十年磨一劍

早兩篇話自己睇錯巿,轉下眼又錯多次,比人左右開弓,真係打到應一應

所以話文仔果然係唔適合炒股,好在無訓身信自己D爛鬼技術分析+牛熊證分析,唔係輸死無命賠。

咁唔炒,又可以點呢?

 

昨夜手痕看看網友們的blog,有些將買賣紀錄收起,有些說得天下無雙但組合爆醬,都沒有甚麼特別好說。但瘋子兄的一篇文章卻給了我一點啟示。這個啓示其實一早已知,但重新認識又有新的感覺。

 

這篇文章其實很簡單,就是在銀行常常聽到游說我們買基金的東西。

 

年度 年投入 資產值 年回報 每年收息 每月收息
2013 100,000 100,000 7% 7,000 583
2014 100,000 207,000 7% 14,490 1,208
2015 100,000 321,490 7% 22,504 1,875
2016 100,000 443,994 7% 31,080 2,590
2017 100,000 575,074 7% 40,255 3,355
2018 100,000 715,329 7% 50,073 4,173
2019 100,000 865,402 7% 60,578 5,048
2020 100,000 1,025,980 7% 71,819 5,985
2021 100,000 1,197,799 7% 83,846 6,987
2022 100,000 1,381,645 7% 96,715 8,060
2023 100,000 1,578,360 7% 110,485 9,207
2024 100,000 1,788,845 7% 125,219 10,435
2025 100,000 2,014,064 7% 140,985 11,749
2026 100,000 2,255,049 7% 157,853 13,154
2027 100,000 2,512,902 7% 175,903 14,659
2028 100,000 2,788,805 7% 195,216 16,268
2029 100,000 3,084,022 7% 215,882 17,990
2030 100,000 3,399,903 7% 237,993 19,833
2031 100,000 3,737,896 7% 261,653 21,804

 

上表是一個從瘋子兄blog中更改了一些數字的列表。假設由下一年開始每年投入100,000,一年回報7%,10年之後如果組合有7%息,那就可以有每月差不多$10,000息,可以說是財務自由了。

 

於是我就想,10年,其實不是太長。10年時間,要過的確很快。眨眨眼,2012很快又會到達尾聲。用10年時間便可達至財務自由,這實在是一件太令人鼓舞的事。不是嗎?

 

當然,世事就是沒有這麼簡單。

 

10年。10年內,我可以維持到穩定收入嗎?這已經是一個大問題。算,就當可以。那可以投放1年10萬嗎?辛苦一點,大概也可以吧?算,就當可以。一年回報7%做到嗎?(結果文仔走去查今年至今的回報,原來有約10%@@)。算,就當可以。每一年回報7%做到嗎?很難保證....算,就當可以。如果將來要結婚的話,一hit會用幾多錢?

 

想到這兒,被連根拔起了....

 

複式效應,最需要的是時間。未來10年,要保持現在的狀況不變,基本上不太可能。但人生有幾多個10年?

換言之,我不可能用10年時間來達到這個目標。

然而,怎快得了?沒門兒~

唯一可以寄望的,就只有把握像08年時的那些機會。只有這樣,才可以把資產迅速大幅增值。本大了,時間才可以用少一點。但這些機會,我並不可以操縱。

我可以做的又是甚麼?

 

1. 誤差越少,氣的流量越大。這是功夫傳奇陳式太極掌門陳小旺說的道理。如果我可以盡力減少誤差,那組合的增值就可以越快。如果可以超越7%年回報,時間就可以縮短。而更重要的是,不要泥足深陷於失誤之中(買錯一隻可以同你開倒車,傷害未到要早日解決問題。)

2. 開源節流。訓練3格厠紙per day 係成功的開端。試想想,為何我們做不到味皇、湯財?因為我們都未成功達到每日用<3格厠紙。由此可證,味皇、湯財咁快有現在的資產規模,這絕對是核心原因。(我講笑..大家唔好真係學...)如果可以減少開支或增加收入,意味著資金投放會越多,而增長規模就越大。

3. 努力增值。一命二運三風水四積陰德五讀書。123要控制比較難,但4可以盡力做,多積陰德添福慧。5讀書即是增加投資知識,也持續吸收投資資訊,這可以改善投資效益,做得更好。

 

唉....能夠做到的是很少....

或者,最能夠做到的就是多用10年時間。如果30-40歲便財務自由,老天也會看不過眼吧? 

 

 

本文最後想說的一句話是:

我不會灰心,因為我看見了空島,空島是存在的。

發表時間:2012年7月21日 | 評論 (1) | 全文

又睇錯巿啦~

之前重話simple is vital 畫晒圖講到似層層咁,第二日就跌到hihi,文仔如同財演害人不淺。

家下睇個勢,咁多牛證,兩日都升唔起,似乎都會穿19,000。

國企個走勢更得人驚

 

各位可能又有大動盪,小心喇。

 

希望我又睇錯一劑,天下太平啦 =D

記得投資要做好比重配置控制風險~

發表時間:2012年7月16日 | 評論 (2) | 全文

Simple is vital and useful

個江恩理論跟進到6月停左,對上一期都無做到,遲啲補返~

 

今日想寫少少其他野~寫下圖表~

 

 

特別鳴謝aastock提供圖表 =D (文仔又盜用人地版權,所以都講返聲啦~)

 

圖中係恆指圖,由於文仔好懶所以唔用photoshop,小畫家嘅威力有限~

 

紅色線係一啲重要支持位,其實大家見到我畫得好求其,不過有時simple 就係 useful,隨便畫畫可能效果更佳。

 

以古鑑今係讀歷史嘅人最鐘意做嘅野。A位係雙底穿頸線嘅型態,相信盲嘅都睇到,而結果的確係向上。經驗論話比文仔聽,連盲嘅都睇到嘅明顯圖型係具有較大的參考價值。B位係現時嘅情況,基本上係突破左頸線,所以應該會繼續向上,而目標就會訂於C位嗰兩條橫線上,大約20,500左右。

 

做完一輪估計之後,頓時覺得好空虛,畢竟圖表都好似唔太實在~

 

無所謂啦,又睇下呢次撞彩撞唔撞得中 =D

 

(昨晚減息,恒指已經開始跌 XD)

發表時間:2012年7月6日 | 評論 (0) | 全文

恨鐵不成鋼,信星再見

文仔其實一直好鐘意信星,對佢好有期望。不過堅持左好一陣子,最後都係選擇放手,放開所有.....

 

信星出左末期業績,見咁鐘意佢,寫長少少啦

 

營業額由1,503,868 升到 1,654,968,10%,其實生意唔錯。問題係,成本實在上升得太緊要,個個都加人工,料又貴。結果,扣除非核心盈利,得返3,988萬,每股盈利0.059。現金大約2億,每股0.29元。

 

如果比6倍pe估值+現金,只值0.65。

 

現在1.2實在太貴太貴了。

 

是次業績有幾點我會特別留意。

1. 佢口口聲聲話回購股份,實際上購股權嘅攤薄係比回購快,可見今年股份係比去年多。(咁都好過唔回購嘅)

2. 主要客戶2號幫襯由762,270跌至336,643,唔見左一半。以我推測,應該係Skechers。(如果唔係呢到跌左咁多,其實呢期業績唔會咁傷,有timberland 同 newbalance 加盟,其實多左好多生意做)

3. 零售由蝕379,000,000 減至蝕25,500,000,其實好值得開心,有越做越好趨勢。我始終都對呢個有期望,但似乎無返一段日子(最少應該2年)都賺唔到錢。

 

就係咁,我覺得要冒1.2跌到0.7嘅風險實在唔細,所以就決定止蝕。

不過,因為情意結關係,我只賣了3/5,仍有些少貨壓倉。

 

奈何,工業成本上漲乃係大勢,唔知幾時先會有改變,前景好唔明朗,所以唯有割愛,唔等了。

發表時間:2012年7月5日 | 評論 (4) | 全文

蛟龍號出發~

噚日長江製衣(294)出左業績,盈利倒退,今日開巿跌爆廠~

重諗住噚日臨收巿掃上去,有春江鴨添,點知中晒伏。

好在呢隻野目的係用黎打釘,所以業務唔係主菜,加上組合比重已經控制,所以無太大心理包袱。

 

好耐都無坐過蛟龍號喇 haha,係時候感受一下,唔係贏得太多好易成為驕兵。

 

文仔都唔係買親都贏,所以大家唔好跟人頭買股票呀,唔係中伏輸死無命賠~

 

之後28號會到信星(1170)出業績,已經發左盈警,準備挑戰深海7,100米未?

發表時間:2012年6月27日 | 評論 (2) | 全文

阻住老頂行動

話說文仔沽左啲工行,就搵第二隻野買返。

因為組合比重開始有改變,所以就重新睇睇。

原來,四大支柱之中,偉哥、味皇及一眾RF朋友情意結的聯亞(458)佔比重其實唔係咁多。

成件事好奇怪,文仔對這隻股票的熱愛程度唔低,跟進到連佢老頂用咩經紀行都知,竟然比重較少……
於是,就買多D啦 :)

好神心朝朝未開巿就落盤,目的只係掛在老頂打手之前做頭盤。如是這兩日,終於成功5.01上車。

最近真係唔係好明,點解老頂不停吸呢?買完又再推盤出黎,到底想點?

 

或者,一切研究都係錯誤,從來都不是老頂,也沒有老頂打手。(雖然我覺得唔係囉~)

 

anyway,買左就ok 啦 =D

 

靜觀其變~

 

 

發表時間:2012年6月22日 | 評論 (4) | 全文