明明阿叻講既只係好合理既推測, 背後踩到蘋果同主場新聞條尾就比人拎住"可以睇戲"既事而抽水抽到同件事無哂關係。台慶多唔多人睇, 背後反唔反映TVB係咪無人睇無人關心, 多人想睇既係跪返屋企呢件事, 而家仲要周圍搵果八百戶黎技術層面上達陣。得出黎既結果係乜野? 真係搵到出黎而改變調查結果的話, 亦係勝之不武; 如果捉棋讓雙車去令自己去處住不敗之地, 咁你地諗下你地而家做緊既野係乜? 收視好=唔夠號召, 收視差=人為左右調查結果; 無錯, 係令自己處於"必敗之地"....又講多次, 阿叻只係陳述緊幾無可能會出現兩三點收視既台慶, 講下呢個罷睇行動有幾唔可行。佢講既唔係事實咩? 而家你地就心急到要直接影響調查結果黎令到成事, 你地唔覺得做哂蘋果主場佢地既工具咩? 我覺得主場同蘋果推呢樣野唔單止救唔到國, 仲係令訴求失焦, 個個人都掛住睇阿叻跪, 佢reasoning 左啲乜野? 無錯, 係錯在無考慮到調查結果係可以比你地搵果八百戶出黎改變到, 亦錯在唔知呢個行動係蘋果諗出黎, 大把fans 會係facebook 度幫手。希望到最後你地仲記得係要爭取乜野? 無錯, 係發牌。同立場的唔一定可以成為朋友, 蘋果和主場新聞背後果班人, 講出黎既野已經完全係為立場服務, 而且程度已經差唔多同大公文匯轉法輪既一樣啦...