中國3D數碼(8078.hk)之 - 衝上雲霄
2013-09-11 18:23:46 8078電視劇《衝上雲霄2》已經完滿落幕,大團圓結局,只有Cool魔 – 張智霖一支公,認為愛情沒有挑戰性,走左去守護地球「六十億人」,去當空軍,真係多麼的Cool!但其實有一眾主婦、妹子守候著他!
另一邊箱也翻起了巨浪,與Chilam一起衝上雲霄,就是和他簽下了合約的公司– 中國3D數碼(8078.hk)。
衝上雲霄2播出後,張智霖劇集中的吸引角色,很像吃了防腐劑的面孔 ( 我細細個已經睇佢,大家還記得那首 - 現代愛情故事嗎? ),人氣急升,播映一兩星期後,中國3D數碼老闆 - 蕭定一已經宣佈與張智霖簽約,還說希望將衝上雲霄搬上銀幕,開拍電影,傳聞和無綫合作,亦傳聞找來古天樂、黃曉明等大牌。
劇集全數41集,期間張智霖的廣告好像遍佈每個角落,由月餅、護膚品、咖啡,近日朱太兒子打骰的先施錶行(444.hk) 代理的高品手錶品牌 – FrankMuller也找來Chilam做代言人,吸金能力殊不簡單。
閒話幾句,當年他娶影后袁詠兒時,坊間說張智霖遠不及袁詠兒,多年後的今日,誰還說張智霖襯不起袁詠兒?又一證明,男人隨住年紀增長,價值是一直提升,而女人?.......................
說回股票,於1/8中國3D數碼發出通告,建議發紅股,1送5紅股,並於6/9獲得特別股東大會通過:
http://www.hkexnews.hk/listedco/listconews/GEM/2013/0801/GLN20130801202_C.pdf
http://www.hkexnews.hk/listedco/listconews/GEM/2013/0906/GLN20130906036_C.pdf
簡單解釋紅股是甚麼,紅股其實同拆股無異,但派發紅股日與除淨日有別,即是說有一段真空期,因為股價除權及紅權未派發,巿值是大為縮減。
就今次中國3D數碼,1送5紅股,即是1拆6,根據通告10/9除權,並於26/9寄發紅股,27/9開始賣買。
而9/9除權日前一日收巿價是$0.156,除權價是$0.026
這條數好像影響不大,只是除權調整影響了股價,為何可以炒得火紅火綠?要留意的是已發行股本。原本已發行股本是9.32億股左右,巿值1.45左右,因紅股關係,已發行股本擴大至56億股,但因紅股未派發,巿面流通的股票仍然是9.32億股,即是除權後的巿值大減至2400萬,炒上的成本大大減輕,除權第一日10/9開巿價已經大升130%至$0.06,收巿也是$0.06,成交股數是6億多股,相等已發行股本 ( 不計紅股 ) 6成多。
同日午巿發出通告,稱『經向本公司作出相關情況之合理查詢後,董事會確認,除今天正式向外公佈著名藝員張智霖先生已加盟本公司成為旗下藝人及有可能計劃拍攝「衝上雲霄II」電影版外,並不知悉導致該等價格及成交量變動之任何原因」
今日11/9,再升64%,收$0.1,最高曾上$0.108成交量12.86億股,相等已發行股本1.3 ( 不計紅股 )倍。
其實他們在攪甚麼?就是「向下炒」,如果讀者一直留意細價股,對蕭氏父子的股票都應該聽過,他們往績真是寫十日十夜未必能寫得完,過往湯財、三文魚及龍生等等都有評論過,有興趣可以搜尋一番。
雖然往下炒的技倆,任何時候也可以,但透過財技及天時地利,他們賺取的錢可以更多。因為1送5紅股,除權後巿值大減83%,即是炒上的成本可以大大減輕,提升了向下炒的空間,而今次Cool魔概念令更加多散戶留意,而上網搜尋 「衝上雲霄 電影」就會看到很多新聞,鬧得熱哄哄。每逢出現此類情況,散戶更相信概念,今天報紙報導,合約儀式又出動直升機、勞斯來斯等等,筆者認為不只為Chilam做勢,目的更是為股價做勢。
隻股何時玩完?不知道,但已今天收巿價計算,巿值已經衝上5.6億,其實巿值不表代甚麼,反正看此股不應用這個方法,重點是即將有45億股紅股出現,不過估計紅股未出,股價已經頂唔住了。
作為散戶,有沒有贏錢的可能?不能說沒有,都是看值博率。
除權日高開一倍,筆者認為輸面已大,因為向下炒的空間已暴增。若然讀者問除權日前買入,贏錢的可能呢?
以除淨日前收巿價$0.156,每手15000股,每手$2340,於今日收巿價沽出,套回$1500,與成本相差$840,計及75000紅股,如果紅股到手後,股價高於$0.0112,就會贏錢,反之就輸錢了。
筆者於除權日前一日得悉此股,已盤算除淨日以投注式買入,但被高開幅度嚇親,因為遊戲一定以向下炒為結局,但何時掉頭炒就不能預料,開巿價大升擴大了向下炒的空間,輸面太大,所以無買入。
向下炒任何時候情況也可,例如今日$1沽出,他日$0.5配股補貨,借貨沽空原理
重點要認清是誰人控制,燒氏同莊氏多數都向下
假如我是hh...
我會嘲諷你係濫調陳腔、了無新意
連除權呢種n年前既玩意
仲拎嚟凑合成文?
寫財技都請進步吓
梁杰文就算話佢乜都好
起碼人地都叫有新鮮題材
細價、財技、ot股無事發生嗎?5見得囉
例如:162咁又發option、明係大股東欠公司錢、到頭來162又買返大股東既未建成項目等等
又或者點解自動兄見到36傾緊賣北京凱蘭
呢件紙值4000萬多dd既野
就認為36離賣不遠?
http://realforum.zkiz.com/thread.php?tid=5935&page=12
知5知佢手頭仲有批517較36市值仲大?
而且以佢地丘氏做地產起家
36都叫做有幾塊農地
會就咁放棄一個融資平台?
再睇多少少
大房同2房關係
如果相信人係會有比較、鬥心既話
會5會認為2房想做齣好戲
36究竟發大嚟做機會大d、定賣既機會大d?
投資眼光-都係拉闊d好
如果股票咁簡單,世界也很美好了
喺過海隧道看見謝瑞麟的廣告就買其股票
前些年見人氣孖妹歌手為元祿賣廣告就買 970
見康健服務好就入股做小股東
見Oregon 產品神奇就買 167
見向西村有睇頭仲可以玩 3D 數碼,配合埋靚靚走勢又發達
自動兄,奉勸一句
重複又重複,講同一個論點
論點強調一次無所謂
強調2、3、4次...n次咁多既話...
去到3次已經令人感到tedium
tedious煩厭呀!!!
多謝你的意見,不過我寫文不是追求新意,我第一篇文章就已經導了我寫文章是為了迫自己做功課,不是要寫出一點驚天動地的文章,所以你將小弟同梁文杰比,真是誇獎了小弟
馬謖兄講到36,是到了相當複雜及人性關係,涉及了資產估值,家族鬥爭,人性鬥心,真是點都唔識計算,相信世界上沒有一條算式去計到這些答案
反之,我只是從簡單層面去觀察同推算,今年炒得轟轟烈烈的股很多也是採取簡單財技,看股票不是為興趣,是為了賺錢,實質上我也沒有耐性及心情去翻箱倒蘢找一大堆資料,找出一個答案出來又對自己無甚益處,怒小弟利字當頭,沒有馬謖兄這麼尊貴及學術性
謝謝馬謖兄的留言及意見
=6樓既留言
講36賣與否
我已經寫咗話36仍持有517股權(值2億幾左右啦)
然後再講36持有農地(4幅)
再之後才講丘氏發家史、同埋大、2房關係...
只取其部分回應
似乎不太公道喎?
根據以上資料(即517股份及農地地皮)
自動兄仍堅持36離賣不遠?
恕我直言
我覺得當日你對36既判斷紙不過係信口開河
當中紙含有印象、經驗所得...(供過股、賣資產嗰d)
36的資料,我有理由相信閣下日理萬機、貴人事忙咁啦
>我只是從簡單層面去觀察同推算,今年炒得轟轟烈烈的股很多也是採取簡單財技,看股票不是為興趣,是為了賺錢,實質上我也沒有耐性及心情去翻箱倒蘢找一大堆資料,找出一個答案出來又對自己無甚益處,怒小弟利字當頭...
=呢度講少少啦
股票投資同賭搏最大分別
賭搏會輸哂d注碼
而股票絕對屬educated guess(理據推論)
有基本因素、圖表、捉路(供股、財技、賣殼)等等
以我認知,亦知道有孤証不立呢回事
至於本屁民亦都5係「看股票是為興趣,不是為了賺錢」
最最起碼,2個禮拜前603慘劇後,要追數
都叫做追得番組合7-8%
無論如何都多謝你
得罪之處,5好見怪
杰人哥他都是抄我奶水大的
另外,36我不是堅持是賣,也曾考慮及留言"出售還是自用"也未知,或者提及到馬謖兄甚知的股票,我也很希望能夠分享
謝謝馬謖兄的寶貴意見!
請撫心自問
你覺得本屁民是走來鬧你、或者是過來打沉閣下嗎?
假設我將貴部落開張
並貼往政治區請d網友來贈興
呢兩個鬧人或打沉論點或許有d証據成立
但有嗎?
所以我現在感覺好委屈
greatsoup最少欠我一句道歉!!!
總觀都係觀點角度, 有人受到嚴D既說話, 有人可能連少少批評都唔得 (正如港孩,甚至一D90後).
道歉又好似太大件事, 最終都係大家坦白用意就可以.
而我睇, 波人應受得你呢D REPLY, 我睇得無惡意.
假如我$0.08購入45000股,26/9當1派紅股後我手上會有幾多股票?每股成本為多少?另27/9開始買賣咩價位我可以執返少少?謝謝
FINERAM:我只是我有我寫,INTERNET太多讀者,好難會迎合到眾人要求
8078 1送5,即1拆6,假如除淨前買入1手15000股,紅股就有75000股
發紅股與成本無關,成本是一樣的,而紅股股價會以派發日計算,不過翌日才供買賣,賺蝕就要視乎你何時賣出股票,包括除淨後以及收到紅股後.
我上面的例子已經解說了
先感謝你既打圓場
但有d事情本屁民還是需要與湯某了解一下的
但為免影響其它人同本屁民未來幾日較忙關係
遲d會搵個第處才再與湯某討論
馬謖
下一次咪去人地地盤搞事,一是在blog開篇文講,一是去龍鳳區搞事,但咪去雪球,人地當我講外星話。
我仲有80份業績未看....
如果識玩少少, 除權後 0.1 放到就 0.15 + 0.1 >0.156
但由9/9至27/7,食足三個星期驚風散
買得少賺得又唔多,買得多可能足足三星期訓唔著....
留言