2012

2012年,一個好得人驚的年份黎喇。
好多人都話今年12月21日世界末日。事實還是假象,到時自有分曉。

其實,末日又有乜好怕喎。

不過如果我諗,真係末日的話,我死左之後應該都會比神罵,因為我自問真係做得不好....有很多應該做得更好的事,可我沒有做好。

或者,股票都是一樣。

如果,2012年係計數年,到時睇返轉頭,其實好多野以為係事實,最後還是假象。其間發現了做得不好,但又不改正,結果有很多應該做得更好的事,就沒有做好。

但是,既然沒有人知道2012年是不是真的世界末日,那在世界末日之前,就要繼續盡一切努力做好一切。無論股場上還是人生上都是。

努力!

2012年,開始,我都會用小豬兄的方法,把全個portfolio 寫低,砌個%升跌,咁先有系統做計數,唔係好似2011年咁散散落落,睇返轉頭啲野立立亂,都唔知係點。


好啦!黎啦!新一年,充滿力量!

發表時間:2012年1月1日 | 評論 (1) | 全文

2011年回顧

今年四月始開始寫blog,年尾都記記自己的經歷。

1. 寫過金山軟件(3888),曾經比騰訊入股,炒到6蚊,但而家重係2.93。時至今日,這隻股票仍然應該屬不錯之列,只係業務成效、增長等方面要想想。中性。
2. 寫過包浩斯(483),跟左壞人,業績又差,這隻是失敗了喇。失敗。
3. 寫過迪生創建(113),公司質素好,但感覺怪怪的。主席似乎出蠱惑,雖然有息派多現金,但業務方面總有點怪怪的。中性。
4. 寫過金利來(533),至今仍然有同樣結論,呢隻覺得做得好正確。正確。
5. 寫過長江基建(1038),至今仍然有同樣結論,呢隻覺得做得好正確。正確。
6. 寫過聯亞(458),呢隻覺得一半半,等待下期業績看看如何。中性。
7. 寫過鷹美(2368),本以為可以維持派息,最後係唔得。失敗。
8. 寫過信星(1170),呢隻覺得前景仍有,派息亦能維持,雖然業績不太好,總算部份正確。中性。
9. 寫過中遠國際(517),等左成年都未注資,業務不太理想,做實驗性質的結論是,只看公司已有的資產做投資是不成功的,因為盈利能力或許是較重要的部份。失敗。
10. 寫過超大現代(682)、旭光(67)以及保利協鑫(3800),當時認為此三隻必死無疑。結果,超大爆左煲,旭光得返1.5,但保利協鑫似乎不如想像般是幼萬系列。部份正確。
11. 打過賭,賭金價。事實輸左餐飯。失敗。
12. 匯控(5)vs工行(1398)@66vs4.8,時至現在,雖然匯控派過息,但好明顯無派過6蚊咁多,但工行已經還原基本步。不過此遊戲玩5年,所以暫時計數。部份正確。

至於自己的trading....

1. 5蚊賣左工行,換入聯亞。工行曾一度跌至4蚊邊沿,但聯亞仍持平,當時選擇正確。時至今日,工行其實差不多價,都無話特別著數。中性。
2. 4.77 執行空軍策略沽工行,跌至4.32買回,並持有至今。正確。
3. 買入黃金ETF(3081),打算跌巿會有錢流入金避險,結果事與願違,流晒入美金。失敗。
4. 巿升巿跌,跌巿時避開了,是成功的。但巿跌至16,000後回升竟然不懂追入。原因不守紀律,此乃大失敗。可以做得更好。
5. 開始每月固定投資 =D 好事黎的 =D

至於股票以外.......

1. 年頭,發現味兄湯兄的real blog,功力大增,更開blog記事,估唔到咁快湯兄就黎留言,喜出望外。
2. 基於yahoo強改版,加入real blog。
3. 偉哥寫返blog,但好快又無再寫。文仔認為本年的最大損失,比起投資的任何事損失都大。
4. 認識很多網友投資人,各擅勝長,文仔認為本年的最大得著,比起投資的任何事得著都大。

都差不多啦~

總括而言,今年比起去年,認為高速傳動(658)好勁,認為曾廣標好勁,認為睇peg<1長線投資無死的文仔,已經進步多了。

相信日後我一定會做得更好。一定會。

大家來年都加油!

發表時間:2011年12月27日 | 評論 (9) | 全文

聯亞集團(458)

好耐無寫過股票分析,係時候整返篇 =D 一於寫我兩隻最有信心的股票之一:聯亞(458)

聯亞,對文仔而言,是味皇和偉哥的共同光輝(佢地光輝又點止呢隻?),事因味皇與偉哥對呢隻股都識於微時,事後文仔先發覺,所以呢隻野對文仔意義好大。
哈,我的最愛都是拾人牙慧而來。不過不要緊,述而不作對好中國文化的文仔並不是一件壞事。且,我係學習而來的嘛 =D

廢話少說,黎料~

聯亞,從前是一隻幼萬股,所以被騙的老人家手上都總會有點前朝遺臣,據說當年公司想收晒佢,但文仔認識、作為被騙了的小股東,最後唔理佢(事關比埋佢都無乜意思,都係0同0.1的分別),持有至今反而變成左文仔最愛之一。
從幼萬從良後,再唔係南海紗廠之類的物體,變成左一隻工業股。2009-2010年,發生了一件重組事件,令公司有一次性虧損,但業務不變。
作為價值投資者的偉哥和味皇,就發現業務賺錢,但一次性虧損只是一次性,結果重手出擊。最後一出2010全年業績,基於無左一次性虧損,業務又持續/增長,股價即時爆升>40%。文仔先突然醒覺,相逄恨晚。

時至現在,又如何呢?

自文仔認識左隻股,就開始查查查~ 原來,呢隻小朋友被認為是一隻工業股,所以得5倍左右pe。但仔細睇,公司除左製衣的工業部份,還有零售業務。當然,唔係信星(1170)嗰類燒錢東東,而是賺錢東東。味皇兄認為佢已經係一隻零售股,文仔就比較刻薄,所以決定將佢分開估值。

先睇睇2010年全年業績的一啲數字:

經營溢利 196,735,000,一次性收益 31,490,000。撇除一次性收益溢利:165,245,000
用現在最新股數約 270,135,000除一除,eps =0.728及0.612


如果直接用零售股約10倍pe計數,咁隻野估值就會係7.28/6.12,而家先4蚊雞...^^"" 

拆開佢睇,又點呢?

分部資料 (純利)

製衣      80,367,000   
分銷零售  69,408,000   
未分配   15,470,000

總計     165,245,000   


就製衣計,除返開股數,eps 0.2975,用5倍pe估值(工業股好參差,range 由3-10倍不等,用5倍都算合理/略低),每股值 1.4875 
就零售計,除返開股數,eps 0.2569,用10倍pe估值(零售一樣參差,由5-15倍不等,用10倍估值算合理/略高),每股值2.569
未分配溢利,文仔唔知係乜東東,咁就不如索性唔理 XD (一貫無限刻薄做法)
以上兩項相加,值 4.057元,同現價差唔多。

又睇下資產

製衣   1,053,529,000   348,462,000   淨額   705,067,000

零售    ,262,017,000   266,907,000   淨額    -4,890,000

未分配     ,749,278,000   265,833,000   淨額   483,445,000

總計   2,064,824,000   881,202,000   淨額  1,183,622,000

咪住....零售嗰隻負數...點計呀? 咁...不如睇中期啦,反正資產中期唔會得半年數字。

資產

製衣   1,244,958,000   365,590,000    淨額    879,368,000

零售      241,353,000   232,738,000    淨額    8,615,000

未分配     695,448,000   345,408,000    淨額    350,040,000

總計   2,181,759,000   943,736,000    淨額 1,238,023,000


製衣,除返開股數,資產淨值 3.255,估值(0.7-1,用0.8pb) 值2.604
零售,除返開股數,資產淨值 0.032,估值(1.5-3,用1.8pb) 值0.058
未分配又係乜黎架?
如果唔理未分配,加埋...得返2.65? XD 太hardish了吧?反正零售資產咁少,不如就總值一次過用工業股估算啦~

總計,除返開股數,資產淨值4.583,用pb0.8倍,3.67

加埋估值:(4.057+3.67)/2= 3.86元

咁同現價4蚊比,貴左添喎~

點解文仔重會話平呢?
原因,就係呢堆數字乃係2010年的數字,加上盈利刻薄削減(XD 文仔本色)。去到2011年的全年,數字就會有差距了(主要是盈利方面)。如以2011年中期的盈利乘2計算,會發現有不少增長。

不過,聯亞也是有隱憂的。聯亞的業務主要在1. 美國 2. 英國 3. 中國,這三個地方經濟.... 美?英?中?大家想想。
所以,也要看看公司怎樣發展呢~

咁就落一個小結,聯亞現價與估值相約(4 vs 3.86),投資價值嘛,自己想吧 =D

發表時間:2011年12月22日 | 評論 (0) | 全文

頂or底?

寫少左好多文,唉,生活迫人。

盡量寫返兩隻字。

近來最注目的都係漢登(448)停牌,據說利豐(494)收購。又少左一隻好野睇..... 偉哥選的東西,又少了一隻了....

大巿方面,早陣子大家都在說頭肩底,股巿會回升上24,000以上。一直睇淡的文仔都打算放棄了。頭肩底到柢是怎樣的?
 



左肩,頭,右肩,連埋一條線(頸線),咁就叫頭肩底。

如果是很明顯的話,頭肩底的威力實在很大,升幅會很驚人的。
據說,升幅就是頸線與頭頂的距離,即是...(20,160-16,000)  >4,000點。

但是,就在這個頭肩底言論風行之際....巿跌!
望望,或者另一邊卻在形成了一個沒人說的頭肩頂。

頭肩頂到柢是怎樣的?



咁,跌幅會很驚人嗎?
廢話 XD
同頭先一樣,跌就會係(20,160-17,500) ~3,000點。不過,基於樓下係無底深潭,3,000點的跌幅量度意義就不大了。


問題係,頭肩頂/底有一個很重要的重點,就是頸線。如果唔穿頸線(有人話要大成交穿先得),就=沒意思。

所以,放長孖眼睇,又睇下最後係點?
可能最後係,行多一兩個浪,呢兩個頭肩底頂都會無晒意思了 XD


近來cup 的blog寫著,拔sir 說如果跌穿16,000,恒指會得返4位數字。

文仔覺得一啲都唔出奇。當初我和alex兄傾計,都說熊3會比熊2更低,基於10,676是熊2的底,故熊3低於10,676,變成4位數字,又有何奇?

不過現在個個睇好,文仔睇淡的心一直都動搖動搖,難怪我成不了大事 XD
但手頭的貨都總是防守性,即使要跌,也不怕 =D 進可攻退可守。我總相信好的公司是能夠經過風浪的。如果真跌,我開心;真升,也無壞。

也無風雨也無晴。

發表時間:2011年12月19日 | 評論 (2) | 全文

應接不下

實在太太太太忙了,難以再如早陣子般全力追股,往後日子看來也難以經常出文了。

但閒時寫幾隻字也還是可以的 =D

巿近來好chock,唔知想點,不過向上向下我都ok,prefer 向完上再向下居多~ =P

聯亞近幾日都有成交,今日特登走去排隊做巿 XD 見到有人掛3.87,我特意掛1,000股3.88,爬他頭 XD

結果,看來這個萬利豐證券行的小朋友按耐不住,直接就從3.9 買入了。

促成一單交易 hehe~

其實,在這些價位的聯亞,沒有甚麼可說,根本就是超值嘛。早陣子看了兩看年報,做了一些分析,遲下有時間的話再做一個仔細的放上來吧 =D

各位朋友仔都要加油喔!

ps* cup blog 上出現了熱烈大戰,cup陣營與ckm兄及閃崩人等不斷出手呢 haha。其實我個人唔鼓勵抽水行為,所以食花生,不過也挺好笑的 =P
怎都好啦,和氣生財嘛~

發表時間:2011年12月13日 | 評論 (8) | 全文

又跌過?

之前有一篇唔知點解yahoo唔見左,但real blog有。不過唔緊要啦,呢次一次過寫。

話說早幾日,7號,無料到,點知...原來真係有一兩日delay,前後一兩日。

但咁講,個準確度都差好多啦。

文仔貪得意繼續做,大家睇下有無參考價值啦~

下次,應該係120日的1月20日~




都唔好話唔準丫,7號第90日真係個頂頂來的,91日就微跌,92日(今日)就爆跌。

發表時間:2011年12月9日 | 評論 (2) | 全文