股壇多多趣(三)

趣聞一

貴為高登神燈既沈大師,自爽報 300 百萬擂台後,文章風格大不同,唔知仲以為鬼上身﹗

追本溯源,變化其實有跡可尋,大師響擂台同周大仙惺惺相惜,愛慕之情流露於文字之間。大師極可能俾大仙點通佢任篤二脈,撥正孖筋,然後脫胎換骨,去左另一個境界

11 月 18 日再推現代教育 1082.HK,唔單止寫概念同技術分析,兼指出資產報表健康添,嗱嗱嗱﹗最重要係殼價﹗絕對有板有眼,可惜就可惜在推現代教育

http://hk.apple.nextmedia.com/financeestate/art/20131118/18512820

周大仙曾講過自己身朋友一個又一個被證監纏上,未知善於易卜既大師,有否為自己交友卜卦?一笑

趣聞二

因一注獨贏買和黃及一注獨贏沽匯豐而響朵既肥仔文,近期推股令人費解到講 what the fuxk

一隻譚木匠 837.HK,業績好到 too good to be true,響大陸打滾既朋友行經總發現店內小貓一兩隻,生意持續性成疑

http://hk.apple.nextmedia.com/financeestate/art/20130530/18277122

近期推先思行 595.HK,雖然一紙協議可換可不換但梁伯韜同衛哲依然帶黎無限幻想,結果令一班腎上腺素上腦既朋友衝入去接管埋層貨﹗

http://hk.apple.nextmedia.com/financeestate/art/20131015/18464045

http://sdinotice.hkex.com.hk/di/NSNoticeSSList.aspx?sa2=ns&sid=29310106&corpn=AV+Concept+Holdings+Ltd.&sd=27/02/2013&ed=25/10/2013&sa1=cl&scsd=01%2f12%2f2012&sced=01%2f12%2f2013&sc=595&src=MAIN&lang=ZH&

建議唐十二增肥丸聘請 WCU 將股評人體重同推股股價十二個月走勢做分析,萬一得出減肥影響推股能力既結論,瘦佬文將成為重大案例,二笑

趣聞三

三人原來真係可以成虎,泰豐床品 873.HK 終於有反應,理據又係 PE 低折讓大云云

泰豐床品 873.HK 又係一間 too good to be true 既公司,2013 年上半年雖然增長放緩,營運仍然好到離晒譜,上半年溢利率 20%,賣 5 件實內賺 1 件,遠高於同行 6 - 7%,持有現金 RMB13.22 兼年年現金淨流入,卻走去搞 RMB4.21 億金融租賃,而利息收入竟低過大陸銀行活存息口﹗Where do you keep the money?再唸埋上巿籌集果 RMB3.83 億去左邊,心寒之餘完全理解巿場為咩唔 buy 佢

忽然醒起周大仙提及炒股專欄有組織經營

http://www.mpfinance.com/htm/finance/20131002/columnist/en30_en30.htm

特意搜索曾先後推薦 873.HK 既專欄,如真有其事,純屬不幸﹗三笑

何車
http://hk.apple.nextmedia.com/financeestate/art/20131108/18498644

歐陽風
http://hk.apple.nextmedia.com/financeestate/art/20131004/18449401


江洋
http://www.hket.com/eti/article/083b06d7-c0a8-4f92-aa1e-f6e49688f498-394466?query=%E9%80%90%E4%BB%B6%E7%A7%A4,P


錢雋
http://hk.apple.nextmedia.com/financeestate/art/20130903/18406510

高彰波
http://hk.apple.nextmedia.com/financeestate/art/20130708/18326832

發表時間:2013年12月1日 | 評論 (1) | 評論() | 評論 | 全文

股壇多多趣(二)

趣聞一

繼波浪大師預測
A 股將大升 30 倍後,驕傲智者預警香港樓巿將在兩年內跌五成﹗將來 A 股大升,記者一定要採訪天真許,港樓大跌,記者就要採訪智者

老毛年代有一句:「人有多大膽,地有多大產」結果卻唔少人冧家剷

沒想到香港亦有此趨勢,天真許仲要落埋注,不論多少也值得敬重,未知碌街資產有否沽空港樓?沽錯左佢冧家剷,沽中左全香港業主就冧家剷,但始終都算直腸直肚,只有一個臉口,一笑

趣聞二

夢熊大師當年幫
346.HK 搞馬達加斯加油田,一份報告指其中 1 塊油田有 21.2 億噸遠景石油儲量,乖乖不得了,當年估值達到 9000 億美金﹗人地入到海乜都睇唔到,質疑其真假,佢就話「d 油多到滲出地面」,個海到黑晒梗係乜都睇唔到﹗更打算狀告央視誹謗,臉皮之厚可謂一絕

近年因為
632.HK 的官司纏身,email 狼鷹 copy 白先生要求終止調查,結果引火自焚查多一條罪。不過唔怕,咁厚臉皮俾火燒都無事,二笑

趣聞三

股壇名咀六叔深藏不露,其雅虎組合低買高賣的準繩達到神級,更可休巿日子
trade﹗錢志健先生讚嘆索羅斯操盤技術超凡入聖,小弟可以話 Completely Rubbish﹗皆因六叔睇價神鬼莫測,操盤超脫三界﹗

一副懇樣既六叔,在公仔箱內無股不知無股不談,後來更被指係資深財經演員,由財金界撈過藝能界﹗其實係佢宅心仁厚,明白到羊生羊太需要慰藉,你有需求我要供應,幫得一個得一個

這年頭六叔被人繪成反口覆舌,專推老千股既邪派人士,更有人笑佢唔識股票混飯食。又有幾多人知佢努力隱藏自己功夫,做了假臉人,三笑

真臉假臉厚臉薄臉都係臉,至怕無臉,即無臉目見人也﹗

劏蛇佬看好既股票,理據多多,不過好少訂買入賣出價。往好處想自然係意見已俾,策略自己定;更驚人既內情卻係過於主觀,客觀理據不夠強,導致損手而信心不足,需要定下極度偏低價錢才安心買入,然後惡性循環。看到劏蛇佬看好言論即時跟入而深潛的不計其數﹗

近日開班授徒,劏蛇佬卻堅決不露真身,莫非戴住
V 煞面具開 web course?不過還係咁安全 d,唔係一陣出到被成班深潛者捉住玩深喉﹗到時唔係四笑,係笑死﹗

特此,為劏蛇佬設計兩款電腦畫面

死亡筆記



V 煞屎撈人


發表時間:2013年10月1日 | 評論 (1) | 評論() | 評論 | 全文

巨輪 — 大作還是老作?

CCTVB 最新大片巨輪,故事以香港和澳門為背景,兩兄弟由大陸偷渡和各自際遇

這劇有創世紀的味道,橋唔怕至緊要受,亦相信唔少朋友亦引頸以待

小弟姑妄看之,無唸到第二集已經剿聲連天,大呼部份篇幅捉到鹿都唔識脫角,某些內容更有違常識

呢集講到兩兄弟偷渡,相信係唔少 70 後同再老一輩既集體回憶

大陸在 1980 年代,窮,好很窮,國人先經過大飢荒,再黎個文化大革命,唔少人心灰意冷,響往呢塊果時仲係英國管治既地方

偷渡香港,一條陸路兩條水路,但無論邊條都極其凶險,陸路要先避過大陸邊境戰士支槍,咁鬼難躲藏易被捉,自然最多人走水路,但係游唔過岸浸死既唔少,被鯊魚咬死既亦不計其數﹗

又如果有親人偷渡卻遲遲未有消息,親屬就去睇下撈上黎既屍… 拿﹗仲唔食正慈母司棋姐果水?等佢憂心忡忡咁去睇下,再等下又睇下咁… 咦… 乜呢個無頭既有個胎記咁似阿信既? 最後收到兩兄弟既信喜極而泣﹗

CCTVB 無理由拍當年大陸窮到老鼠曱甴當佳餚呢種咁唔政治正確既慘況出黎,但只要肯著墨一下偷渡驚險過程以及司棋姐既肝腸寸斷,師奶們實睇到鬼咁肉緊

巨輪既街通、佈置、的士、道具同衣著都求求其其,咁都算,最大問題係欠缺常理﹗

司棋姐唔見左兩個仔,所以由大陸走去香港搵。嘩﹗一把年紀仲偷渡?抑或係以正常途徑過去呢?大陸那些年仲厲行鎖國政策,連中央要員都難,普通一個在大陸再婚既女人仔點出?

雖然當年投共既人,唔少被打成右派或黑五類,小弟又當你做左投共英雄,在國內受到極佳待遇… 仲可以自由進出,但出到去仲要叫兩個仔返去… 大佬你咪玩啦,那些年有福唔享返個煉獄都算,香港五光十色,你仲叫我返去?不如你返去先,我賺到錢寄返黎俾你仲好。真係唔好為左自己既感情瓜葛而做了狠母﹗又或者… 做老母既已經被洗腦,香港腐敗﹗資本主義邪惡﹗

打後司棋姐過埋澳門,明明手頭咁緊,仲捨得洗錢打勁貴既長途電話返大陸?又咁離奇,老公工作果間廠竟然有個可聽長途既電話﹗真係不可思議…﹗

今晚之後又多返時間睇股票…

有興趣瞭解這一段過去的網友,可參《大逃港》

以下連結亦有偷渡者的圖片

http://news.takungpao.com.hk/history/muji/2013-09/1342769.html
發表時間:2013年9月25日 | 評論 (2) | 評論() | 評論 | 全文

雲州大儒俠史艷文

十分經典的布袋戲

原劇為閔南語,劇情峰迴路轉,高潮迭起

單這一節,劍魔傲神州,已經金句多多

其中一段,自勉之

人外有人,天外有天
初出江湖,天下無敵
再學三年,寸步難行

發表時間:2013年8月25日 | 評論 (6) | 評論() | 評論 | 全文

移民的選擇

那是瞭解佔中勝算以及香港未來後的一條路

你愛國,但國家愛你嗎?先看看權貴階級如何佔據了這片土地,對平民百姓不講法律公理

再看看 ICAC 和警隊調查的矛盾性,就知道香港內地化加劇,香港在中線將成為 police state

也許閣下認為大陸會進步,小弟只知道開放二胎這一小步也難行,實不知道人權公義這一大步如何去行

香港最終變成中國其中一個城市,香港平民,長遠只會從二等公民淪落到唔是人

愛港力不如愛港女實際

再者,君不見大讚香港政制的陳啟宗也拿著美國護照?

先羅列一些條件:

一﹒必須是中文或英語為主的地區或國家

二﹒政治體制相對穩定

三﹒能 earn a living

台灣?人文氣息高,但續漸陸化,遲早一日要再走

新加坡?

http://www.ica.gov.sg/

紐西蘭?

http://www.immigration.govt.nz/


澳洲?

http://www.immi.gov.au/migrants/

英國?

http://www.ukba.homeoffice.gov.uk/visas-immigration/

加拿大?

http://www.cic.gc.ca/english/index-int.asp


美國?

http://www.uscis.gov/portal/site/uscis


也許,香港人注定沒有根,能走都走,他朝成為黃皮膚黑頭髮的世界人
發表時間:2013年8月19日 | 評論 (1) | 評論() | 評論 | 全文

股壇多多趣

趣聞一

波浪大師指美股快見頂而 A 股快見底,A 股將大升 30 倍,若以 2 千點計算,將升至 6 萬點,信徒好應當埋底褲入局

風險提示,波浪大師年初已一直看淡港股,港股卻只出現輪流炒的情況,五月始實現;究竟 A 6 萬點能否以公司盈利增長推動,在其有生之年實現?抑或是如津巴布偉股市在毀滅式通脹下實現?留有空白

情況像劏蛇在 6880.HK 仍在 HK$1 樓上時建議大家不用走,睇兩年後好轉一樣,信徒們好應該當埋條底褲,男既捐精女既賣卵 (唔懵先有人買) 入貨,一笑

趣聞二

病癒復出的草蛇被某國內傳媒封為香港股神,OMG﹗劏蛇點算?健筆的草蛇大作有 2003 年唱好黃金,跟風者應十分感謝;打後亦建議大家學炒期權,以小搏大,用意很好;近幾年方向性指導大家應該睇股唔睇巿,又中﹗不過其基金成績幾何?學草蛇話齋,木宰羊﹗

香港真正炒股成神只得一個,股俠香植球

題外話,劏蛇係咪跟草蛇睇股唔睇巿,所以發左?有名叫劏蛇實勁過草蛇,秋風起劏左條肥草蛇佢﹗二笑

趣聞三

青面獸心阿姨要平反,聲稱記者將 47.HK 屈成佢心水之選,無冕之王變無恥之徒,認真陰公豬。出黎做野,當發現某同事成日出錯,在有理說不清的情況下,又指被人誤會,一而再,再而三,各位打工仔會點理解呢位經常被人誤會既同事?

無恥之徒,看到勢色不對急於劃清界線?這次陰公豬看來是記者,能出文平反嗎?輕則以後少個訪問對象,重則人地高層朋友大石壓死蟹﹗可恨記者不是老公豬,訪問佢就認真豬豬豬,三笑

哎,忽然唸起呢度個劏蛇佬都成日被人誤會,可惜人家沒太多耐性解釋了
發表時間:2013年8月15日 | 評論 (1) | 評論() | 評論 | 全文