良心何價?

「佔中效果有限,現在香港根本沒有這個根基。當年2003,民不聊生,先有7月1這樣大的規模。現在2014,個個有飯開,又有多少人站出來?」

這樣的判斷。錯了。

28/9/2014,比起1/7/2003,絕.不.遜.色。

遠遠超越了我的想像。

佔中,可以該中共改變主意?天真。哈哈哈。
學生,被利用了還懵然不知。
讓你們一人一票,就會選到好特首?就可以管好香港?不可能!

等等等等,無數無數。

事,是對,是錯,熟是,熟非,不予置評。

願意為理想而犧牲,觸動了我的靈魂。

知其不可為而為知,義之所在而雖千萬人仍往矣,亦足以羞花生友也。

大家都鍾意自由、民主。你又為此付出了多少?

良心何價?
發表時間:2014年9月29日 | 評論 (4) | 全文

拳頭若放開,可擁抱四周

無寫一排,係時候寫返兩粒字~

話說,最近進行左重組行動,沽出部份壓死了的路勁和金利來,轉換到其他股身上,換來的回報不過不失,總比繼續持有路勁和金利來好。

所以話,即使抱著你拳頭,到底也沒法牽手。有時候,退一步海闊天空。

不過又講返轉頭,沽左路勁無幾耐,佢就黎個回購,真係唔該晒。不過仍有貨在手,又賺得返,都算。

至於金利來,老老實實,隻股除左買佢派息,重買咩?無啦!生意?唔好玩啦,打貪賣衫,中秋興大班呀!(飛甩老土呀!)
又公道啲講,佢發展緊地產,都是個人希望佢發展的方向。向好看,公司減派息,留啲錢發展業務,改革下老公司味道,都是好事來的。不過,打爛左個派息招牌,一朝天子一朝臣,係好係唔好真係好難講,有懷疑何不拎返舊錢買其他呢?所以減下磅,都係好事。

話說回到正回報,查實係受惠於英皇證券,升到5毛黨,幾高興呀!樂極生悲囉,0.495沽唔出,坐返落黎,又要等下水。今年真係呢,無野好講。抵死啦,明明弱家牌,人地打出都唔食糊,等自摸,我都唔知點講你好喇文仔,無眼睇。 XD

添左啲咩新兵?食下滬港通,買下國泰君安,同英皇證券連動啦~

寫住咁多先,希望今年最後都可以正回報埋單,最好有雙位啦,今年咁好境都搞成咁,認真水皮!  >__<
發表時間:2014年9月10日 | 評論 (1) | 全文

好轉又重創~

最近二號米倉英皇證券(717)上升,終於追回不少失地,也由負回報變正回報,再向雙位數回報進發。

可惜好景不常,最大米倉路勁(1098)出業績,減派息,倒退,兩點足以令巿場大沽特沽。

味大已經拆解了業績的大概,詳細也不必多說,可以講的是業績其實收貨,但要繼續等下去。
如果不是倉太大,佔比重太重,明天跌的話大可增持,但現在重了注,轉身又不能,加注又不能,洗濕了頭惟有繼續捱打。

所以話,招式用老了,便會出現虛位。今年最大的漏洞,仍然是阻礙前進的一塊絆腳石....

或者,明天未必是想像中差。(但願如此啦~) 希望公司回購部隊可以再幫幫忙吧,無咁驚等落去都等得舒服啲嘛~
發表時間:2014年8月17日 | 評論 (0) | 全文

贏得少當輸

時至今日,今年可說是贏得少當輸的一年,而在這個情況下,我可以說是慘敗.....

重新審視一下自己,最大問題當然是懶了很久,同時運氣也真的有點....用時下遊戲的說法,人品用盡 XDD (推左婆婆出馬路 X0X)

但當然,賴運滯並不是正確的判斷,賭仔咩。(雖說股票唔多唔少都係賭,畢竟人生就是一場賭博,有邊個夠膽話唔係?出來單挑~) (輸到傻左 XDD)

思前想後,今年做得最錯的決定( 賭錯左)莫過於太重倉在路勁身上。整個組合依賴了路勁的表現,而路勁的無表現成為了失敗的元兇。不是說跌爆廠,但不升也就死了啦~

今天,慶幸還是正回報,但這樣的回報實在很難讓自己感到滿意。

八月剛開始,往後應該如何改善一點,追回失地?

現在的情況,現在的路勁,如同曹操打漢中(死喇,有無記錯野 =P),雞肋,食,無味,棄,佢爆升我實死得慘過周瑜....(ps* 周瑜唔係好似《三國演義》寫得咁小器架~)

學古人,曹操的方法是殺死楊修。但現實,我正正就是那個小聰明的楊修呀.....(曹操都係我做埋)

咁點算?哈哈,唔知點算~

剛剛清左聯亞,就來盈警。雖說我覺得盈警佢都應該繼續無心跳(基於統一天下),不過咁都死啦,都話贏得少當輸囉~

頭都大,搵隻猩猩幫我掉飛鏢啦...可能好過現家添,大牛巿。

聽返十零廿次葡萄成熟時先.....


發表時間:2014年8月4日 | 評論 (0) | 全文

長春認輸

唉,呢個Blog唔覺唔覺寫左兩年,兩年來在RF學到好多野,不過遊兄有句話講得好啱,初出江湖,天下無敵,再學三年,寸步難行,呢個情況似乎出現在我身上鳥。

做咩咁感慨,心水清嘅讀者(都話無讀者架囉 XD)都知最近路訊通(888)出左盈警,今朝中晒伏啦,拿拿臨清晒@0.87。

老老實實,我真的從未想過會出盈警。在我眼中,此股業務屬於穩定型,增長雖然都估到欠奉的喇,但中期可以跌至少50%,情況如同哥斯達黎加殺入八強一樣。

之前睇佢有單刁,收返6400萬,上期業績話收左2000萬人仔,剩返3000萬人仔未入帳。諗住無死啦,少極都有3000萬頂下當,唔該晒,去左邊?

就係咁,就盈警了。

呢次突襲衝擊好大,令我反思左眼下的投資方法。如果要我評價一下自己而家的投資模式,我會話係可保命仔,賺蝕一般,發達無行。因為資產分配機制,所以單一股票點跌都不會氣絕身亡,像是次roadshow事件,其實也未傷及筋骨。

不過,以這樣的狀況,次次申報做紀錄,人地睇左照跟,害到邊個都唔好丫。所以我打算不再做買賣紀錄了,就讓我沉下去吧 XD

前年,增長成4成幾。去年,都有2成。今年,時至現在,仍然負緊成半。雖說,年尾我還是有信心可以追回失地的 (因為懶左大半年終於開始勤力做返功課 =P)。

就讓888成為最後一隻申報的股票吧 =P

文仔博客,以後還是隨意一點吧 =P 想寫甚麼便寫甚麼,無拘無束應該會較有紀律的記錄少點壓力。

好啦,繼續努力!
發表時間:2014年7月8日 | 評論 (1) | 全文

滾存

話說,世上最強大的力量叫做複式效應。投資,學偶像男神子華哥話齋:「將啲學費丟埋落去,利疊利,幼稚園、中學、大學疊晒落去。你大學畢業喇?要搵野做喎,我請你丫!」

踏入六月,股息重鎮相繼派息,要做的事當然是繼續滾存。滾哪一隻?

不服氣,不服輸,無奶油英皇證券(717) 唔升,業績又不俗,一於繼續疊。於是周五增持少許@0.38。本打算0.375 的,除淨了嘛,但似乎企得很硬淨,那也算吧,一仙半仙。

今年至今仍然未入波,欣賞一下世盃場場入三粒更加心情暢快。

唉,英格蘭輸了 /___\

老細呀,輸二比一咪執到囉,重想點呀?差成班波呀。

人們說,歐洲球隊未嘗於南美贏過世界盃冠軍,此話不無道理。大抵熱帶雨林的氣候與當地迴異,難以發揮原來實力也是可以理解。
但是,南美球員會否也是習慣了歐洲生活?精英都在歐洲聯賽搵食,長年都住那兒,又沒有人留意這件事?

今屆好像沒有聽到太多關於阿根廷的評論,美斯阿古路希古恩聽落唔打得都睇得,過幾天又看看如何。

世界盃,有朋友一齊睇開心好多 =D
發表時間:2014年6月15日 | 評論 (0) | 全文