大時代

好悶呀.......

升未呀?.......

唔知呀........

不如睇下戲囉

好呀!呢期睇《大時代》呀!

正!!



我等左七年喇!終於有機會打敗丁蟹喇!

七年以來,我未見過人咁好運架!雖然一直儲子彈,等機會,但係無辦法報到仇。

隻糕蟹日日寸寸貢,借哥倫比亞大毒梟20幾30年錢,贏左錢就扮晒蟹咁,以為有war就一定跌。

咩求過於供、咩人少貨多、咩唔洗借貨都可以沽空推跌個巿,以為真係可以惡足一世?

我知道大奇蹟日一定會出現,升鑊勁嘅!

夾死你班糕蟹。


熊巿之後,一定會牛巿,牛巿之後,一定會熊巿。借毒梟咁多錢你估唔洗還呀?我就唔信你可以隻手遮天!



大奇蹟日之後,就等住睇逐隻逐隻揼落街!


慳妹!!


痴左線喇~ haha~
發表時間:2015年5月16日 | 評論 (5) | 全文

打機與錢與人生

最近有些反思,記下來也好。

話說,不知甚麼時候開始,打機與金錢拉上關係。兒時玩三國志、Fifa、AOC等,買一隻CD回家便玩數年,CD是正版還是老翻不說,後來還有download 這樣的一個名詞出現,買CD錢也省下。但近年,好像有些名為點數卡等的東西,要用錢買才可繼續玩遊戲,或者能夠在公平的遊戲裏比他人更公平。

文仔打機歷史也不短,習慣抱殘守缺的寒友文當然不會走去課金,因為我深明花無百日紅,機不過數年的道理。再好的遊戲,隨著時間流逝都會銷聲匿跡。念舊如我現在還會時不時玩玩AOC、金庸群俠傳,但世上還有多少個我?在我的角度來說這樣花錢實在不值得。所以現在的手機遊戲,我都不會課金。

有趣的事,縱然你不課金,遊戲還是會給你一些等於課金的優惠。於是小弟當然積存起來,待好機會才慢慢使用,這樣能事半功倍,從來延遲享樂都是財務自由的入門所需,萬事起頭難嘛。

事實又是怎樣呢?

過了百多天,喜歡研究的惡習讓我很容易便找到遊戲的竅門,雖未至於登峰造極,但日子有功,也成為了進階班的玩家,甚至比一些課金的朋友更厲害。然而,隨著時間過去,對遊戲的熱情亦漸漸消退。回顧一下當初積存起來的優惠,發現所存甚豐。

不禁問問自己,現在還需要嗎?^^"" 假如現在不用,遲些整個遊戲也不再玩了,那豈不是浪費了?


也許人生也是如此。(個blog寫股票,無理由唔寫下錢嘅~)

年少時積存,投資,希望財務自由。但到了財務自由的時候,錢,或者已經不是最需要的東西。人生劃上句號了的話,豈不是浪費了?

人生得意須盡歡,莫使金樽空對月。醉酒佬是這樣說的。
高築牆,廣積糧,緩稱王。宅書生是這樣說的。

這個矛盾如何解決,從來都是沒有答案的平衡線;要在平衡線上找到平衡點,是在空談中的空話。


點解最近成日寫埋啲自己都唔知自己想講咩嘅野?

一個人唔係鬼上身,好難講到咁多自己都唔明白嘅野架 (黃子華:《拾下拾下》)
發表時間:2014年4月27日 | 評論 (2) | 全文

偉大的價投宗師:雲格 (亂發up風mode)

從威過希特拉cut了有線以後,文仔已經很久沒有看英超。以往可以把數隊英超球隊正選球員如數家珍的能力已經盡失,現在只能從無記新聞、火車有記新聞、youtube highlight 等跟進一下賽事精華。據說,近幾年阿記好像沉淪了好一陣子(從facebook一班阿迷中的慨嘆聲不絕於耳中得悉),但今天卻變得脫胎換骨。

費爵退休後,憑著莫耶斯的領軍,曼聯成績可謂卒不忍睹。英超的焦點落入谷底反彈的阿記身上。昨天阿記對諾域治一戰,相信球迷定看到「嘩!嘩!」聲不絕於耳。

其中一員特別值得留意的球員,名叫藍斯。以高登仔的二次創作介紹:

(那些年錯過的大雨,那些年錯過的愛情。
好想擁抱你,擁抱錯過的勇氣。)
《那些年》

球場上再無法明尼,難忘你當天的明媚。
法比講再見,這位置換成藍斯。

(如果,命運能選擇。
十字街口你我踏出的每步,無用困惑。)
《天與地》

藍斯,運用球很慢。
後面分波你卻自轉三百六,常被責罵。


藍斯,被批評得體無完膚的球員,這場比賽卻成為了屈機怪:





又波車假身,又一個玩到四個訓低咁入波,唔講你重以為佢係美斯唔係藍斯。


阿仙奴今年開季成績很好,相信 ozil 為組合帶來了不少化學作用。雲格當日以4000多萬鎊買他回來,可謂一大震撼。但如今看來,奧斯爾的表現可謂物有所值。先不論阿迷瘋狂搶購奧斯爾球衣的盈利,單以他在各場比賽中的表現,為沉寂了多年的阿仙奴帶來了生氣和希望,已是莫大的功勞。

雲格一向喜買平價優質的球員,以高價轉售,落標時極重價性比。眼光獨到的他發掘了雲佩斯、法比加斯等球星,轉售後為球隊帶來豐厚盈利。這次一改風格,以高價購入奧斯爾,仍然帶來良好的效果,可見他是獨具慧眼的領隊。

奧斯爾,就像12元的金山軟件。貴,但事實是會繼續升至20元以上。
藍斯,就像0.8元的奧普,雖然被受質疑又下跌又沒表現,但守耐了還是會彈上去的。

雲格的管理手法,與其他球隊很不同。
球隊中沒有球星,沒有美斯,沒有朗尼,但球隊中的球員是會「養大」,甚至變成球星。
組合中沒有藍籌,沒有金沙,沒有騰信,但組合中的股票是會「養大」,甚至變成藍籌。

The untrained buyer fares best by purchasing goods of the highest reputation, even though he may pay a comparatively high price. But needless to say, this is not a rule to guide the expert merchandise buyer, for he is expected to judge quality by examination and not solely by reputation, and at times he may even sacrifice certain definite degrees of quality if that which he obtains is adequate for his purpose and attractive in price.
《security analysis》

今年,阿仙奴的表現令人期待呢!

(又講波又講股,亂晒龍,唔在行唔好亂搞事啦文仔 XD)
發表時間:2013年10月20日 | 評論 (7) | 全文

好無癮

文仔博客終於第一次俾人爆粗....

諗住同馬謖兄打多兩句牙交,唔駛大家咁大敵意,轉過頭就收到佢爆粗留言。

我成日講,文仔上黎RF只係想大家開開心心吹下水,學下野。即使語有衝撞,又何必惡言相向呢?

人地話樹大招風,我只係一個抄功課嘅小薯,都要咁,真係好無癮。

買股票有唔同方法賺錢,我成日話無話啱定錯,只有適唔適合。做人其實都一樣,無話乜人好乜人唔好,只有大家啱唔啱啞。既然唔啱傾,我就講少兩句啦。

文仔EQ真係好低,好易影響心情,咁搞一搞又累積唔少負能量,停止運作了好一陣子...... =(

古之君子,交絕不出惡聲。文仔唔係君子,而且好怕事,即使要絕交,都唔會亂鬧人。對於呢類麻煩問題,我多數選擇天山遁。好似好逃避問題,但或者咁對我黎講會係一個好嘅處理方法。

各位,啱傾就講多兩句,唔啱傾就講少兩句,或者唔好睇我寫乜,唔好理我發乜up 風啦。



世事洞明皆學問,人情練達亦文章。

發表時間:2013年4月18日 | 評論 (7) | 全文

2012

2012年,一個好得人驚的年份黎喇。
好多人都話今年12月21日世界末日。事實還是假象,到時自有分曉。

其實,末日又有乜好怕喎。

不過如果我諗,真係末日的話,我死左之後應該都會比神罵,因為我自問真係做得不好....有很多應該做得更好的事,可我沒有做好。

或者,股票都是一樣。

如果,2012年係計數年,到時睇返轉頭,其實好多野以為係事實,最後還是假象。其間發現了做得不好,但又不改正,結果有很多應該做得更好的事,就沒有做好。

但是,既然沒有人知道2012年是不是真的世界末日,那在世界末日之前,就要繼續盡一切努力做好一切。無論股場上還是人生上都是。

努力!

2012年,開始,我都會用小豬兄的方法,把全個portfolio 寫低,砌個%升跌,咁先有系統做計數,唔係好似2011年咁散散落落,睇返轉頭啲野立立亂,都唔知係點。


好啦!黎啦!新一年,充滿力量!

發表時間:2012年1月1日 | 評論 (1) | 全文