早兩日13.4買入5000股太古,另外想買幾萬股肛蛋,但因為近價冇人放出黎所以買唔到,現家味皇仲睇緊幾時先有人肯放

現家股市有明顯的過度重視同高度忽視某類股票的傾向,雖然29000點,但仲存在值得換甚至抵買的股票,今年之前味皇仲用緊搜刮10厘股的方針,今年股息同現值增長較多,已超過夠食的水平,足以容許試行錯誤,因此最近轉為搵3厘股等佢派息倍增,升值後再換成數量較多的5厘股的策略

上個月有屋企人結婚搬左出去,終於唔駛爭廁所,但屋企少把口,煮餸的品種需求下降,味皇的伙食質量大幅變差,無語問蒼天,嗚呼哀哉

成個月冇更新,籍口係味皇親自郁手搞裝修,鋪地板技能GET!現家整緊地台同天花,早兩日仲油緊油,淘寶催D材料都成大半個月,未收到股息冇股買懶得寫(其實主要係味皇廢人化)

最近味皇的收租神器換左租客,1個星期就租返出去,算租平左,現家收緊5厘租,也比一般樓的2厘好好多

大陸舖位係選舉前阿光頭金金的操作下,發展商退返味皇11萬的"購房款",但當中存在已知同未知的副作用,味皇明確主要未知副作用之前唔會開心住,暫時亦唔評論,果11萬打算用黎買匯賢,入落微信做活期都得,不過唔會全部

頭先SEND左EMEAL比日本經紀,問下夠5年果間野賣左佢大概可以賺到幾多,同埋換另一層樓的問題,夠5年樓果間買以買入價計收緊10厘租,叫差唔多回左一半本,留住都冇乜所謂,今年味皇的股票升值算比較多,下年或許可以收割一部分收成期的股票,加上股息也不錯,澳門的收租樓也安定下來,機票又平,味皇打算多D去日本考察下非通常的日本收租樓  

*記錯,似係4年,2013年買


11/10

1-1.02買入發左盈警的肛蛋50000股,佢財政就唔好,呢排會派息低,但味皇博佢出劇情,佢產品感覺係產業鏈中算相當上游,商品價格上升時蒜頭綠豆呢遲早D都會升,博中就10厘股,估計每股賺3毫派1毫,唔中低市值也蝕唔到幾多