這是07年上市的舊新股,由上市時個4直插到現家3毫半,冇水花,這個故事教訓我們,炒新股定股炒你
就好似果D手機GAME網頁GAME,你無非係想求開心,正式玩的時候乜都要商城,GAME公司無非係想求財,吸左你水之後你一係比左錢不能自拔,一係遊戲性低一排就唔玩,新時代GAME的壽命只是由幾年縮到一兩個月而已,茅坑三日香好正常,講開又講,買新股咁似玩果D遊棄咁,用完即戲
講返佳華,用大福保薦,律師關胡李羅,兩樣都算是中性,但核數師用非BIG4的德豪立信就是死罪,條數信唔過
但是水已抽,3分已袋,隻野係垃圾桶底度摷返出黎,即使條數信唔過,但有冇回收價值呢?
做疑似假波的話,是需要球証配合的,有些球隊長期有球証配合,但是並不代表該球隊場場都踢假波,踢假波是需要動機的,比如已經在榜首位置領先10分,冇危險,就沒有需要過數,又比如已排中遊,冇野好爭,亦沒有需要過數,所以如果沒有需求,就沒有必要冒險造假
股票的話,公司如果沒有必要集資,或者想集都集唔到,就算有齊準備動作,都唔會叫功能組別行動,因為沒有動機
現在的佳華可以辟除假數嫌疑,有兩個因素,1-市值先得3.6億,同殼價差唔多,而且仲大折讓,如果有心再骨水,市值起碼多3倍先收到效益,而現時的報表比較樣衰,不能作為炒高套現的用途,2-佢有派息,除左2010年外年年有派,按今年淨值6.4億計,派3000萬即派4.7厘,派息比率並不算低息,如果有心向下炒的話冇必要年年派高息
因此佳華雖非BIG4,但可以洗底,但如果叫我買,我不會買多

報表方面,2012年現金4.2億,債1.5億,淨現金2.7億,2013年現金4億,債1億,淨現金3億,而當中仲有派3000萬息的,以前我講龍翔同肛蛋的內容唔知大家仲有冇印象,減債是很好的經營行為,通常說明了一個明確的買點,期限由開始還債至還完果段時間,可能會有幾年,股價相當底迷,但有限期,還債過程只慳到息沒有發展,但一還完冇野好搞就逼住要發展或者增加派息,或者中途有好項目突然改為發展,比如龍翔,肛蛋仲有再早期的粵海,佳華每年能還3000萬,債是1億,還債期限大約在3年之內

佳華業務主要是深圳的十數個商場,市值3.6億即係當每個商場值3000萬,10倍PE就是每個商場賺一年300萬,同一D茶餐廳相比有種相當低估的感覺
存貨同往年咁上下,經營沒有惡化,而且仲有少量改進
現金流平均每年有1億,夠派息同還債,雖然出左盈警,但派息有不減的可能,當然可能性D野得個講字
己繳稅額千幾二千萬,用15-25%稅率推算,盈利為1.1-0.7億之間
2012年前的折舊奇高,成幾十%,重挫盈利,強烈顯示為洗底行徑,2007-2011年,剛好洗左5年,所以說君子嘗新,5年未晚

公司冇乜前景,但公司同股票是兩樣野

睇主席幅相,感覺是老X蟲,但不是非常邪惡