剛剛5.5賣出10000股已除淨的越秀REIT,轉為買入SOHO,價錢3.96/15000

SOHO冇宣派上年的末期息,佢理由聲稱係12月先派完特別息,費事咁快又派過

於是上年係咁爆升的時候先發現佢話買佢收息冇死的唱到天上有地下無,買佢冇死錯人,係佢大跌之後就轉口話佢唔掂,收乜7息咁

咁當初點解要買佢呢,因為息高?定係因為佢爆升呢?如果真係係想息高,唔係應該爆跌時先買?

SOHO派高息的原因係佢唔等錢駛,幾年前淨現金公司時狂派,賣左樓又成身現金時再派,派過幾次之後,今日佢現金比負債少,仲派唔派就不得而知

如果話派錢需要一個動機的話,唔派亦都需要一個動機,佢係包租公,能構成唔派息的動機,1係留返有用,1係用黎還債

如果話留返用,SOHO最近冇大項目要錢,倒不如說根本冇發展項目,佢搞工廈寫字樓劏房,唔會用幾多成本,佢每年收租十幾億,用唔到幾多

如果話還債,呢兩年佢用低息債換走高息債,現家SOHO的貸款利率偏低,如果還債,唔會慳到幾多息,動機不高,除非佢有借高息債,唔係就冇必要急住還,佢冇發展項目,所以又冇必要借貴利

因此在佢冇忽然發展大項目之前,佢留錢的動機不是很高,因此很可能派息

假設佢每年有3毫淨收入,可以派18仙咁,每個月就可以派1.5仙,半年就9仙,佢上年11月尾除淨派左特別息,離結算日12月31日相差1個月,累績獎金多1.5仙,於是今期中期息如果會派,金多寶會係10.5仙,會顯得比將來的末期息更高,每個月累積獎金2仙的話,就派到14仙,當然這是單純的假設,但燈神味皇覺得出現的機率並不低

如果中期派14仙人仔的話,X2就係28仙,用6厘計算,股價為港幣5.5,到時因為爆升買入爆跌買出的收息人,比較大機會以當時的同樣理由9沖返入去,到公布末期息比中期息少時,又賣返出去,如果只派10.5仙,派息都叫尚算唔錯,不過X2用6厘計算就得4.1,而現價3.96

現價3.96係冇派息的SOHO現在的市場價值,如果因為派10.5仙反而下跌的機會應該不會太高,忽略不計好了,50%機會不派息而維持現價,25%機會派息而爆升,25%機會派息而唔升,博唔博好呢,反正我博了

上次除淨係11月尾,但公告派特別息的時間係9月尾,因此會唔會累積多兩個月金多寶呢:)

由於味皇係用6厘的越秀換過去的,向上可以得到一個投機機會,但SOHO全年派唔到24仙港幣就會蝕水,而燈神味皇推算SOHO正常全年起碼可以派到24仙人仔,向下應該可以保底