坐穩~

十九幾年無寫文仔博客,無端端浦頭,都知個巿好旺啦~

又黎喇,炒呀!

農夫歌曲又再響起~~~

買喇買喇買買買買買買硬
買買下個個買個個有讚冇彈
冇買  (就有難)
買多幾隻股票估下會賺

買喇買喇買買買買買買硬
買買下個個買個個有讚冇彈
冇買 (就有難)
買多幾隻股票估下會賺

6:
一路押韻 一味靠估先過癮
唔駛講運 我唔駛返工剩係瞓
估估下陳師奶又去旅行
我有股份就唔需要帶現金

C
:只因喜歡買出買入 又賺一筆 腳踏實地
6:
邊有實利 C:炒賣投機 6:經濟起飛

人人人人無啦啦話呢隻股會升
升高啲高啲咁先好反應
6:
俾個冧把我我都唔明 但係好過睇通勝

6:
阿爸 C BB
6:
開始 C:入市
炒股票有賭未為輸 金融風暴已經係歷史

買喇買喇買買買買買買硬
買買下個個買個個有讚冇彈
冇買 (就有難)
買多幾隻股票估下會賺

買喇買喇買買買買買買硬
買買下個個買個個有讚冇彈
冇買 (就有難)
買多幾隻股票估下會賺

6:
你男友 C:玩藍籌
6:
賺唔夠 C:轉紅籌
6:
炒孖展 C:高風險
有對兄弟會借錢

人人人人無啦啦話呢隻股會升
升高DD咁先好反應
C
:咪學360 郁郁下會停 跌到渣都冇得剩

6:
醫生 C:護士
6:
學生 C:教師
炒股票好過中3T 陸叔話你知呢件事

投機 最好 全港靠賭
由今朝早要撈 變到唔駛再撈
投機 最好 全港靠賭
由今朝早要撈 變到唔駛再撈

陸叔:
我覺得個市呢即係好快趣就會 如果跌到咁上下呢應該係 會作出反彈
而且呢係即係唔應該係會覺得係會跌穿嘅

買喇買喇買買買買買買硬
買買下個個買個個有讚冇彈
冇買 (就有難)
買多幾隻股票估下會賺

買喇買喇買買買買買買硬
買買下個個買個個有讚冇彈
冇買 (就有難)
買多幾隻股票估下會賺

C
:嘩 發呀


大家賺多啲,不過小心風險 =D

發表時間:2015年4月11日 | 評論 (2) | 全文

今年有個好開始 =D

今年有個好開始~

一開波英皇證券(717) 升返兩成,感覺十分良好~

其實,係舊年啲數黎啫....^^"" 

還是靠楊生幫忙~


今年一定要努力!6% 實在太羞家了 >_<

要爆發!一定要爆發!跑贏恒指無用架,要跑贏樓巿!要跑贏用杆桿玩嘅樓巿!


今年,係反擊之年!


發表時間:2015年1月3日 | 評論 (1) | 全文

2014 年結

2014年,實在不堪入目 XD

不堪入目到連文仔博客都要停寫 XP

不幸中的大幸,是年尾還是迎來了正數,總結為正6.82%

今年嘛,主要失敗原因在於固步自封。為甚麼這樣說呢?因為重倉的配置出了問題,開季重位放了在路勁(1098)、金利來(533)兩隻化石之中(其實都是2013年蔓延下來的趨勢)。至3月,才開始將金利來減倉,但過程進度很慢,做得不夠狠。路勁更是在8月時才開始改革,太慢了。

但總算亡羊補牢,九月展開的改革收了成效,轉倉到國泰君安(1788)。不過,一度升上7.5卻沒有做適當的減持,釀成後來的災禍....(王冬青,唔該晒~)

至於能力保正回報的,實要居功於英皇證券(717)。羊生真的幫了我很多,這三年都是靠他支撐著。如果沒有你,日子怎麼過....T__T (唉,升齊喇,無晒英皇系了.....) 4月開始部署的重倉,到8月發力衝了一水,但竟然回到原地。沒有減持的我眼睜睜又繼續等待。到了年尾業績,爆發了,重上8月時的高位,那就減持吧.....一減便錯了....^^"" 再升兩成,就再減一點點吧....又錯...^^"" 最後升至1.32,還敢減嗎?不敢了,結果......跌回0.7^^" 雖然如此,還是讓我賺了一筆,去補回全年裏的失利。


今年的反思,是減持的學問。因為以前一直是長線長線長線,但今年此做法換來的效果似乎不太理想,有時候會遇上中空寶。不過,等得耐有時又會有著數,如一般人在0.5清倉717時,還能等到0.7甚至1.3,這些都是等待好處的一面。

平衡吧,看看如何可以做得好一點。


中了古惑的槍降(賣,死,唔賣,死,買,死,唔買,死,梅花間竹咁黎,總之做乜都錯XP ) 的2014年過去,2015年,要變得更強!
發表時間:2015年1月1日 | 評論 (2) | 全文

唔該晒~~

停左兩日牌,以為有咩事,點知.....

唔該晒,諗住衰足成年,食返個尾糊,結果,又被玩一舖......

計數以外的意外,其實係咪應該預測到?

王冬青,都有前科架啦~


不知道.....


不過唔該老天爺,唔好玩咁大,成日Chok機會死機架 x_x

重有半個月,捱埋佢啦~
發表時間:2014年12月17日 | 評論 (0) | 全文

好久不見~

很久沒有寫過文仔博客,原因很簡單,輸到訓左廠^^""

十一個月過去,接近輸足十一個月咁。其實間中有浮過下上水,不過又極速沉沒.....

其實今年頗好景,身邊很多朋友仔都賺到停不了,自己懶,又黑仔,所以頹足一年。

點解心血來潮上黎畫隻龜?原因很簡單,浮返上水面 XD

其實,浮返上水面都只係兩三個交易日的事......話說上周初還是負回報,周末就變成正數了。

為甚麼?全憑國泰君安和英皇證券吧。

今年不用負回報(重有成個月,勿太老定,要繼續小心點呀小朋友...),已經要還神了。一個月,可以追回多少失地?

希望年尾埋數時不要太樣衰吧.....

大家繼續贏多點 =D
發表時間:2014年12月7日 | 評論 (2) | 全文

拳頭若放開,可擁抱四周

無寫一排,係時候寫返兩粒字~

話說,最近進行左重組行動,沽出部份壓死了的路勁和金利來,轉換到其他股身上,換來的回報不過不失,總比繼續持有路勁和金利來好。

所以話,即使抱著你拳頭,到底也沒法牽手。有時候,退一步海闊天空。

不過又講返轉頭,沽左路勁無幾耐,佢就黎個回購,真係唔該晒。不過仍有貨在手,又賺得返,都算。

至於金利來,老老實實,隻股除左買佢派息,重買咩?無啦!生意?唔好玩啦,打貪賣衫,中秋興大班呀!(飛甩老土呀!)
又公道啲講,佢發展緊地產,都是個人希望佢發展的方向。向好看,公司減派息,留啲錢發展業務,改革下老公司味道,都是好事來的。不過,打爛左個派息招牌,一朝天子一朝臣,係好係唔好真係好難講,有懷疑何不拎返舊錢買其他呢?所以減下磅,都係好事。

話說回到正回報,查實係受惠於英皇證券,升到5毛黨,幾高興呀!樂極生悲囉,0.495沽唔出,坐返落黎,又要等下水。今年真係呢,無野好講。抵死啦,明明弱家牌,人地打出都唔食糊,等自摸,我都唔知點講你好喇文仔,無眼睇。 XD

添左啲咩新兵?食下滬港通,買下國泰君安,同英皇證券連動啦~

寫住咁多先,希望今年最後都可以正回報埋單,最好有雙位啦,今年咁好境都搞成咁,認真水皮!  >__<
發表時間:2014年9月10日 | 評論 (1) | 全文