又一個靠拆借資金賺錢的公司執粒了

這類公司用微小的本金向銀行抵押貸款,即係孖展,然後再放貴利借比客戶,客戶好多時只還最低還款額,只要唔逼佢還本金,還100萬年都可以,公司可以聲稱年年賺大錢,銀行亦樂此不疲

不過由於匯豐爆陰毒,公開話果類客戶還不起錢,銀行要撥備,於是間間銀行都逼住要陪匯豐撥備,令銀行界業績衰退,結果銀行的資本充足率下降,連同信用評級一并下降,失去接政府或機構的平錢的資格,結果要用高息四出撲水,為求自保,銀行逼不得已要向全部客戶追數同將高息成本轉嫁比佢地,立即還晒錢的人當然元氣大傷,結果縮減消費,還唔起的就索性破產,銀行就咁冇左個100萬年的客戶,仲要將失去的本金入賬,堅持下去的客戶又要比貴利級利息,結果消費下降和稅收減少導致經濟衰退,令不動產,股票,債券(孖展的抵押品)價格下跌,至於像凱雷的公司或基金一類的孖展客,銀行第一個就追佢地抵押品的差價,結果有人連少少差價都比唔到,比銀行斬倉拍賣,結果引發資產下跌,下跌後之後又有人要斬倉,又跌,又斬,再跌,再斬...好似樓梯最上面的跑的人扑街,緊隨的人一個個碌落黎

今天碌一個,過幾日再碌多個都未定(你今日碌左未呀),當所有人都碌晒落黎嘅時候,你就可以從容上樓了