震雄係做注塑機的公司,即係硬膠公司,如果睇好飲品之類的生活相關的市場,震雄係個唔錯的選擇,膠樽膠桶膠女郎都係要壓出黎的

早兩年營業額高峰23億時,銷量係15000部,即係每部機賣15萬左右

注塑機雖然係耐用品,但每年消化15000部應該唔難,因為中國的膠消耗越來越多,老機器能用也會比不上新機器的效率,行業已經將換機計劃推後左兩年,老機器又舊左兩年,有必要更新,因此經濟雖然不算太好,但積壓的訂單依然有爆增的可能,同時注塑機係耐用品,積壓在震雄倉庫的老存貨直接擺出街賣都唔多怕過時,相比起黎電腦零件同舊衫褲就唔得咁了

(億)                09            08              07

營業額          16         23.2            21.6

存貨                7            7.1            5.8

應收賬          5.2           8.7            6.8

應付賬          2.8           4.1            3.0

業務現金流  3.1           2.1            2.7

現金              4.5           3.6            3.9

難得我特登去挖震雄的年報睇埋賬款,好多時我寫的其他股是齋用南商的數字,是交行貨的態度,而震雄就是可以令我有動力查年報的股,我用3年的數字簡單講下,金融海嘯令營業額大降,存貨完全賣唔出,而蔣震立即落雨收遮,將街數都收回來,令現金流上升,增加現金儲備,不愧是有50年歷史的老油條,另外我想說震雄是冇欠債的

(億)          最新半年        09年 

存貨               6                  7

現金            7.9                4.5

應收賬        5.8                5.2

應付賬        4.6                2.8

現金            7.9                4.5

最新的業績顯示賬款全面上升,即訂單上升,同時現金大增,唔通最近改行現金交收?留意存貨下降了,舊存貨終於出貨了,現金增加的原因之一正是因為之前滯銷,所以以後可以免入貨一次,更重要的是趨勢,最近幾年的賬款是升升降升,而存貨是升升升降,今期的業已報告顯示出走出危機的信號

估值上,資產淨值上年3.7,比佢pb1.4,合理值5.2

當佢正常賺0.5,比佢pe12,合理值6,平均5.6

(億)                09            08              07

固定資產     7.7            7.1             6.5

佢賺0.5的時候是0708年,當時的固定資產不過6.5億,即使不計一次性的免補貨收益,也不用懷疑佢不能再創高峰

跟住是比較個人的事,我打算將手上的德昌換馬震雄,因此在此作個兩者比較

德昌是工業股,當然是最優秀的一批,但現價已經達到2倍pb了,即使是最優秀的工業股,純做廠是好難達到2倍pb的,除非有乜附加值,當然德昌是有的,但即使如此要再升一倍似乎勉為其難了

德昌資產淨值上年2.04,比佢pb1.5,合理值3.6

當佢正常賺0.25,比佢pe15,合理值3.8,平均3.7,最近市況好轉人也樂觀了,之前計是3.5

德昌的附加值高得變態的現金流,仲是有一批無形資產灘銷,嚴重拖低盈利數字,因此德昌的真實盈利是很高的,咁我誇張一d,將德昌的現金流減左折舊後都當盈利計,當佢正常有20.3億現金流,折舊5.6億,即每股0.4,比佢pe15,都係6蚊,德昌谷到盡都係同震雄正常差唔多

每一股震雄比一股德昌的內在價值更高,比例大約是1股換1.5股,德昌上年股價曾低至1.05,而震雄最低是1.22,而之後很長的一段時間震雄股價都高於德昌,現在德昌反而遠高於震雄,這是龍頭股的力量,況且德昌現價的確貴左少少,現在德昌報4.04,震雄2.58,比例大約是1:1.56,乘上內在價值的1:1.5,即是說換一換馬可以將持股的內在價值增加至原來的234%

在我最看重的派息上,當震雄派0.25,每10000股派息2500蚊,即使衰到09年派0.07也有700蚊,德昌正常派0.13,有6500股可派845蚊,唔比震雄最差時好幾多,如果德昌盈利比到盡的0.4計,按比例都係派0.19,有6500股可派1235蚊,大約是震雄正常的一半由於我買入的本金大約係15000左右,揸德昌有近6厘息,而改揸震雄可立即升至近17厘息

所以值得我比手續費

我出這篇文其實幾矛盾的,我又想德昌賣貴d,又想震雄買平d,此文內容卻是公開質德昌托震雄,同我有直接的利益衝突....不過我應該冇咁大影響力掛,姑且分享下,但大家看完低調少少