2012-9-20  NM




「失敗者的經驗都是狗屁,成功者 的狗屁都是經驗。」是阿里巴巴主席馬雲的名句,也是林小琪(Carol)在上海工作四年的心聲。她是前上海麥肯光明(McCann)董事總經理兼首席創意 官,早前獲全球第四大廣告公司Saatchi & Saatchi挖角,出任南中國區首席創意官兼董事合夥人,是首位擔當此位的女性。中大新聞系出身的林小琪,曾任職李奧貝納、奧美等4A's廣告公司,為 國泰航空、麥當勞打造多個知名廣告,堪稱廣告界「橋后」,但在上海卻「無用武之地」。「山寨是常態,抄襲是應該!」是她歸納出來的現實,大家都在做,你做 不做?「梗係做!The show must go on﹗我最佩服內地企業家『冇包袱』嘅精神﹗」林小琪大笑。

時間:九月十三日地點:HABITÜ Ristorante the Garden午餐:帶子沙律、蘑菇湯、墨汁意粉配番茄汁藍蟹肉

職銜通脹

記﹕記者林﹕林小琪記﹕喺上海工作四年,有冇代表作?林﹕冇﹗(斬釘截鐵)我嘅任務係將value、技巧﹑工作嘅方式帶上去,真正嘅創作都係交俾當地嘅員 工做。依家返來香港,會參與更多創作。記﹕內地廣告界正值火紅年代?林﹕無錯,求才若渴,搞到Title Inflation(職銜通脹)好犀利。Junior做兩﹑三年就要求升Senior,否則就跳槽,出面爭住請。我嘅工作之一係精簡架構,之前為咗升人, 創造咗好多職位出來,例如原本Senior Art Director上一級就係Associate Creative Director(副創意總監),但有員工未夠班又要升,於是就多咗個Group Leader。因為佢哋未夠班,所以其實係做緊比真正職位低一﹑兩級嘅嘢,呢個情況喺內地好普遍。 記﹕那人工一定三級跳?林(聳聳肩)﹕內地創意總監年薪最少有五十多萬人民幣,公司仲要幫佢交社保等稅,香港普遍都係六十萬港幣。不過呢行好多有錢仔女根 本唔在乎錢,中國人要面﹗試過話加佢人工唔升職,佢答﹕「我唔要錢,我要升兩級﹗」記﹕不如索性請香港人?林﹕唔得﹗內地人對內地文化的貼近,係不可取代 嘅,香港人無得妒忌。

三個時期代表作

國泰六十周年的一系列廣告是林小琪最喜愛的作品,當時國泰欲打造「植根香港」的本地航空公司形象,她即時想起九龍城和啟德兩個老香港標誌,再加插人情味故事,「港味」十足,出街後大受歡迎,奪得多個廣告大獎。

山寨是常態抄襲是應該

記﹕「山寨」文化如何影響廣告界?林﹕內地唔重視原創性,只要hit中就得。例如服裝網店「凡客」嘅廣告,被視為內地近年最成功嘅營銷案例之一,但標誌、 品牌風格會見到「無印」﹑「UNIQLO」嘅影子,一啲都唔original。喺國際廣告大賽上,內地嘅作品唔差o架,但睇吓現實,嘩﹗假嘅﹗參賽嘅嘢, 根本唔會喺街見到﹗記﹕內地廣告喜用明星營造洗腦式效應?林﹕中國地方大,南北文化差異大,好似日本車淨喺南方賣得,北方唔得o架﹗所以最常用明星,依家 喺內地最紅嘅包括周杰倫、范冰冰、高圓圓、湯唯等,可能你覺得悶,但人人都識,最直接。香港近年少呢類明星廣告,係香港企業出唔起錢,其實以前都用好多明 星,好似郭富城、黎明賣嘅電訊廣告,當時都勁hit。記﹕與內地企業合作有何感受?林﹕我好佩服內地企業老闆冇包袱﹑冇規範嘅精神,成功就乘勝追擊,唔成 功就馬上轉陣。但佢哋嘅眼光仍然較短線,國際企業如國泰,同廣告公司一簽就十年,合作好穩定,但內地公司每一年都要重新招標,基本上「不信任」就係常態。 記﹕搶佔內地市場仍是大趨勢?林(點頭)﹕係!我負責南中國,廣州係「客倉」,香港就做創作基地,希望結合兩地嘅長短。內地廣告界最大問題係執行好易出 錯,一定要打折扣,明明搵番同一個製作團隊,但每一個細節,睇少一眼,成個項目都會「爛掉」﹗