今日恆指下跌5xx點,但係海灣卻逆市上成近一成,原因係佢出左份冇乜實質內容的收購公告

姑且不問通告內容如何,海灣的確很有可能最近就被收購,潛在買家只有一個--UTC

UTC我不再介紹了,佢持有海灣29%股權(仲有中消29%,南消n%,利達n%),最終目標係控制中國全國的的消行業,(以下係味皇的主觀想法)如果佢今次收購海灣,咁就好快就收購埋中消,由於海灣的公眾持股量只有14%,因此完成收購就會強制全購海灣,如果海灣要保持上市地位,今次UTC就要曲線收購--通過關連第三者收購,即係借由受控的基金或公司收購,咁樣海灣就可以通過第三者互相持股的方法滿足25%的公眾持股量(11%由三個以上的第三者持有),當中可能包括中國消防

如果海灣被收購會點呢?如果我係UTC老頂,我會咁做:同時完成收購中消的控制權,然後將海灣分拆為消防同保安兩部分,消防業務併入8201中國消防度,然後改名為海灣消防,改係主板上市,佢d產品牌子一概改用"海灣"(上一篇我話中消想要牌子會問UTC要就係咁解),而原來的海灣就改名為海灣保全,然後UTC注入佢嘅保安業務,借殼上市,同時發新股集資

如果海灣好快比人收購,咁佢未必可以保持上市地位,如果保持到,"新海灣"可能會變得同以前完全唔同,所以原先打算繼續寫一篇分析海灣的業務的工夫就罷就了

要全購海灣的代價可能超過30億,即每股3.8以上,但由於需時起碼半年,而且未確定能否順利完成收購,另外炒收購係100%的投機行為(雖然我沒有完全否定投機的價值),為安全計,我勸各位唔好高追