長春認輸

唉,呢個Blog唔覺唔覺寫左兩年,兩年來在RF學到好多野,不過遊兄有句話講得好啱,初出江湖,天下無敵,再學三年,寸步難行,呢個情況似乎出現在我身上鳥。

做咩咁感慨,心水清嘅讀者(都話無讀者架囉 XD)都知最近路訊通(888)出左盈警,今朝中晒伏啦,拿拿臨清晒@0.87。

老老實實,我真的從未想過會出盈警。在我眼中,此股業務屬於穩定型,增長雖然都估到欠奉的喇,但中期可以跌至少50%,情況如同哥斯達黎加殺入八強一樣。

之前睇佢有單刁,收返6400萬,上期業績話收左2000萬人仔,剩返3000萬人仔未入帳。諗住無死啦,少極都有3000萬頂下當,唔該晒,去左邊?

就係咁,就盈警了。

呢次突襲衝擊好大,令我反思左眼下的投資方法。如果要我評價一下自己而家的投資模式,我會話係可保命仔,賺蝕一般,發達無行。因為資產分配機制,所以單一股票點跌都不會氣絕身亡,像是次roadshow事件,其實也未傷及筋骨。

不過,以這樣的狀況,次次申報做紀錄,人地睇左照跟,害到邊個都唔好丫。所以我打算不再做買賣紀錄了,就讓我沉下去吧 XD

前年,增長成4成幾。去年,都有2成。今年,時至現在,仍然負緊成半。雖說,年尾我還是有信心可以追回失地的 (因為懶左大半年終於開始勤力做返功課 =P)。

就讓888成為最後一隻申報的股票吧 =P

文仔博客,以後還是隨意一點吧 =P 想寫甚麼便寫甚麼,無拘無束應該會較有紀律的記錄少點壓力。

好啦,繼續努力!

滾存

話說,世上最強大的力量叫做複式效應。投資,學偶像男神子華哥話齋:「將啲學費丟埋落去,利疊利,幼稚園、中學、大學疊晒落去。你大學畢業喇?要搵野做喎,我請你丫!」

踏入六月,股息重鎮相繼派息,要做的事當然是繼續滾存。滾哪一隻?

不服氣,不服輸,無奶油英皇證券(717) 唔升,業績又不俗,一於繼續疊。於是周五增持少許@0.38。本打算0.375 的,除淨了嘛,但似乎企得很硬淨,那也算吧,一仙半仙。

今年至今仍然未入波,欣賞一下世盃場場入三粒更加心情暢快。

唉,英格蘭輸了 /___\

老細呀,輸二比一咪執到囉,重想點呀?差成班波呀。

人們說,歐洲球隊未嘗於南美贏過世界盃冠軍,此話不無道理。大抵熱帶雨林的氣候與當地迴異,難以發揮原來實力也是可以理解。
但是,南美球員會否也是習慣了歐洲生活?精英都在歐洲聯賽搵食,長年都住那兒,又沒有人留意這件事?

今屆好像沒有聽到太多關於阿根廷的評論,美斯阿古路希古恩聽落唔打得都睇得,過幾天又看看如何。

世界盃,有朋友一齊睇開心好多 =D

賭大尐啲

周五增持了864永利地產@0.86,都是買個齊頭啦。

買入原因都是投機~ 去圖~



5月初大成交突破後急回,但回落時成交極少,相信是震倉之舉。於是放了盤在0.86收貨,有條黃色線嘛 XD 無理由排到藍色線咁低掛..

就是咁。都是那句,圖呢家野,有幾準,你懂的。

世界杯快來臨,大家有無好投資目標?今年無左八爪魚保羅,無number 降跟機鳥。直接買誰奪冠吧,老巴主場,照計好大熱,贏左都無肉食,唔買佢又買咩好呢?買黑馬烏拉圭?3964定律失效左喇喎好似~
文仔係英格蘭粉絲,過去幾屆都好有期望但無好結局,今年無咩期望,可能會睇得開心啲~

起到身先講啦!半夜三更,唔駛返工咩!

十年黃金變爛銅

常聽老一輩的親友說,十年黃金變爛銅,當年買金排了很久很久都不升值,徒蝕通漲。

過去一兩年,金價升至2000元美金以上,十年爛銅又變黃金(根本是黃金,變乜鬼??)

文仔的長江製衣(294)變晒爛銅,所以終於在2.8沽了。

播種,未必有收成,等完或者會浪費心機,那等還是不等?

不知想寫甚麼,不如不寫。

人窮思舊債

最近有些空閒時間睇左華地(1700) 的年報,覺得公司經營策略不俗,自置物業多,似乎是一所挺好的集團,加上最近公司回購,所以入一注@3.15 作跟進用。

由於資金不多,人窮思舊債,找找有些甚麼可賣的換馬。最後決定把等到天荒地老也已經忘記了的長江製衣(294)沽出換到華地上。然而,由於前者成交太疏落未能沽出,後者又勢弱早收貨,結果變成同時持有兩隻。

看看明天或後天怎樣吧?也許要繼續與長江製衣天長地久了。

建倉

近日積極打造成重倉的英皇證券(717)坐了一轉過山車,轉眼又還原基本步。

這好,反正貨還沒有儲夠。

今天掛了0.405,收巿前收了貨,相信再過一陣子此股將成為第二大重倉。

日日返工放工,不經不覺已經來到四月。現在才醒起,今年的利事股還沒有著落,子彈一直留在火藥庫封塵。

如果大巿真的急瀉,那也有後備資金可以動用。不過有錢身痕乃人的天性,所以文仔大概也會在大跌前按奈不住衝入去廝殺一番,然後被廝殺一番。

暫時手頭上也有留意幾隻目標,不過功課未做,沒信心投入(做左其實作用不大,不過可以呃下自己,加強信心 XDD)。

快放假了~ 復活節要復活~~