又出業績


今日除左睇聯亞(458)睇得好開心,重有就係金利來(533)出業績。

 

未細看,所以都係唔寫分析住。不過想講兩句,係派息加左 =D

 

末期息0.17,計返最最最近買嗰次3.15,都有5.39厘。

 

無錯,你講得無錯,係淨係末期息已經有5.39厘~

 

計計條數....

 

3.15-0.17=2.99

 

咁即係話,收左息之後成本就係2.99

 

2010年,全年派息係0.21。2011年,全年派息係0.255。多左0.045。

唔....2012年....

0.255+0.045=0.3

 

成本2.99,息0.3

 

咁,咪10厘息 XD

 

我等緊,10厘金利來~ 我諗1-2年應該會到達喇~ yo~

拉衫尾,終於輪到我坐小火箭 =D


好野~ 出左業績,呢次重唔輪到我屁股坐火箭~

 

講緊聯亞(458),佢係偉哥同味皇嘅愛股,亦都係文仔愛股,等左好一段時間,終於守得雲開有錢賺。

 

做返少少估值遊戲先~

 

2011年全年

其他收入:0.0427億

出售公司收益:0.1083億

經營溢利:2.8991億

 

2010年全年

其他收入:0.2188億

出售公司收益:0.2311億

終止經營權收益:0.0838億

經營溢利:2.2343億

 

如果兩邊都減晒啲其他收益...

2011年:2.7481億,2010年:1.7億

 

咁即係話,2011年主業嘅盈利係升左(2.7481-1.7)/1.7=61.7%

 

嘩,嚇親~ 之前諗住佢美、英、中三地都唔係特別強勁經濟情況嘅地方,但竟然升足6成,真係估你唔到喎~

 

好,認真啲估下值~

 

製衣分部盈利:0.8268億

零售分部盈利:1.3215億

股數:2.7025億

 

如果,製衣用7.5倍pe估值,零售用8.5倍pe估值,咁即係話

 

0.8268/2.7025*7.5=2.295

1.3215/2.7025*8.5=4.156

 

兩者加埋=6.45

 

嘩,值成6.45!

 

末期息雖然派少左0.02,不過咁嘅業績,都收晒貨啦~

 

積極考慮增持中 =P

 

不過,近來睇到味皇兄都出左post,好深....又要研究一段日子嚕~

又買野~


其實,我想買左好耐,估唔到輾轉咁耐又用返嗰貴咁多嘅價黎買,我覺得自己好豬....

佢就係信星(1170)喇~

今日繼續掛1.23,終於買到。

當日0.95唔買,今日1.23先黎買,其實好蠢....

不過唔緊要啦,志在整返個齊頭啫 =D

聯亞(458)、金利來(533) 都就黎出業績,好鬼緊張呀 XD

今日出左中遠國際(517),業績一般啦,只係阿媽打野入去仍然未有下文,真係等足成年都無消息.....

所以都不得不承認,呢隻,衰左..... 浪費得太多時間了。

自從寫左文仔博客之後,中遠國際同金ETF(3081)係最失敗的投資,呢個都係好好嘅證明,證明自己好差勁,未夠班 XD
要好好記低,下次唔再犯相同的錯誤呢。


今日就咁啦~

賭錢賭業績


今日要出街,出街之前睇到近日回左唔少嘅聯亞(458)去到可以接受的買價,就打算買返少少,是關之前買得太少。
買4.5,賣4.6。見到多到任你買嘅賣盤情況,聯亞比較少見,其實都會驚佢份業績係咪乃左野,雖然我唔太擔心,不過面對住未知人類總係會怯。
膽粗粗走去掛4.51,抱住都係掛個盤等煲醋嘅心態就出門口。等等下巴士,竟然話過我知買左@@
真係估佢唔到喎,4.51竟然收到貨?
下午返到屋企check check,果然係見到做得丁c 咁多4.51,其餘的都係4.6買。咁即係話,應該係散戶想徹退派落黎掛?
算啦,永遠都估唔到架喇。可以知道嘅係,今日成功在全日最低位買到貨,是吉是凶,真係福兮禍之所倚,禍兮福之所伏。
你問我?我梗係有信心啦,唔係點會掛,真係貪得意咩 XD

另外掛左另一隻,掛左兩日頭盤,都買唔成,真係激死我.....至於係咩,買左先講啦~

近幾日金利來(533)成交大左好多,但係就唔上唔落,上上落落都係咁上下,是福是禍?等業績~
呢隻做長線,所以一時三刻我又唔怕佢,最緊要係keep住派息,唔好少就ok 喇 =D (多左就更好~)

150 日

3月8日都過左一段時間,都未寫150日

補返先~



150日係由跌轉升嘅日子,都幾準喎~

不過估唔到咁鬼快就調整完,文仔都未加注

睇下之後點啦~

等極都未出業績架....好心急呀聯亞金利來 >_<

加派息加派息加派息 hehe~

下次係180日嘅4月24日~ 到時又會點呢?

衰左喇!估錯左.....

今日下午長建(1038)出左業績,77.45億,唔夠80億,衰左喇……

無可能!明明好hardish 咁計架嘛,點解會錯架?竟然咁hardish都唔好過我預期?文仔報告好失敗喎....

細心睇睇,原來我無預期錯……只係低b左……

話說,長建今日報告的第3頁寫住:

各業務之溢利貢獻:
- 電能實業         3,503 2,770 +26%
- 英國投資組合  3,735 1,183 +216%
- 澳洲投資組合  1,306 1,026 +27%
- 內地投資組合     378    374 +1%
- 加拿大投資組合 156    113 +38%
- 新西蘭投資組合   73      96 -24%
- 基建材料業務    282    256 +10% (頁15寫292架,我諗佢其中一個錯左,似282錯多)

咦……我明明計條數係....

「34.485+35.58+8.43=78.495億」

第1塊係電能,35.03億係正確,無偏差,第2塊係英國,37.35億有多無少,第3塊係澳洲,13.06億有多無少。咁點解我會錯左?35.03+37.35+13.06=85.44億喎!如果將樓上全部加起,就係94.43億,好過我預期好多添!

點解咁嘅呢?

睇清楚,原來有一個部份叫做「不作分配之項目」,佔左11.71億。94.43-11.71=82.72億。

重未到喎。原來重有「永久資本證券持有人」的盈利5.17億同埋「非控股權益」0.1億,82.72-5.17-0.1=77.45億

撞鬼....咁我明白了......

不過算啦,呢個數字應該都同巿場預期差唔多/好少少,又有派息加,反應應該都ok的~

50蚊,應該都係時間問題啦~

今次又學到野,下次再努力 =D

ps* 三隻電都出晒業績,嗰時對比過價錢,長建係最抵,今次又睇睇如何?
中電,倒退10.1%,每股盈利3.86,現價68.95,pe17.86。
電能,增長26%,每股盈利4.25,現價58.75,pe13.82。
長建,增長54%,每股盈利3.38,現價46.9,pe13.88。

你揀邊隻?