睇銀行的年報會短命幾年,但味皇因為持股卻不得不看,因此簡單看一下

內銀中,09年業績下降的只有招行同中信,招行係自己硬膠高價仲要全現金買永隆,業績差加供股唔抵可憐,中信係經營效率奇低,而且每股資產淨值仲係唯一一隻下跌的,投資價值居然比上年仲低,令味皇大失預算

利息收入同業都唔見得好,持平都放佢一馬,僅在利息收入上看,中信的價值還在,但作為中小行的賣點就係貪佢經營效率同自由度較高,中信的總資產回報率連1%都冇,仰天長嘯"邊過夠我低!",中信派息比率最低,佢有乜面目要股東留錢比佢去賺果1%

以比例來說,貸存比率由71%升至79%,有違阿爺的旨意,利差又唔見得特別好,有濫貸的嫌疑,以量來說,存款增加3000億,新增貸款又3000億,即係將新存款放出去而已,這樣看問題不太,但另一方面看,中信大量放款下而出現集資壓力,因此派極少息,保留大量盈利,係搵黎搞的(正確的做法係保持一定水平資本而唔放新貸,任由盈利下跌,同時進行貸款質量改進),由於上年中信的派息也是特少,保留大量盈利下,如果盈利仲下跌很多,行長就會比人講無能,特別係4大行的盈利都上升時(雖然它們都是濫貸),中信盈利明顯下跌,行長就更顯無能,政途會變得暗淡,因此在競爭意識作祟下所有銀行行長都挑戰阿爺的旨意,政治就是指呢類野

講開缺水,不僅是指資本充足下降的問題上,最重要的是中信向同業拆入千幾億資金,大家回想一下,金融海嘯時匯豐向英國的同業拆出大量資金,代表匯豐的資本為同業最足,反過來,向匯豐借錢的銀行是代表什麼情況?中信似乎很缺乏流動資金,一雞啼會即死,當然情況肯定唔準出現,話唔定好快還都唔定,話唔定...

不良貸款方面,今年是10650億的0.95%,上年是7300億的1.41%,其實兩者都係1000億左右,大家可以咁理解,今年借左3000億出去,因為啱啱借比人,所以1仙不良貸款都冇(潛在不良貸款都冇?),各位對內銀的不良貸款率不要太認真,撥備率多左13%,當130億計,即3000億新貸準備了4%的撥備,總計10650億貸款撥備準備了1500億,比例近1成,咁呢部分的4%是不是太低呢?以政治來看一點也不低

中信故意將差的全年業務附上好的季度業績先公報,也是政治?

簡而言之,味皇對中信的資產負債表的看法比較負面,即使未來一年盈利肯定上升,但中信的投資價值卻不見得上升,上年的中信銀行別具中國特色

以將來可能的集資來講,A股股價相當低迷,是否仲低於H股?如果此時發行A股集資,利益受損的是H股股東,受益的是A股股東,我們遇上極差的集資時機,如果兩邊以公平值集資,中信又是否可以托付呢?

味皇之前以4.25的中銀交換5.18的中信,因為當時相信中信的價值更高,現在看顯然不是(豬八戒照鏡),現在換返轉也叫有賺,但明顯有點混吉,內銀暫時冇興趣買,可能最近味皇就會換馬外銀