(重組BLOG分類先發現原來少左篇文,現家補返,其他YAHOO時代的舊文例如教材死圖,睇下以後駛唔駛重寫)




大氣頂穿左個窿,醫生也得傷風,嚴寒熱到懵,暑季偏偏刮北風,末世呼聲中,打倒叫聲嚮夾兇,遊行鬧市中,舉起布額當運動.為了空間爭寸土,新的建築天咁高,雲層內做show,打搞上帝實冇譜,淑女想收腰,早餐晚餐都要少,難為在遠方,飢荒吔蕉當豆苗...

 

廖:各位好,又到笑聲救地球的時間,恭喜發財

胡:祝大家龍馬精神,話咁快,20年冇見了,衰鬼

廖:人人都經過要少年癲狂,中年色狼,老年痴呆的過程

胡:20年前曾經癲狂的少年現在亦要成為色狼中年...

細龜:我唔係色狼!   (跳出來)

廖:連我們都開始痴呆了  (用笑聲拍板對細龜16連打)

胡:新晶頭我們為大家帶來笑聲

廖:而唔係叉燒同有機米

胡:經典節目現在奉上

 

 

勁抽家庭:

抽仔:"媽咪媽咪,今日老師同我講成語,一飛還比一山高,其實即係點解?"

老抽(母):"你問爹地啦"

生抽(父):"即係話係長唔高呀"

抽仔:"今日老師仲要我作文"

生抽:"係乜野文?"

抽仔:"我的爸爸"

老抽:"咁你點寫?"

抽仔:"我爸爸是生抽"

抽仔被老抽狂K  抽仔:"哎呀哎呀"

老抽:"你個蠢仔,呢個時候應該寫,我爸爸是李剛"

抽仔:"我知我知,我爸爸是李剛"

抽仔被生抽狂K  抽仔:"哎呀哎呀"

生抽:"你個蠢仔,你連老豆姓乜都唔記得啦!"

抽仔:"我知我知,我爸爸是鐵頭功"

抽仔被兩人抽狂K  抽仔:"哎呀哎呀"

兩人:"現家做緊節目呀!"

抽仔:"我知我知,爹親娘親不及毛主席親...哎呀哎呀"

 

 

互相推讓:

左矮人:你話要點會先發達?

右矮人:你個蠢才,呢到梗係要用到中國人的傳統智慧啦  (推開)

左矮人:你會識乜野傳統智慧  (推開)

右矮人:你連123咁簡單都唔識   (推開)

左矮人:乜野123呀  (推開)

右矮人:要發大達,就是一命二運三風水,冇命冇運去做風水佬啦  (推開)

左矮人:我冇你咁貪心  (推開)

右矮人:咁就是一哭二鬧三上吊,政府實買你怕啦  (推開)

左矮人:咁咪同200蚊d臨記有乜分別 (推開)

右矮人:咁你去炒花生拉 (推開)

左矮人:炒芝麻綠豆就有啫,炒乜花生呀  (推開)

右矮人:呢排電視劇真人show,花生有價呀  (推開)

左矮人:咁都好炒  (推開)

右矮人:咁你冇發達,你太蠢  (推開)

左矮人:我先唔蠢,我留過學識外文架  (推開)

右矮人:講黎聽下  (推開)

左倭人:馬X野X  (推開)

右矮人:哎呀,以為我唔識聽,草你X嗶  (推開)

左倭人:X玉X莖  (推開)

右矮人:X你老木  (推開)

左倭人:金XX郎  (推開)

右矮人:烏龜王八X  (推開)

左倭人:X鹿X玉  (推開)

右矮人:冚X富貴  (推開)

右矮人:草泥X  (推開)   左倭人:我...

右矮人:東南你個X  (推開)    左倭人:不要連發攻擊

(同中文相比,別國語言的相關詞彙並不發達)

左矮人:咳哼,最近北韓玩飛彈喎  (推開)   (轉話題)

右矮人:不過係用14吋長的肉腸鞭打的程度啫  (推開)

左矮人:唔似玩喎  (推開)

右矮人:d飛彈邊夠國貨先進  (推開)

左矮人:我話日本貨先進  (推開)

右矮人:日本貨先進?大陸飛兩粒金坷拉就可以結束戰爭  (推開)

左矮人:點解  (推開)

右矮人:一粒金坷拉的威力就好似一粒原子彈  (推開)

右矮人:中國化武不發達,毒人要用金坷拉  (推開)

右矮人:食了金坷拉,智力能達一點八  (推開)

左矮人:廣告退散!  (推開)

右矮人:你睇你嘅女優啦  (推開)

左矮人:你睇你嘅綠壩娘啦  (推開)

 

97前:

廖:冇見好耐,仲係著到咁靚仔

(胡大為著住雜牌西裝西褲)

胡:鴨寮街貨色黎啫,水貨黎咋

97後:

廖:好久不見,(吐痰)還是穿得那麼帥

(胡大為著住雜牌西裝西褲,但將CK的名牌內褲穿在外面)

胡:高檔貨色,進口貨

旁白:97前人地鍾意禾秆冚珍珠,97後就鍾意show曬出黎

97前:

廖:冇見你一排,肥左又瘦左喎,身體幾好嘛?

胡:最近醫學昌明左,生活環境又乾淨左,人又健康D,直頭龍精虎猛

97後:

廖:少見你一輪,你肥了又瘦了呢,身體(吐痰)還好嗎?

胡:最近化學昌明些,祖國食品又食多些,抵抗力強些,可謂百毒不侵

旁白:97前市民學會改變環境,97後市民學會適應環境

97前:

廖:你生日我有薄禮送比你

(廖偉雄比左個5x5cm的盒仔比胡大為)

(胡大為打開左個盒仔,有粒朱古力)

胡:果然薄禮,哈哈...

廖:物輕情義重,千里送條毛

97後:

廖:你生日我有厚禮送比你

(廖偉雄比左個50x50cm的大盒比胡大為)

(胡大為打開左個盒,入面仲有盒,開完仲有盒,開左7個盒之後,有粒朱古力)

胡:果然厚禮,哈哈...(吐痰)

廖:物輕情義重,千里送根毛

旁白:97前人地鍾意精美包裝,97後就鍾意過度精美包裝

97前:

廖:你現家做緊乜?

胡:做量地官囉,一陣仲要見BOSS搵工,聽講你辭職唔撈又好有米喎,你做邊瓣

廖:炒股票,炒金,炒地產囉

97後:

廖:你現家做緊乜?

胡:做下崗工人哪,一會還要見領導(吐痰)再就業,聽講你下海又很有錢嘛,你做啥

廖:炒芝麻,炒綠豆,炒地產啊

旁白:無論97前定97後,人都係鍾意炒賣的

 

MTV時間-雕零燕(原曲飄零燕):

為何胡塗色字,時歡笑又常哭叫,為何連連飛劍,自己囉黎賤

人時常來黑店,夜不歸家要搵酒店,同來食碗面,酒店,皮條的酒店

最放肆,食藥識飛天,時留情,小小酒店,拿著皮鞭,毋留衣今夜裸相見

噢耶依耶依耶,噢耶依耶依耶,成晚辣著似升仙,直到明天,到明天金咭已不見

噢耶依耶依耶,噢耶依耶依耶,人成朝叫嚷又標煙,形如狂癲,迷途燕IFC企跳

 

乜太與李:

旁白:乜太與李,節目主持人小李

小李:各位觀眾新年好,乜太今次又煮乜餸呢?

乜太:今日要煮嘅係...(身上跌左個生油罐落黎)

小李:李鐵and青頭文,今日乜太會教大家煮生休冠

小李被乜太用生油罐敲

乜太:現家你係主持定我係主持呀!中國人講中國話

小李:編劇教我講架,出緊街,出緊街呀

乜太:我職業係教煮餸嘅,身上有生油罐係好正常的

乜太:咁我地今日煮嘅係"宗教自由"

小李:今日乜太會教大家煮宗教自由,咁需要乜野材料呢?

乜太:首先要準備呢個

小李:西瓜,今日整西瓜盅咩?

乜太:乜野西瓜呀,呢個係"宗教"

乜太:首先系宗教個頂度開刀,再用呢支棍塞入去搞

小李:污糟嘅面棍

乜太:乜野面棍呀,呢支係係係"搞便便棍"

乜太:搞下搞下,搞爛曬入面d野,再將佢反轉倒曬出黎,見到乜野?

小李:一潭混水,上面浮左幾粒核

乜太:乜野核呀,係"神",白色果粒叫阿蘇,深色果粒叫阿啦,黃色果粒叫阿佛

乜太:都係唔要得嘅,一定要整走佢(乜太用指甲彈走曬)

小李:跟住要用到鐵鎚同大板的?

小李退後幾步

乜太:跟住要打壓,用鐵鎚打,再用大板壓,打壓打壓.將入面d野打爛

乜太:打壓果陣記得要做好保護工夫,千其唔好比入面d野外流噃,萬一流到周圍都係,要清理果時就會好麻煩...小李過黎

嗶.......

字幕:連續的打壓進行中

小李:點解我成身汗嘅?

小李:另外點解要我黎打壓?

乜太:現家你係主持定我係主持呀

乜太:打壓完之後,隔一隔渣先,打壓極都唔爛嘅係垃圾,直接掉到垃圾桶,剩低d係精華,倒返入宗教個殼度

乜太:之後要準備另一樣材料

小李:呢支係黨參

乜太:冇錯,呢支係黨心,我等陣要將佢放入去

乜太:但係要記住黨心個用法喎,一係放係上面,一係放係正中間,千其千其唔好將佢放係旁邊同下面喎,咁係唔正確架

乜太:仲有黨心用1支就好了,千其千其唔好放兩支喎

小李:跟住呢支生抽王睇怕都係"自由"囉喎

乜太:呢支唔係普通嘅自由,要認明商標,佢係正宗的國產貨,由百分百的"無法"(毛髮)所釀造的,現家將呢支...成支啦,將無法自由全部倒曬入去

小李:咁就完成呢個盅搞..唔係,宗教自由了

乜太:咳吐

小李:乜太...出緊街架,唔好吐痰好唔好

乜太:哎吔,真係唔好意思,好粗俗呀!嘻嘻!一唔吐痰我會痰中毒呀

乜太:而且呢篤唔係痰,呢篤都係自由

小李:呢篤都係自由?

乜太:加埋呢篤自由上去,咁就為之very good啦

小李:誒...呀...唔...多謝乜太為我地分享了呢個菜色,今日節目到此為止

 

廖:快樂時間過得特別快

胡:又係時候講bye bye

廖:各位兄弟姊妹過黎!

眾人:Charlie Charlie Chit Boom Boom,Charlie Charlie Chit Boom Boom,謝謝你們的收看,今晚又要說再見,謝謝你謝謝你們下次再光臨,開開心心講再見,肥哩啡呢又收工,好運既又過廿張我倆再興你地見!