湯嗶由於某D必然的原因要同舊筆名切割,所以現家叫湯嗶嗶,而湯嗶嗶的書會係尋日係香港各大書店發售,特此宣傳,書名好似叫細股叉叉叉-撥開叉叉命中叉叉叉咁上下,內容同定價相比,本書係大折讓的價值投資

最近去左好幾次短程旅行,廣東4大名山已經行左3個,仲踩左好多次長途單車,曬傷比較嚴重,各種水泡甩皮

味皇的2004年老烏龜車檢唔過,重檢成本太高,已經劏左,正在考慮換乜車

早兩日特登去香港,先達度4100買左部P30,同味皇用緊的聯想z2pro相比,優點係比較順,相機夜視能力強,可以影到多幾粒眼見唔到的星星,味皇旅行時夜間活動多所以相當需要夜視能力,而變焦同廣角多幾種玩法,相機程式實用功能多,但p30的變焦效果只係半桶水,不是像味皇就算連4.7吋都嫌大部買pro版清晰度會更高但這點還不值2000的差價,至於缺點係指紋解鎖好唔成熟,按手指的角度有限制,失敗率高好多次要人手入密碼,舊機360度或者手指側面按也甚少失敗,控制方式舊機壓倒性的更方便,因為現家全屏會成日隱藏控制鍵,多了層手續,之後就是系統干涉太多,時不時好似win10咁煩你更新仲唔可以主動關閉,問你要好多權限,各種需要登入認證預裝又唔比卸,用家是可以感覺到華為對自己施加的各種限制,而聯想同moto個系統就唔會煩你同埋未層見過廣告推送,同原生一樣乾淨,私隱性高好多,味皇破天荒的認為華為的emui不如聯想的zui安全同自在,最後就係華為同小米的國際版同大陸被相比會閹左好多功能,係閹左好多功能,例如國際版的NFC禁用的,模擬門卡都做唔到,變相唔值咁貴,"玩"手機的話買大陸版可能仲好而且更平,味皇對佢的評價是一流的相機附贈二流的手機賣超級的價錢,作為相機值得買,作為手機利用價值不高

早兩個星期,買入4.06-4.08增持6000股漢國,博開始增加派息結果失敗,0.94增持10000股大悅城,還有5.52增持3000股美蘭機場,佳寧娜的業績味皇相當失望,本應現金流炸裂的,結果佢將錢全部用黎買地,仲借錢買,財政冇變好反而仲要變差,由頭到尾都冇把錢冇輸出比公眾股東的想法,加埋160未加派息,結論就是味皇今年的股息目標多數又達唔成

中美貿易戰,有受影響的,但也會有不受影響的,例如債仔咁,有被銀行逼還錢的,也有逼銀行無限展期的,有存戶提唔到錢的,也有強基金無限注入的,例如根據柯P的說法,歷史上政黨呀總統呀輪替,政策一般都會延續一段時間而甚少即時推倒,即使政策有問題,中美對抗起碼持續10-15年咁話,於是,以後還是更多是發小財時機而不是發大財時機,還有就是各國捉稅收會捉得更緊,雙重徵稅多重徵稅應該會更常見

另外柯P還有一句,哪有國家會以修理自己國民為樂的?