葡萄

想exchange,我一直以嚟都想exchange,可惜家中環境唔允許出幾皮野嚟滿足自己自私心。

所以我完全唔明有人老豆老母比晒錢再加scholarship自己淨袋之後發現原來自己唔鐘意exchange生活嘅孤獨同無助感嘅感覺係點。
自己想著安慰人,希望佢可以嘗試好好過左宜家嘅生活先,反正很快exchange也會完結,卻換來'不了解,葡萄'等說話。

究竟我是否葡萄呢?也許是吧。
發表時間:2014年10月29日 | 評論 (0) | 全文

公廁記

雖然呢件只係一件小事,但唔知點解我覺得值得記低。
件事發生係星期二晚,果晚我打完橋牌,食完宵夜吹埋水已經十二點,但通宵車又無咁快到,所以我就同朋友一路行到油麻地先等車。
本來自己都有少少急,等車等到愈黎愈急,見到果時仲係十二點四,車無咁快黎,好記唔記又比我記得白加士街垃圾站有個公廁,於是係知道伏伏地既情況下都去左..
個公廁其實唔係地下的,要上兩層定三層樓梯先去到,果度仲係公眾浴室黎添。結果上左一層,就已經見到有露宿者訓左係度,其實都預左,呢個係INNER CITY既URBAN DECAY問題(地理撚mode on)
沿路上果時都一路聞到煙味,又勁多煙頭,我心諗快快趣趣去左算,結果終於到達個尿兜前面,開始交水費...交交下水費果時突然有個人入黎,我果下竟然驚佢會係後面扑我......(其實明知無事..)跟住拿拿林交完水費之後就走左,落到去地下門口就見到兩個警察係度捕住,好彩我係一等良民,當然無比佢地截停啦..
要體察民情唔係話出街走一趟就得的,你咁樣係深夜去一次公廁好過你同住戶傾計多多聲,社會問題真係隨處都在。

發表時間:2013年10月24日 | 評論 (3) | 全文

[抄yahoo知識]公司英文名後加AG係咩意思?

睇得webb-site既ccass多,就會留意到deutsche bank(即係德意志銀行後面)有AG兩個字(Deutsche Bank AG)。其實我一路都唔明點解,又懶得去查,直到今日終於上YAHOO搵下啦~
原來係咁既

AG的全寫係Aktiengesellschaft.意思係 limited by share.即係股份有限公司,等於香港的Limited,凡是德國公司或者講德語的國家,例如奧地利,瑞士等的公司多數在後面加AG,另外AG是德國公司的域名,等如香港公司的.COM.HK.Nero.AG 就是一間德國科技公司的網名

抄考網址:
http://hk.search.yahoo.com/search;_ylt=A2oKmLFkEFBS4T0A_4azygt.?p=bank%20ag%20%E6%84%8F%E6%80%9D&fr2=sb-top&fr=FP-tab-web-t&rd=r1


無無聊聊做下呢D野當係累積下知識啦~
發表時間:2013年10月5日 | 評論 (2) | 全文

雜感(20/9/2013)

開學後甚麼都覺得很混亂,沒有方向,也許是暑期完結開學後群症吧。
其實工作也真的不算很多,只是自己喜歡拖延吧。
本以為今學期沒有一個course是和她一樣,豈料還有一個。見到她的背影,她的臉時還有些不知所措的感覺。也被一位朋友罵了很多次,說我放不下,老實地說,我真的還放不下,請給我多一點時間,讓時間沖淡一切吧。
洋蔥是我近期經常聽的歌,可惜歌詞中的wish始終不會實現,讓我的心意永遠藏在心裏吧。

如果你願意一層一層一層 的剝開我的心 
你會發現 你會訝異 
你是我 最壓抑 最深處的秘密

如果你願意一層一層一層 的剝開我的心 
你會鼻酸 你會流淚 
只要你能 聽到我 看到我的全心全意 

http://mymedia.yam.com/m/2051215




發表時間:2013年9月20日 | 評論 (2) | 全文

買股,以心為上

買股票只係保持購買力,甚至增加財富的其中一隻方法,無謂做到好似打仗咁,同個莊家搏命,誓要搶到一兩個城池。
所以我既第一個買股心法就係買D波動細,令自己坐得舒服,甚至係摺左都會覺得開心既公司,因為可以陪埋D有錢大戶一齊死^_^
係我持股中,184同1700屬於呢類,至於我無買到既,太古地產同大酒店都係當中既例子。
老實講,買呢D股票搵大錢實無份,但對心理健康一定有保障,事關波動細,每次睇價都唔會心驚膽顫,情緒亦都無咁容易受股價上落影響

當然一定有D心理質素特佳既股壇老手,日日幾百萬上落都面無懼色,但作為一個本少既小市民,我寧願慢慢黎都唔去搏命,因為我覺得命只得一條,做安心既事就已經足夠
第二個心法就係買自己喜歡既公司
自己喜歡的公司未必是投資價值高既公司,所以跟隨呢樣野時要先以投資價值為考慮, 之後先揀自己喜歡的公司買,至於喜歡既原因可以有好多,例如老細個樣,公司名,公司往績,甚至係個股票號碼,總之喜歡就係喜歡,解釋唔到~
買呢D公司,首先第一件事你唔會陰謀論間公司,搞到間公司係你既敵人咁,咁樣至少唔會諗太多野,訓都訓得舒服啦,第二件事你持有信心會大好多,因為你唔會坐立不安咁MON住間公司,時光飛逝,不知不覺就可以坐好耐,如果果間公司真係有長期投資價值,咁就可以賺好多了~
或者呢篇野對專家黎講無用,但至少可以提醒自己買股既基本原則,follow your heart.
發表時間:2013年7月13日 | 評論 (3) | 全文

戀愛有感(完成)

我不是一個擅於表達自己的人,更不懂把自己對某人的愛慕以適當方式宣示出來,我只希望把自己的真心全部展現給她,誰不知這正正傷害了她...這是我的自私和對女孩子的想法全無認識的想法的結果。
戀愛跟買股有點相似,好股難求,好股而又肯讓你參與的更少,你需要的是耐性,耐性,和耐性,靜待買入的時機。有些好股也許不給予你進場的機會,你只知她是好的投資,而她也知你是她的潛在投資者。只不過她的價格長期高企,與她無緣也是必然的後果。只有時間才能讓你認清別人,更重要的是讓你認清自己,因為了解自己比明白別人的心意更難。我的失敗正好讓我知道自己的性格是如此衝動,若不好好收斂一下只會令更多的人受傷害
朋友說了一個結識女孩子時應有的邏輯,或者各位師兄都知道這東西,可能只是我一個人愚蠢。
"她不拒絕你並不表示關係可以更進一步,而要等到她向你表示有興趣才能一試"
這也許是今次的死因,雖然到今天為止還未完全放得下,希望今天的ON9可以造就明天的睿智。
發表時間:2013年6月16日 | 評論 (0) | 全文