上星期0.32再增持140000股川河
上半年味皇的回報率近15%,下半年先1個月,因為一D盈喜同REITS的上升於是再多10%,但是因為一半年加左兩百幾萬資金,因此1成的金額都比以往任何年份的總額多,於是出現問題了,味皇非常不習慣大賺的感覺,成日想找更平的換馬,但是又搵唔到,如果作為退休人士,這種思考方式會相當危險,正式的話要少做少錯,直到誘因大到值得行動先啱,味皇有必要冷靜一下頭腦同適應現時的銀碼
奧普同唐宮盈喜,唐宮主要係之前盈利基數較低,5月尾味皇去泰國旅行,係曼谷見到成堆胡椒同爸爸,而唐宮有呢兩個牌子的地區營運權,由於大陸人去旅行來來去去都係泰國馬拉,因此知名度上可以可以黐金糠扮來佬,呢部份比較睇好,本業中餐的前景就差D,不過唐宮搞緊類似灣仔碼頭之類的返叮餐,呢度前景又OK,至於奧普原因不明的盈喜,唔通終於捨得將子公司同副業入帳?今期派息增加的機會較大,但是派息比率可能下降,因為奧普100%派息是源自"用訂金作營運資金"的特性,如果副業不具有同樣特性的話,就要預留自有資金作營運了
但是最近味皇有可能會賣走一些REIT籌錢,原因屋企人的樓C租約完左諗住換樓,咁啱市面有個荀盤,比樓C新,比樓C大,比樓C平,比樓C靘,仲比樓C租得貴,係冇電梯啫,於是打算先買後賣,不過唔知過程會唔會順利

不過呢度就唔順利了,近日電腦燒左救唔返,要換過部,最主要係HD死左,乜野都冇曬,味皇噴血3升,虹彩乍現,神魂分體,突破天元,群鴉亂舞,傻瓜傻瓜