頻譜,係因為ATV被人釘咗牌,至侷住接收,本來係非戰之罪。但 TVB 好明顯係最大果個要求保留模擬頻譜嘅玩家,因為 TVB 都唔似有行動鼓勵觀眾換數碼電視,中環客想問,除咗 TVB 想霸住個模擬頻譜用嚟「保留」喺老一代嘅佔用率,仲有無其他解釋。但全香港依家為咗呢班唔肯換電視嘅友仔同電視臺,4G變咗隨時唔夠頻譜,無法學英國同美國咁獲得數碼紅利。

政府想重新調配頻譜,叫 TVB 嘔番啲模擬頻譜出嚟先,依家香港仲有乜人會睇模擬電視,或者 TVB 啲節目先得,嘔模擬頻譜出嚟,令4G的頻譜比較寬裕,會令公眾無咁憎 TVB 嘅。