收錢!



終於有寄賣鋪手上收回$1,800, 我沒化細計過到底有賺還是蝕, 應該是蝕了數百元? 不知道......只知道這$1,800剛好能幫補下月去台灣的機票費用......

本週一又去了深水步買皮, 買了一塊白色和紫色的, 很快便弄了這個筆袋, 希望快點有人要能幫補旅費~








發表時間:2012年11月7日 | 評論 (0) | 全文

近況



寄賣那兒於10月底正式完結, 已回收圖上的貨品, 貨品......已回收, 但錢還未收回......可恨的......

在這段時間我弄了一個袋, 一個鎖匙包, 亦因為手指頭起了水泡所以弄了個針頂自用(不過好少使用......哈哈!), 

由於整個九月和十月都不停整東西, 左肩的筋莫名的痛, 久病成醫的我於網上找資料, 我想我應該是過勞引致發炎......

還是別說掃興的話......有一天起床收到一名來自紐約的女生來信談合作, 她想向我訂購20條皮手帶, 儘管錢還未收到, 

但我已開始準備, 因時間緊迫(外國人的節奏真的很慢......回一封很短的電郵都要兩天......), 加上運送需時......

女友說我為何你不等她給你錢你先來做? 我想就算最後談不成我自己也能於聖誕前賣, 沒關係~

共勉之







發表時間:2012年11月3日 | 評論 (0) | 全文

已行出第一步


星期六於903聽到一個日本皮革品牌的訪問, 於是即時搜尋聯絡方法自薦! 

已等了兩天......希望他們會回覆我並安排面試.........

每晚睡前我都想怎樣能進步, 醒來又趕快回公司繼續製作, 日日如是......

有時我會覺得孤獨, 孤獨不是負面字詞, 人出生時孤獨, 死時也是孤獨, 

所以我不明白為何旅行套票為何要二人同行......神雖說過:「人單獨不好。」

George Clooney也於<Up in the Air>裡說過: "Everybody needs a co-pilot." 

但......這一刻, 我需要一個人, 一個人才能修正思路......

共勉之

發表時間:2012年10月22日 | 評論 (0) | 全文

小劍橋包

花了六天,約四十小時終於完成這個小劍橋包: 

其間因肩帶預算太長,幸得女同事借出香肩一會給我量度~


側面:


背面:


大合照~~~

發表時間:2012年10月21日 | 評論 (0) | 全文

鎖匙包

睇返d相原來我都幾癡線, 由九月到而家都做到無停手, 仲要一次過連住做三個袋, 無停手唔係多生意, 而係無生意, 想增加存貨, 不過可幸係有人見到我d野想搵我教班, 前日就有個女仔搵我教佢整個散紙包, 教左兩粒鐘感覺良好, 聽講十一月中有另一壇人數四人到時就可以收多少少錢, 叫做幫補下買工具啦。

另外之前整完個劍橋包我女友個同事話想搵我訂造但要一星期後先覆我, 我見得太多, 都係無米粥多, 有就當bonus啦, 都係賺微利同埋小小皮碎咁。

講下皮碎, 呢排唔知發咩神經好想掉返所有屬於我既野(除左錢), 唔知你會唔會有我呢個諗法呢, 我覺得記憶係唔可靠, 即係佢唔可以將100%既事實記低晒, 因為記憶有佢既延展性, 即係如果佢只記得80%期餘個20%會幫你fill in the blank而你係不自知, 所以我好嚮往呢種不確定性, 我好矛盾, 想人地記得我但同時又唔想人地記得我咁清楚......

就係咁, 所以想盡快清理所有皮碎, 於是今日用左三粒鐘到整左呢個鎖匙包, 圖2個兩粒銀色撞釘其實有個血的教訓, 話說之前我唔識係淘寶亂咁買原來粒釘隻腳既長度都好講究, 加上無工具dup, 所以dup到好肉酸, 後尾比我係深水步搵到一間d料好好既鋪頭又有工具賣先解決到, 但而家仲有幾百粒撞釘......我開始覺得佢地好篤眼篤鼻, 我諗來緊要整多d鎖匙包同活頁文件套先可以解決晒佢地!



發表時間:2012年10月15日 | 評論 (0) | 全文

望門輕嘆

上星期2.97放左農行, 可能佢無左呢個負累竟然一飛沖天至3.22......本來可以蝕少$1,000......

271 - 今日1.13買左少少, 坐定定等

533好似造緊頂, 打算放減d keep多d cash

1098 - 睇下衝唔衝到上$6

458 - 想蝕小小放左佢集中火力掃6880, 1098, 533

550 - 佔組合比例太高, 不買不賣

6880 - 老實講佢衝到上0.7有小小想放但最後都無, 而家無理由放始絡自己hold住d平貨

之後再望下個d自己無買但升到癡線既股票......唉~~~~~~

希望在明天既~~~~~~唉埋呢次啦~~~~~~唉~~~~~~~~~~~~

發表時間:2012年10月12日 | 評論 (2) | 全文