攰~

雖然論文已交,但仍未尋回生活步伐。

新工作慢慢開展,遲些還要考試。

想溫習,但又想休息;想看股票做分析,但又想寫東西。

身心狀態不太好,要時間調整一下。

偉哥強勢回歸,文仔作為天字第一號抄功課的小薯,又多一版可以抄的功課。

但同時我又會想,那這個文仔博客其實也可以摺埋吧 XD 反正抄他的功課爽很多的說 XD

也許日後在這裏多寫一些別的東西吧~

這個九、十月,似乎並不安寧。總有些山雨欲來的感覺。未知是偉哥這樣說的影響,還是這幾年24,000 鐵頂的壓力。但一切還是小心為上吧。

重新看看自己的倉,暫時還只有保利(119)是用來炒賣,其餘都算是防守部隊,相信不用特別作出變動。也許真的殺下來時便賣掉保利提高現金水平。或者也會考慮減持聯亞(458)來增加入巿資金。

一切都言之尚早,殺到埋身先算~

繼續買貨

12月1日,升個不亦樂乎

出左糧,就更係做固定投資啦~

又排左一日金利來(533)@2.92,到差唔多尾巿,收左一半@@ 幾驚佢比得一半我....好在,最後收得齊 =D

一個月之前又係咁上下價,一個月之後又係咁上下價
咁其實我呢個固定投資嘅效益係咪好低呢? haha~

anyway,當保險工作啦~
話時話,政府嗰6,000都未出擊(其實平倉的已經當係,所以已賺回200 keke),諗下買乜好先~

今日咁升,我諗唔多唔少都會升返一轉,炒炒貢應該會搵到食嘅,試試啦~

兩條腿走路啦~(呢句野都唔知邊個諗出黎嘅,行路唔通一隻腳咩....)

出擊

之前話過,11月就開始固定投資買野~

今日係11月1日,就出擊啦~

下午見到金利來(533)買賣2.96 vs 3.03,於是就掛2.97。
頭盤嘅文仔,最後就梗係買齊啦 =D 嗱嗱嗱,咪話文仔唔比面,又chok 爆佢比大家入巿喇,燈神出手,保你無憂 XD
點知收巿重有得升下氹文仔開心,真搞笑~

其實個巿升左咁多日,隻野又升左咁多日,而家買諗返轉頭都有啲笨。不過……

小豬兄話齋,價值投資就係投資價值,唔會因為巿場價格升跌就改變。的確,文仔認為金利來係唔只值3蚊,大把水位。
成日睇埋一堆二堆話價值投資無料到的物體,文仔就唔信邪!即使我係假值投資,我都要試下我嘅假值投資最終係咪真係賺唔到錢。
金利來係文仔的重鎮,無理由唔撐場~
我就係要試試!如果自己都唔覺得佢得/嘴砲一輪算很數的,話比人聽有幾成功都係無用。

嘴砲是不能殺敵的啦!

所以我來也,上車!

而且,做人係應該要有誠信嘅~
瘋子兄,我來也!我又再養一隻8%被動收入的怪獸喇~

之前講過,會將工行(1398)換落去聯亞(458),當時工行乃係5雞,聯亞就係4.1-4.2左右啦,今日工行得返4.75。
如果當日文仔直賣工行@4.98 換落去直買聯亞@4.1,咁計返開,而家都重有著數。

所以話,真係要啱timing先得。
錯左timing又點呢?
其實都無變過,文仔的步伐仍然一樣。就係乞股mode....

乞左三日,仍然無人施捨丁咁多多聯亞過我,所以仍然未賣工行。等到有一天,工行升返,文仔可能考慮兩者直質直攞的方案。
不過暫時直質工行似乎唔係咁明智,所以hold 住呢個策略先。


近幾日,睇到唔少評論+埋個巿的表現,文仔都開始會諗,自己係咪真係睇錯巿?如果係,都幾頭痕.....

不過點都好,文仔一直維持適量的保險倉同現金,睇錯巿的話都有固定投資,現金方面最多當儲住錢,應付遲下巨大的開支。

睇啱就當然好啦!文仔一向望跌唔望升架 =D

過一排之後,等文仔執執啲數字計計數,點下文仔基金點先。不過未來減持工行嘅行動,好可能會帶來虧損了。

固定投資

 

今日恒指收係19,000樓上,又有熊被殺。

基本上,呢幾日恒指已經去到核突頭肩底的頸線,基於殺熊行動的關係,文仔相信佢係會升穿頸線繼續升。
不過唔緊要,最重要係佢遲早跌返落去,文仔呢個信念重係好強~

早排話,升到19,500點就沽工行(1398),換金。其實早幾日真係好想做呢個動作,但係基於文仔的燈神能力太強,於是比想買金的家人封殺左。
結果,佢地買唔比我買,最後升.....

算啦,佢地賺同我賺都係一樣好事,最多我唔買金囉....

如果真係升返上去,文仔仍然會打算沽工行,到時可能搵第二隻股轉,到時先算。

近來諗到嘅反而係,有返人工,都係時候每個月買返啲野做下固定投資。成日估估下無行動乃係文仔最失敗的地方,要克服呢個缺點,就用最簡單同機械的方法去做就ok啦~
所以,文仔打算每出糧後都買1次金利來(533)。入場費平,息高,買多買少因時制宜~更重要係,金利來股價有排都未到佢實際價值。

文仔都要加入瘋子行列,增加被動收入 =D