咁就去到年尾,6月無做之前份紅酒工,9月去左一間糖果店度做野,人工無變,假放少左,每一日都好撚累,印度人老細仲要係三個……好撚難頂,呢份工我暫時諗到既好處係生活被迫好規律,自己8月發現有尿酸後生活又被迫好有規律,飲食超健康,戒左酒,每星期做5次tabata,3個月瘦左8kg。 同埋呢份工一個禮拜返6日,有3日尚算得閒,係12月諗縮數既印度老闆sss竟然將鋪頭d人掉晒去popup shop成個12月我都要一個人,食飯要打電話問隔離鋪乞個人過來,佢地痴線到連去廁所都要打電話呢樣我已經采佢都on 9!打得電話來我都去撚完啦!


來緊1月如果唔加人工我又要搵定工走……我接受唔到每一日都唔知做乜,班仆街唔知點計話每日都要有10k生意,做唔到就閪面話rubbish,屌佢老味,你咁撚多$30樓下既野同埋呢度人流唔多你有幾何做到呢個數?我死chur爛chur先做到2日夠10k咁大把,老闆都係貪得無厭屌佢老味人又唔比我,人工又唔加,應做又唔做,唔做既就走去做,我好唔明我條命咩事,點解要遇到咁多反面教材,點解唔可以正正常常去教我點去做一個老闆。


屋企方面,我同老豆阿媽去到無野好講,老豆有心臟病執返條命但煙依然即食,飲食依然腐乳撈飯有時就咁食個橙或者麵包就算。叫又叫唔聽,條命係佢既都無計。我阿媽上年年頭行山仆親整斷左隻手而家叫做好返七七八八,佢每個禮拜都去唔同地方行山而每日都囉住部電話同人傾計,十足十20年前既我好迷電腦咁。至於我既生活,都好空白,好似上面講既返工放工,返屋企食完飯就落街做tabata。


整皮生意……唔好提,9月去到12月得1單生意……


投資……我真係好想好想增加被動收入……不過好似自己咩都唔識做咁……