早前提到,嘉士利以外仲有隻神仙股,呢隻係331,同縮旗下的淨輸出股,基於"同縮出品,不是佳品"的社會經驗,呢隻只能作為分散投資的補充方案

雖然佢的保薦人是那種,但呢隻姑且係純大官人直轄的現金輸出公司,因此當隻隻可以有好了

聽個名似係整電梯,原來只係裝修佬,做水喉電燈冷氣通風,只比馬利奧的水平高少少,公司本身亳無想像空間,而且收入不定,沒有太大穩定性

做裝修賺的錢是一次性的,但保養唔係,佢做工程越多咁佢跟手的保養就越多,現時佢保養營業額9800萬,上年工程營業額26億保養營業額9000萬,做26億多800萬,轉化率千分三,今年33億工程,保養營業額應該去到1.1億,杯水車薪都叫有

但係呢隻的好處在於,上市前已經淨現金無欠債,連續幾年都係,因為2014年固定資產少左而增加了現金,因此呢度同固定資產+現金的總數計,2013年7.8億,2014年9.2億,2015年加埋派息是11.1億,每年增加1億幾兩億,現金累積起黎,同時佢業務上沒有現金需要,因此高概率全派息,當佢每年只派1億,現在市值10億,就是10厘股,而且可持續

將豐盛收入組合的好處是,佢的業績同大陸關連不大,現金儲備都係港幣,可以稍為對沖一下組合大部分股都係賺大陸錢的風險,屬反CHI爆方向的投資

上左市集左資黎到呢步,由於佢只有少量街貨股權集中,味皇推斷佢會用派息,向新地買野,雙管齊下將現金回流返比母公司,之後調整一下業績數字,股價向下,再用佢嘅錢私有化,流程就是分錢-向下炒-私有化?