慳錢大法

之前講過有尿酸駭然醒覺一路以來我既飲食習慣都有問題,體重超標,飲唔夠水,平均每日一罐啤酒或半支紅酒,少運動,早午餐都去茶記食。


就係因為呢個估唔到會發生係我身上既尿酸由9月開始迫自己做運動,飲夠水,戒酒,自己煮早餐,上星期開始顛到自己帶飯食,其實每日都係食同一樣野:通粉加水餃,早餐會係返公司前飲多盒奶


而家睇返除左輕左瘦左外,粗略計算如果帶埋飯一個月可以慳多$500,咁樣就可以將更多既錢掉落去買股票。

發表時間:18日前 | 評論 (0) | 全文

生日願望



生日願望:


多看點書,做個有內涵和智慧的人


距離40大限還有7年,好好善用時間


皮件生意多點,由0去1已經有100%增長,用你的金錢去投票,告訴我我值得繼續做吧……


想學日語


繼續減脂增肌

發表時間:18日前 | 評論 (0) | 全文

生活update

咁就去到年尾,6月無做之前份紅酒工,9月去左一間糖果店度做野,人工無變,假放少左,每一日都好撚累,印度人老細仲要係三個……好撚難頂,呢份工我暫時諗到既好處係生活被迫好規律,自己8月發現有尿酸後生活又被迫好有規律,飲食超健康,戒左酒,每星期做5次tabata,3個月瘦左8kg。 同埋呢份工一個禮拜返6日,有3日尚算得閒,係12月諗縮數既印度老闆sss竟然將鋪頭d人掉晒去popup shop成個12月我都要一個人,食飯要打電話問隔離鋪乞個人過來,佢地痴線到連去廁所都要打電話呢樣我已經采佢都on 9!打得電話來我都去撚完啦!


來緊1月如果唔加人工我又要搵定工走……我接受唔到每一日都唔知做乜,班仆街唔知點計話每日都要有10k生意,做唔到就閪面話rubbish,屌佢老味,你咁撚多$30樓下既野同埋呢度人流唔多你有幾何做到呢個數?我死chur爛chur先做到2日夠10k咁大把,老闆都係貪得無厭屌佢老味人又唔比我,人工又唔加,應做又唔做,唔做既就走去做,我好唔明我條命咩事,點解要遇到咁多反面教材,點解唔可以正正常常去教我點去做一個老闆。


屋企方面,我同老豆阿媽去到無野好講,老豆有心臟病執返條命但煙依然即食,飲食依然腐乳撈飯有時就咁食個橙或者麵包就算。叫又叫唔聽,條命係佢既都無計。我阿媽上年年頭行山仆親整斷左隻手而家叫做好返七七八八,佢每個禮拜都去唔同地方行山而每日都囉住部電話同人傾計,十足十20年前既我好迷電腦咁。至於我既生活,都好空白,好似上面講既返工放工,返屋企食完飯就落街做tabata。


整皮生意……唔好提,9月去到12月得1單生意……


投資……我真係好想好想增加被動收入……不過好似自己咩都唔識做咁……

發表時間:21日前 | 評論 (0) | 全文

開左個Patreon

類似kickstarter既地方,有好多唔同既artist都係呢度開account等人比錢支持下,我又試下睇下有無人比錢我~

佢同kickstarter唔同就係你可以開一d post限制人要比錢先可以睇到,所以其實都幾多妹妹仔係個度放咸相貪佢個度無皇管,遲下應該會放d皮革製作既相上去試下反應,而家就最小可以支持US$ 5,另外有個plan就支持US$ 9會有張皮造既書籤,仲有個最高級既uS$ 49就會有一隻皮造既手厄~

https://www.patreon.com/lchaim2life




發表時間:2017年8月5日 | 評論 (0) | 全文

I'm back!

我返來啦,兜兜轉轉回港兩年,我又返返舊公司賣酒(各位有人要婚宴嫁娶需要酒水可以搵我),工作好似多左野做,因為人就得一個,但要管兩間公司……

人工……唔好提,比我走之前高少少……

另外,之前應該有講過上年開始玩銀幣,以下條lini係我既收藏可以睇睇:

https://snupps.com/skfv/shelf/877328

又另外,皮革製作因為而家有工返要減產,大大話話都整左五年了,生意無好好,但又咁講,我都幾自豪既係有朋友諗起皮革就諗起我,證明我偽裝得幾好,因為當初我係因為要挑戰自己先去接觸一樣自己唔識既野,睇下一萬個鐘之後做唔做到專家。

不過大家想睇我既野可以follow我既instagram(Lchaimleathercraft)同埋facebook page:www.Facebook.com/lchaim2life

股票方面:

年尾買左隻331中箭墮馬……需要擺擺先……唉……

仲有咩講呢……講埋呢兩句啦,尋日睇左套叫「十年」既戲,好好睇,我覺得香港唔係為時已晚,離開戲院時我立刻想去籌錢發動革命!

越講越多……後日我就生日了,人越大好似快樂離自己越遠,我有個習慣,鐘意行墓場外,仲鐘意收集離開既人既資料,16/12個位15歲女仔跳樓,個心仲鬱住,每個年代既人都覺得自己出生係錯既地方錯既時間,但如無意外,我願意係香港死,香港人真係好厲害,可以好似泥膠咁被動適應外在既改變,佢地願意犧牲自己既私人時間去工作,賺錢,好似唔需要休息咁,行個慢少少都比人「嘖嘖嘖」,我去過既地方唔算多,但我覺得世上無乜邊個地方既人好似香港人咁有效率……

發表時間:2015年12月28日 | 評論 (3) | 全文

戰友們,你好嗎?

三月初離職,找了兩個月工作才找到現在那份工作,只是一個普通業務員,薪水比之前少了許多,


自己的皮革業務又少了許多生意,可能是同業的惡性競爭吧......所以我想了一樣天馬行空的東西,就是開了一條 課金link

即管看看會不會有人支持自己,你可以在上文那條超連結或者在此blog的右上角一個"Buy now"的按鈕,進入後隨意輸入贊助金額,即成!


最後送上昨晚完成的有皮革中的鑽石之稱的馬臀皮和意大利植鞣革弄成的錢夾。





發表時間:2015年7月10日 | 評論 (1) | 全文