里程碑

今日立下心沽左大部份工行(1398)@4.41

 

呢個係文仔投資嘅一個里程碑,係踏上價值投資嘅一個表現。

 

工行,以前會覺得穩陣,好息,好賺,長線無死……

但事實上,應該有更加好的選擇。

講息,4-5厘,不可以說少,但說多又實在說不過去。

講價值,真係undervalue?

有時候,見到社保減持完再減持,越減持越跌,經驗話過我知呢個應該唔係偶然。

咁大隻股票,你知嘅野,相信應該有更多人知,相信社保比怎何人或公司應該更清楚,唔係最清楚都應該排頭5位。

如果一隻野真係得,我唔認為2年4次業績之後係會低過我買入價囉。我又唔係33,000點買嗰班人。

 

Anyway,工行已經唔係我追求的股票了。

 

今日沽左工行,係一個里程碑。

 

當然,我還有1,000股沒有沽售,因為這是去年新年利事錢買的(今年的買了金利來),就讓它跟著我養老,看看最後成績會如何吧~

 

賣左,又要諗買返啲咩嚕~

發表時間:2012年6月20日 | 評論 (4) | 全文

英皇娛樂(296)

好耐都無寫過股票分析,今日容祖兒出業績,梗係要寫返兩隻字啦~

 

營業額:17.83億,較去年13.12億升35.9%

毛利:13.75億,較去年9.3億升47.8% (想加一句又唔知加係邊到好,寫呢到啦~ 存貨有上升,但無大增,應收賬亦非常正常,大概無人夠膽賴羊生賬,呢方面唔駛點擔心~)

扣除非核心盈利(其他收入:1,600萬、投資物業公平值變動:1.14億),盈利6.12億,較去年3.42億,升78.9%

股東應佔溢利,約佔62%,即3.67億 (呢個其實唔係好識,佢有非控股權權益,唔係好識查,只好用相對%計返)

股數12.925億,每股盈利0.284。

當6倍pe計算,值1.7

已抵押銀行存款:30萬、短期銀行存款:5億、銀行結餘及現金:8.99億

流動負債:5.95億

現金:(8.99+5-5.95)/12.925=0.62

估值:1.7+0.62=2.32

 

數字上,就係咁上下喇~ 以前文仔計數,淨係會計pe同pb去估值,加現金呢個方法係向湯財兄偷師,唔知會唔會半桶水 =p

文仔比較喜歡打折,所以呢,用pe估值為準,最少都值1.7 =D 大把水位~

 

睇下啲業務先~

博彩收入增長39.6%,佔91.3%,基本上已經係一隻賭業股

博彩廳開多左4張枱,收入升65.6%,平均每日收錢 93,000蚊。比舊年多左38,000一日@@

貴賓廳摺左4張枱,但收入升22.3%,平均每日收錢139,000蚊。比舊年少左2,000一日喎~

老虎機少左7個位,但收入升15.8%,平均每日收錢1,050蚊,比舊年多左190一日~ (如果我過大海應該都會進貢呢部份~)

酒店得返盈利嘅8.7%,其實已經感覺上可有可無。89%入住率,都無乜好講啦~

 

15-16年澳門有高鐡,如果澳門政府仍然係打做「賭錢就諗起澳門」嘅概念,睇黎過得幾年個場又會旺啲。

 

業績分析就大致係咁啦~

發表時間:2012年6月19日 | 評論 (2) | 全文

越唱越強~

萬眾期待,容祖兒的業績終於出左。不過先要講講今朝。

 

話說今朝文仔十五十六,見到英皇娛樂(296)昨日巨量上升,諗住呢次應該開大,又見到自己雖然重倉,但都係佔

 

人類真係好奇怪嘅動物,明明自己之前1.28買過、1.37買過,都仍然覺得好平,但今日1.2嘅時候就會諗黎諗去嫌貴,真係好詭異。

 

由於昨夜見到艦長2號加盟,信心大增,最後都決定添食。1.19等左半粒鐘先收到貨。

 

下午發現隻野跌過落1.17,駛唔駛呀..... 不過由於估值真係平,所以心理頗為平衡。

 

終於收巿,收1.18。等業績。

 

等待永遠係最緊張嘅時刻,正如你玩過山車,最驚唔係架車開得好快嗰時,而係排隊嗰陣。

 

為左緩和緊張氣氛,所以打左幾舖機。返黎之後重未出業績,港交所個掣應該就快比我按到失靈。

 

出喇出喇!乜都假,仆入去睇下有無特別息先!

期望越大,失望越大......無......淨係見到 0.06末期息……

不過都好,比去年多左0.01丫~

 

開始睇盤數,每股盈利升至0.36,個數字大過上年,即係有增長啦。咁即係safe了。

 

之後,一切都歸於平淡......

 

呢次見唔到劉洋嚕,不過聽朝坐小型飛機睇睇彩虹應該無問題,其實唔駛坐蛟龍號,重有6仙息收,文仔已經覺得好好的了 =D

發表時間:2012年6月19日 | 評論 (4) | 全文

衰手痕....

由於懶+爆忙+巿況差,文仔已經超耐無寫日記

 

今日點解寫呢?因為衰左手痕....

 

今日手痕痕走去掛左先傳媒(550)@2.7,點知呢舖真係收左貨....

 

收完貨,頓覺會乃野囉....@@

 

算啦,都買左,有得升就沽,無得升就算啦 =D

 

信星(1170)出左盈警,又衰左。股價暫時未有太大跌幅,希望呢個情況可以維持。不過如果升左上去,我諗我都會考慮減持。

 

輸到無乜好講,投降喇~

發表時間:2012年6月7日 | 評論 (4) | 全文

牛牛牛是沒有意思的

文仔開始忙,日記越寫越少,但其實仍然成日跟進大巿。

曾幾何時,聽人說牛牛牛是沒有意思的,今天看來,的確是。

由21,000跌到20,000,仍看好,穿了20,000的重要支持(文仔是這樣認為,如畫一橫線可看出該位置支持位/阻力位有很多個),仍看好,那就是笑話了。

文仔這樣說,可能有點事後孔明,但八連跌的時候,也有說過要小心,可惜聞到跌味最後燒死的也是自己,所以沒資格說話 XD

當初大大隻字寫要再行空軍戰略,方向其實很正確,但最大問題是等反彈才實行。結果大巿給我一記八連跌,彈都不彈,彈200點不夠,今天又600,問你點空軍法?

所以呢,炒東炒西,終歸中伏。我還是喜歡買好的股票,學偉哥當日講,任憑風浪起,穩坐釣魚船~

現在手上最高風險的,余以為係中遠國際(517)(係呀...我重未沽呀....)和工商銀行(1398),所以,一定訓得著 =D

各位,可能又再出現去年大跌巿,如真,這次很有機會跌穿16,000,小心小心。

(我係咁睇嘅,33,000跌到10676,反彈到24,000,又跌去16,000,反彈到21,000,又跌去......一浪低過一浪,自己諗喇。始終覺得歷史是會重演的,熊巿一直未過,還欠一個三期,2013到底吧。)

一切都是估,認真你就輸了~

發表時間:2012年5月16日 | 評論 (2) | 全文

大巿波動

近來連開五舖細,跌左約一千點,真係嚇死人

文仔就話,如果呢次又大成交+大幅度下跌+穿20,000,咁又黎一次舊年嘅故事。

文仔一向都形住2013先見底,歷史係會重演。

所以,幾大做定部署,小心駛得萬年船嘛~

今日,太平地氈(146)復牌,但係無話派特別息。同文仔預期有少少出入,萌生退意。
雖則話3.41億/2.12億股=1.6,上期年報又有大約0.6 現金,加埋淨係現金都值2蚊左右,但業務唔好始終唔係我杯茶。
中遠國際(517)嘅實驗話過文仔知,盈利能力vs資產價值嘅遊戲結果係:輸左
所以,好有退意~

至於大巿部署方面,文仔打算等反彈,然後重行空軍戰略,將跟巿走、防守性較弱嘅517、1398 沽出,等啱價再買返/轉落第二啲野到/變成現金等掃平貨


巿況波動,大家小心啲喇~
發表時間:2012年5月9日 | 評論 (0) | 全文