4/7
樓C的按揭批出,130萬3厘20年,月供7200,如果折成100萬按比例就是月供5500,即回報要達到6.6厘先可以打和,仲有一些股的息率可達到要求,但選擇就算不多,如按揭息率為加價前的2.75厘,回報要達到6.5厘先打和,就算按揭息率加到5厘,回報需要7.9厘,反而樓齡少5年,回報的要求可由6.6厘大降至5.7厘,因此借錢考慮的主要因素不是利息,而是貸款年限同參照物的回報率,至於味皇大陸打算買的舖,好似升左價,租金跌穿5厘吸引力又下降些,由於樓C仲未成交,味皇仲未積極出大陸搵
仲有下文,樓C業主係換樓客,但最近幾個月樓價又升,價又估唔足,估計佢賣左自住都唔會夠首期,再者銀行收緊按揭息率,現時換樓細換大難度仲高過三國英雄傳(DOS年代果隻),於是乎...C先生說氣絕身亡,味皇收到電話,內容是業主打算撻,由於大訂己落,撻成一塊味皇也沒有甚麼所謂,反正唔買樓都仲有股可買,倒是業主真幾係值得同情,不過同情還同情,錢銀都係要均真

4/8
為左慶祝撻訂之喜(偽),以平均2.919的價錢買入10000股電腦網,本來係上星期5想買比丁蟹殺低的美蘭同電腦網是但一個的,但由於當日買賣差價大,味皇冇出價,今日美蘭升返大截,所以得返1個選擇

4/9
同樓C業主見面,撻訂佢話想打折,打幾折?六折
於是乎佢向味皇不斷講樓C有幾咁多暗病,周圍的蝗蟲又幾咁邪惡,警察幾咁鍾意上黎抹花籠,特別係佢話香港打擊樓價,澳門樓好快跌到福佳....咁你又撻,味皇心想
有見業主有此心態,味皇開始擔心收樓後間屋會忽然整蓉整爛,業主一搬出就變報警撚叫警察抹花籠,味皇已預料將會提高一些成本