http://realblog.zkiz.com/lgaim 有道德搶劫--味皇 RSS Feed zh-tw Thu, 20 Jun 2013 11:54:25 +0800 http://realblog.zkiz.com/lgaim/59123 氹仔果層一房經屋,以前可能是香港樓的1/3價錢,現在已經變為香港樓的1.5倍,有見及此,味皇打算下年賣出間一房經屋,清左按揭佢,剩低D唔加錢一筆過換成屯門兩房居屋,都係收咁多租]]> 2013-06-17 22:50:51 http://realblog.zkiz.com/lgaim/58899 重練3人組神功大成後,一個可打十個,在外表現出來的造型同手法其本差不多,今次味皇關注在內沒有顯見的細節
東方不敗屬於感性的人,劣根去除後,想必會感慨一番,然後裱起佢,高掛於庭以作紀念
岳不群屬於理智型又小氣的人,礙事物切除後,定必掘地三尺,就地掩埋,然後立碑"此地無LUN三百兩",然後看到LUN字又刺激到佢,於是改立"此地無向左走向右走三百兩",LUN字列為派內禁語,埋物地列為禁地
林平之為人孝順,中刀後仰天長嘯"父精母血,不可棄也!",便把OX塞進嘴巴吞嚥下去
雖然3人組看來差不多,但想的事可大不相同
基本上不同人做同一樣事而得出同樣結果,但背後理念往往是不同的,跟一次結果可以相同,跟兩次都有機會相同,跟三次就未必同了,而且有冇可能次次跟得足?而有相同理念的人去做不同的事,得到相似結果的可能性也許較高,其他部分像是割皮包,要吞的人還是會吞下去
買收息股又好,科網股又好,BUY&HOLD又好,炒賣又好,起碼知道理由先,唔好人做你又做]]> 2013-06-16 11:18:50 http://realblog.zkiz.com/lgaim/58285 見到這樣一個小小的列表,大家會有何反應呢,其實這列表早在2009年頭味皇已經列左出來,但冇人在意,因為那些公司當時還健在,事過境遷,我想現在舊事重提應該會受返少少重視
舊文
http://blog.yahoo.com/_7MEOO5K243HYUTFOVISBFVO23Q/articles/323424/category/%E6%A0%B8%E6%95%B8%E5%B8%AB%E7%A0%94%E7%A9%B6
http://realblog.zkiz.com/lgaim/9320
想當年的陳葉馮,現在已經改名國富浩華,至於其老闆,是波叔劏房波
味皇進行的三個研究,律師研究的原理是如果老闆的愛好是向澳門交稅,咁佢為左其愛好,首先會不務正業,而且會有很大的動機淘空公司去交稅,保薦人同核數師的原理是,如果使同功能組別的的保薦人同核數師,就一定會用到其功能
不管你信不信,反正好多人就不信了]]> 2013-06-12 20:02:14 http://realblog.zkiz.com/lgaim/57451 隊中的球員分為自用同投資用,自用球員作為主力攻堅,投資用以返賣人口為目的,間中出場升值就賣,必須人工低,照顧接手的下家的購買力

RF取消左圖片上傳,上圖唯有迂迴處理,2013年熱刺的人員同2012年相比,味皇相當不滿,主要是因為克羅地亞幫解散,比如FM2012時味皇用卡蘭積卡以雙30當選英格蘭足球先生的,說回正題,味皇急需處理人工超高的三老同王子,廢左的賓利同預備隊的閒人,因個人喜好問題兩個契仔,白痴兄弟,電老鼠,卡寶亦會賣走
賣人就必須事後補回,等於賣自住轉租往往會非常悲劇,換馬有分幾種,現金套現,升級轉換,將貨就價
加拉等人是套現的,身價不重要,主要是慳人工身價賣比馬賽,,王子人工超高,為求火棒有人接,跪地喂豬乸免費推售,波爾多一半糧租,照殺,費度推比富咸,白痴兄8M高價賣比雷丁,迪福冇人要,契爺都唔收逼住用,丹比斯都係,但實力足可以用住等,柏加重傷冇人要
升級轉換部分,名字非常霸氣的契仔李佛魔,7.5M送返比佢契爺,用5M從利雲得換成強力中場艾邦拿,卡寶24M高價賣比祖記,用7M買來皇馬的艾比奧爾,蘇爺本來不特別打算賣的,但14M不能拒絕,5.5M換史雲斯實力相近的尼祖泰萊,連儂以低市價的9M售予紐卡,換成同樣低市價賓菲加的卡坦8M,以上的不但實力更強,而且人工更低,兼有錢袋,另外仲有賓利2.4M送走,4M換成因AV重傷的艾伯頓,3.6個贊師傅的價錢賣走不比贊師傅強的哈利基恩,再換回一堆贊師傅,後備龍2M買來受皇馬政治逼害的阿丹,5M租賀治比給曼城,3.5M入上海申花的文尼路,唯一一個中超可同孔卡比較的球員
另外蘇爺有3間出價,曼,廠同法甲一間,理論上賣比法甲最好,但味皇賣比曼而拒絕其他,因為味皇認為阿蘇不可能搶到艾夫華等人的主力,遲下一定會賤賣,於是決定坑魚拉突一把,結果下季果然3.3M挂牌,味皇都有競價回購,但佢去左紐卡
投資的世界上總會存在更平但更好,或者同樣但更平的東西,你找不到不代表冇,係睇有冇心去搵
將貨就價,23.5M賣白痴弟去車仔,呢一代白痴弟被過度美化,GAME入面比佢強的右後不太多,但23.5M也是好價,味皇想用佢擠掉車仔AZ的主力位置,然後把AZ低價擼來,結果冇左主力的是伊雲,味皇只能擼管,賣左白痴弟後,套現的錢足夠買強人,不過味皇5M換來西布朗的巴利鍾斯頂當,同時召回預備隊青訓名字非常霸氣的右後阿當史密夫,味皇有心練佢,雖套現不少錢,但實力相應下降(預備隊還有個名字非常霸氣的叫道瓊斯,有三件吉祥物,難怪熱刺生財有道)
投資用的部分,免簽前布力般的vukcevic,同挪威的不知名物體,其實上面的艾邦拿,艾比奧爾,阿丹,巴利鍾斯,文尼路都是投資用的
由於前鋒人手不足,改打451


開檔要求利維建新球場,佢同意,49000,坐,比現實的5萬幾坐位少,同時要佢搵衛星球會,搵左比特步邪左落英冠的伯明翰
教練團有幾個違約金獵人,炒要賠好多,可以加價50%同佢續約,但縮至1年期,續左之後即炒,例如弗洛伊德由賠2M變成只賠1M,先附出小小的捧捧糖做餌,以後推倒就輕鬆得多了
開檔第一個轉會期的情況

]]> 2013-06-10 12:32:50 http://realblog.zkiz.com/lgaim/56821 公屋阿婆可以趕的都趕的七七八八,領匯開始變成低增長股,同置富比已無優勢,越秀真正息率偏低且一段時期不會有增長,乙級孖寶息差優勢不大,朗豪孖寶等佢盈警完先,暫時仲有利用價值的只有置富,兩年半內的富豪同匯賢,不過實際上其他股大跌的情況下,買其他收息股也許更好
中信供股價2.02,現在供股後先2.0幾2.1幾,其實抵到爛,只是契約限制下現在收息不多,要變10厘股起碼等佢還左貸款先可以
文軒盈利會下跌,因為有特殊收益,但派息可以維持,至於發行A股,照計是對公司有利的,但其於管理層較低的投資水平,集到資也冇本事增加太多盈利,發新股後每股派息相信會大幅下降
跌幅較大的仲有中銀香港,金利來,神威之類的,特別係中銀香港,是優於一半REITS的選擇
味皇換左手機(其實係淘寶2手貨),非常極之冷門,肯定唔會同人撞機,RF度有人講買乜機好又可以見人,買D偏門到冇人識又唔係大陸牌子咪唔怕比人笑攞,例如Alcatel同黑莓之類的,實情味皇買左毛記的美版機
樓B油油,工程進行中,放工自己一個人油--駱駝漆,油到1997--真係有排油,話說駱駝漆的價錢係紫荊漆的一半]]> 2013-06-08 10:42:25 http://realblog.zkiz.com/lgaim/56368 其實佢硬膠,如果是味皇就事後報警拆花籠,駛鬼自己出錢,果然小學雞卑鄙度不足
講返股市,最近收息股大跌,D人"忽然收息"咁爽拿?話說收息股買親都一定會大手,所以"忽然收息"可能會比買老千股更加重創,大部分人在貪息的時候手損的話,自然會極端批評買股收息是邪道,我想不少聲稱買股收息的人都會有不快經歷,但是像3厘不足的領匯算是收什麼息?如果不是因為價升的話恐怕不會有人去"收息",正式是收息的話,起碼應該比較一下定期,IBOUNS之類同股的優劣,就像今次,就是因為有人將股同債(IBOUNS)進行比較而成的,很多收息股在安全性同利率都不及呢批官債,有人要買債就要先賣股套錢,仲要超額認購佔用資金就更多,如果IBOUNS是每年一度的話,類似事件就會每年一次,今期熱錢的題材係收息所以影響收息股,上年題材係第樣就影響第二類之類,反正熱潮一過又打回原型]]> 2013-06-02 08:59:28 http://realblog.zkiz.com/lgaim/55972 利維:顫抖吧!凡人!我們也是強隊
味皇:可是第5名呀
利維:那是黑哨,年年都黑
味皇:全年連一粒十二碼都冇是否前無古人呢?
利維:自古槍兵幸運E呀
味皇:人地馬刺係槍兵我地又係槍兵,佢地有柏加我地又有柏加,成績差咁軟
利維:睇迪士尼卡通片,主角老鼠永遠只靠運氣就可以令貓出現各種失手,人地弓兵幸運爆燈,而勝利又內定左比大邪神..
味皇:我話軟呀,前面一個黑又矮,一個黑又軟,犯規我地最少,比人犯就最多,仲要做邪神的C+雞,話說老隊長退休,打後衛成世人居然連一張紅牌都冇攞過,確實奇芭
利維:傳奇球員在隊中退休,是我們的光榮
味皇:那又是,我們小球會都有京治,連大紐卡都有老味神,而隔離一個都冇...喂,咪轉移話題
利維:今年會好好多了,話曬大邪神退位,球證應該會公平D,我地有主動權!
味皇:主動你妹!啊,熱刺,你的名字叫新條直輝...
利維:新條直輝好,新條直輝係人氣角色
味皇:啊,新條直輝,你的名字叫無冠...
利維:咳...請,請不要這樣說,新條好可憐的,我地都係4年啫,隔離蘭度咪仲加...
味皇:不要一百步笑五十步,你有幾多次跑得贏蘭度架
利維:次次都係臨衝線壞車,或者無辜比人撞,或者架車比人做手腳,新條直輝都唔想架
味皇:邊個話要你跑贏架,賣萌呀!賣萌,新條直輝就是賣萌的,靠個樣搵食架,反正都是贏不了,要人氣就是要個人特色
利維:...我不知如何回應
味皇:不知如何回應的時候,微笑就可以了
利維:(微笑)咁應該要點做一個合格的新條直輝呢?
味皇:唔...卡蘭積卡,哥魯卡,古迪仙尼,賓利,球霸都比你賣走左,我地既魅力值降到史上最低水平...不如咁樣,你就改變風格,紳士變痴漢,發癲的大叫"冇人可以開在我前面!",成為人型推土機,推倒見到的所有人
利維:喂喂,好古典的角色,赤木軍馬呀
味皇:我要衝線,唔係我要脫腳,反正樣已衰,索性變猛豬突進型啦,反正新條同赤木差唔多一樣樣
利維:我不容許有人靚仔過我!
味皇:終於講出心裡話嗎,睇你一面弱氣受的樣子,難怪比那腹黑攻同傲嬌攻克得死死的
利維:一面受的樣子!(打擊)
味皇:我要青瓜!唔要香蕉!軟的同的換左佢,球證同我通通佢
利維:有乜好青瓜啱口味架
味皇:昆士柏超士的後衛尹錫榮同安奴夏可以低買高賣,前鋒以前曼城個卡西度同雷丁個普恩耶克又平好肉,係莫斯科火車頭,如果巴爾打前鋒就買賓菲加個加坦或者車仔個馬連頂佢個位,以前黑貓的基恩同多仔個巴里奧斯就人工高就養唔起啫,孔卡應該冇問題啦,想要後生就係華倫度拆骨就係
利維:喂,邊度係青瓜呀,個個都咁岩蠶,分明似苦瓜啦
味皇:想做新條直輝唔該買返上年比你賣走果班,唔係就疉埋心水做赤木軍馬]]> 2013-05-25 03:44:19 http://realblog.zkiz.com/lgaim/55679 新樓B已經成功購入,下個月交吉,大陸舖位又比曬錢,等攞屋契,一切計画通り,意外地新樓B的業主除左扮無奈之外,冇玩一二三,味皇應該唔會收到間爛屋凶屋,可喜可賀,為左慶祝計劃完成,味皇買左新電話,淘寶二手的...汝等狂汗,應該近日到貨
為左買舖沽左好幾隻股,抽走的資金就是上年買樓A特登借多的金額,呢批無本資金生利似乎有5成,雖是存心套息卻有意外之喜,今年組合回報暫時1成半左右
近日痰上頸,主要是見到呢個網頁,http://www.kenbiya.com/list/p2=1000,反正味皇這個冇辦法忽視,冇辦法忽視自已乾塘的戶口,倒是味皇的樓A不知不覺間升穿300萬,大駭中,比到盡咪二百三四,一房呀老兄,以前一直話香港樓貴過澳門樓,簡直常識一樣,現在味皇居然想沽左佢過海換得寶都仲可以有錢剩,而且仲有實施的可行性,都唔知算澳門人的不幸定係大幸,總之澳門本地生物的生存條件正急速惡化,也許第一個XX萬的文章可以提早到來,但味皇卻高興不起來,反而有種蛋蛋的憂傷
近期股市的題材是息息息,REIT之類收息股開始進入無利可圖的水平,跌吉都好多收息過活呀,借50萬收息之類的題材,味皇倒是想說,人們口中就說收息,還不是因為近期收息股狂升先買,咁之前8厘果時徘徊左成年幾兩年又冇人要,口說收息實則為賺差價,小朋友不要學,至少現在不要學,所謂的依計行事,切忌行動表裡不一
金價大跌而收息股急升,說明買之前開商品的熱錢轉左入收息股中,就現水平按息率計,公路-1厘=REIT=公用+1厘,差距不是很大,味皇認為息差不大時持有無年限的REIT優於有年限的公路股,而息差不大時持有有保留盈利的公用股比派清光的REIT更有前途,所以即使係中國蠕動或者中銀香港,都仲有些少利用價值
收息股同長年期美債有必要存在一個息差,至少收息股不可能無限制地升落去,我想題材應該好快就轉]]> 2013-05-21 03:27:00 http://realblog.zkiz.com/lgaim/55496 上市冇耐的克莉絲汀,應該算是實業型的公司,但我們正常都會知到佢上市的業績睇過就算,唔好同佢認真
但係面包舖有佔用資金少,成本低,高毛利率,加價快,可以隨時偷工減料,對舖位面積不敏感的各種優點,就生活來說,味皇屋企周圍的舖頭轉營完又轉營,但就係幾間面包舖做左十幾廿年都仲係度,雖然賣的包由實心包變成空心包
講返正題,克莉絲汀的保薦人屬馬會系,特點係食水深回佣多有重復抽水的傾向啫,基本上是化妝而不是整容,易扣血但未至於一定被秒殺果D,確定報表仲有參考價值後,就直接睇佢報表
固定資產近7億,存貨只在2-4千萬之間,基本上其資產配置就是一間地產公司,營業額10-14億,即是說佢3幾千萬的存貨,7-10日就賣曬,賺到錢又可以入貨,貨如輪轉,無限金錢,基本上就是不死身,難怪舖租係咁加都唔見D面包舖執粒,味皇懷疑面包舖只要開張時間足夠長,都會有自置舖位,克莉絲汀現金10億,加固定資產7億合共17億,沒有負債,市值13億相當正豆
但現象流表不能相信,面包舖有個特色產品叫期票,即係餅卡,理論上餅卡屬負債應計入貸款,但面包舖偏偏就可以將佢計入經營現金流同當期盈利,所以味皇之前咪話,叫人買幾噸餅卡或叫人嗌幾十百萬個外賣,就係唔送貨,我也能高價上市
既然唔信佢,就求其估下佢的真實盈利:
                           12               11              10              09               08
純利                0.20            0.95         0.88          1.15             1.27         合計445
負債                    0                  0          0.75          1.42             0.59
-----------------------------------------------------------------------------------------
實際盈利        0.20             1.7          1.55           0.32            0.68?       合計445  
集資                                    3.12              
純現金增        2.39            1.50        -1.64         1.31               ?              合計356        08年445-356=89?

首先發現,上市前的數字擺明玩野,但還左債後就變返冇事,佢上市後立即盈警,消除左將來不實的數字,第二發現是每年大量現金流入,不過就不太穩定,由於固定資產基本變動不大,因此盈利取5年平均,太約9000萬,市盈率11倍左右

                           12               11              10              09               08
已繳稅項         0.23            0.31         0.41           0.46            0.51
25%稅率        0.92            1.24         1.64           1.84             2.04
15%稅率        1.53            2.07         2.73           3.07             3.40
現金流             0.89           2.75         2.86           3.68             2.99        

現金流偏向15%稅率,而12年變25%稅率,交稅奇高,而盈利實際又冇咁多,發覺佢折舊居然高達雙位數,嚴重影響了盈利數字,但稅局並不承認其折舊率,依然收足全稅,理論上餅卡屬負債應計入貸款,但稅局偏偏就可以將佢計入盈利同去收稅

總體上佢現金流同盈利數字嚴重不匹配,但它是反傳統的現金流大於盈利數字,在新股中比較少見,數字不匹配除了令我們的信任度降低之外,實際上卻找不到特別的副作用,現金流入同還債提供左正能量,但我們依然面對信任度不足的情況,還是聽其言觀其行最好
由於面包舖天生佔用資源少,還左債,而佢手上又有過量的現金,派高息例如6仙以上絕對有可能,但反過來說,佢橫掂咁有米又集乜鬼資,目的何在?沒有理由相信,有人係出面搞副業,想制造一個小金庫,方便日後做ATM
總體而言,克莉絲汀有實際投資價值,集天時同地利,但人和可能是負值,一朵菊花插在便便上,淨值1.4估值PB1.4=2,盈利當9000萬人仔即0.15PE14=2.1,要投機的話都可以博佢盈利反轉嘅]]> 2013-05-14 05:20:10 http://realblog.zkiz.com/lgaim/55272 居然有讀者做左味皇的鄰居,自己就相當意外,話說之前味皇又話唔買佢,又乜又物,果時最平都要百一二萬港紙,跟住味皇就放棄左,轉去南屏睇寫字樓,又係要百一二萬,睇唔啱最後打算上中山買電腦城,剛好經紀打電話話有蚊舖,最後居然買左,就結果而言,原來味皇所有的問題都係價錢問題
現家佢係同發展商簽9年託管合約,發展商再分租出去,發展商賺/蝕租金的差額同其他費用,同長實分拆酒店的模式是完全一樣的,我果間頭3年租6.5厘,6.5X1.1厘,同6.5X1.1X1.1厘,當佢280蚊/平方啦,出面市價可能只有200蚊/平方,雖唔排除租金可能高於市值,但發展商依然有機會蝕住做,新商場為左吸引租戶旺場,一開始以低於市價的租金招商是很常見的,3年後即使真係好旺場都好,重訂租金時收到更多租的機會都是一半一半,一開始高回報是為左引人買舖,佢出豉油我出雞,基本上想到的隱憂就只有這個
至於優點就同之前講的,樓上是大型屋邨,仲係收左一筆拆村補償的屋邨,而沃爾瑪又有免費巴士可以黐下金糠,交通影響範圍較大,變死場可能性較低,之前睇過九州城對面過商場,周圍基本百無,都唔怕死場人流仲幾多下添,益健果邊大量空置,因為未開張,岭秀城本身都要10月先開,到時先可作定論,以面積來計,果邊舖位全開的話規模會大過夏灣,可以吸引外來人流特別係食客(不過岭秀城商場定位過高,不知能否從蟻民中得到多少好處)
味皇之後可以收6.5厘,而味皇計劃開張後加價至4.2厘出售,即加價54%,由於存款利率有成3厘幾,因此回報率必須要高出利率一兩厘先叫合理訂價,有冇人上釣視乎商場的營運表像如何,無意外2半年內必走,之後買回6厘的中山電腦城或股,由於澳門買乜收租門檻都太高,直接在澳門放售銀碼細有4.2厘有人上釣的機會會較大,但只有今次我不敢說買家是水魚
大陸同港澳的城市規劃非常不同,住宅就是一大群純住宅,沒有包含地舖,但又另外找一個地方就整個純商場,將地皮的功能分開,例如華發新城同中信紅樹灣咁,結果小業主永遠都得不到自主業權,管理公司始終大過你,反過來說商埸舖成為主流,唐樓街舖變得奇貨可居,而珠海各地都有形形色色的商場,但市面上的放盤卻很少,也許商場舖意外地回報率滿足到人(雖可能極新又有返租所以不賣,像味皇咁怕死的始終都係非主流)
另外想提下,南屏睇果棟寫字樓(商住兩用),號稱珠海最高,味皇睇過幾鍾意,只是回報率未達標,不及工商舖,但絕對遠遠遠優於純住宅,買收租樓的可以考慮,味皇將來(N年後)必買....其實味皇只是認為買大陸住宅收租是劣劣劣而已

]]> 2013-05-07 00:32:32