(註:只是幻想,萬勿當真。以下仿方卓如筆法,寫番篇,讓大家笑一下,中秋節快樂。)


有時打工打到得悶悶地,又覺無前途,所以就同讀緊書的拍檔搞下生意,當幫自己搞條財路。


大家本又小,現在租金又貴,有甚麼生意生意唔使租又唔使本,看來都是搞網站,搞甚麼網站好呢,既然大家或多或少都有些家長要找補習,那就開一家吧。


原來這一行這麼分散,又這麼多競爭,生意真唔易做。我看埋看埋咁多報紙,財技多多少少都懂一點,不如幫自己幻想,注入上市公司,拿到錢,再做做下行業整合者。


間公司得少少收入,只虧錢不緊要,做個保證盈利先。第一年二百萬,第二年四百萬。近排發覺外國那些教育公司約三四十倍市盈率,我這家便宜一點,就二十五倍市盈率吧,這就值一億了。間公司無錢嘛,可以用少少現金加多多無息可換股債券先。


呢兩年保證盈利唔到要賠錢,那如何辦?就以六百萬可換股債做抵押,若虧錢就當零,兩年不足值就用呢批可換股債券付。這樣我一分錢都不用付,就已經先拿走九千四百萬,那六百萬就用送回公司吧。


我 拿到少少現金加多多可換股債券,這少少現金其實都已經好多,到時我以低價先買一些有一點市場地位的公司,再好像執藥以剛才的二十五倍咁放入上市公司,又賺 一筆。之後改番個靚名,概念這樣新,這隻股又可以炒一把,批一批股搵錢,用來找番自己那些可換股債券,這樣我就更多錢,哈哈哈哈哈。到時我唔使做啦。


看來這個夢太真了,連電話都聽唔到,都是快點打電話給個客,做多單生意吧。