跌下跌下19000都冇,味皇的組合也相當的重創,不過還不至於出現修筋勞骨的性況,最多係人仔貶值兌返的派息減少,今年最終能否達成35萬股息的派息比較悲觀,股市跌主因算是貨幣政策的改變?改變自體對公司的盈利未必影響很大,人仔貶值對我地呢D邊境人士影響較大,但對內陸的人完全沒有精神上的影響,例如肥西(合肥的其中一縣,有華南城)的人就唔會因為人仔貶值而換美金了,平時100%的人仔存款還是照舊續期,因為大部分人都冇外幣呢個概念,股市跌主要是市場不喜歡不明朗狀況

反而係樓跌得好很勁,味皇前年中賣左392的樓A(當時市價約420),現家同類的先開價得260,開埋估了,係氹仔威翠,所以呢,現家在售的唐樓B的開價已減到235,以味皇的標準用年租70000乘3計為210,基本上已冇乜溢價,再減就索性轉租了

至於最近冇寫文,則是因為玩緊FM足球經理,平時一直用開熱刺的但今次用負資產的AV維拉開檔,主要是今年熱刺的人員配置較好,冇乜改善空間,現家就試下用味皇經濟大C的實力,如何去夠拯救負資產的阿士東維拉...如果連載游戲攻略,似乎唔合呢度主題,咁寫唔寫好呢?不過味皇認為,FM比起果D模擬炒股的游戲更有技術性,如果玩得掂FM(財政面上),咁現實上買股票能力應該都唔會太差

雖然市跌,但味皇仲未買貨,因為想儲些少現金買幾手金沙留為紀念,唔撈之後去下窮游咁樣,講開窮游,上次去完旅行的台灣換左民進黨上台,遲早連國旗都換埋,反攻大陸應該未至於,不過民進黨似乎明面上唔會奶共,因此之後台灣好可能加強限制入侵物種,於是旅遊業就會重創,台幣再跌多D,但唔奶共就會改為奶港澳,估計會放寬入台証同投資移民之類的,而且可能放寬兵役規定減少征兵變相減軍費,以後去台灣旅行應該會仲平D卦?

同呢D有關的,味皇手上有3個計劃

1.日本蝗蟲計劃--日本樓的升級版玩法

2.台灣投資移民計劃--利用虎航的班次缺陷

3.大陸腳毛計劃--利用大陸的交通規則漏洞

資金佔用大的日本計劃暫時未有錢搞,台灣的就費事係兵役年齡前嘗試,大陸的計劃倒是唔撈之後有打算試下,因此味皇留意緊珠海D死舖租緊幾錢,如果有高登AC就事半功倍了,不過味皇就註冊唔到,如果帶人免費施捨個AC比我就好了...