以往救火,滅火筒用的滅火劑係一種叫"哈龍"的氣體,以效力強,無毒同乾淨著稱,但由於佢會破壞臭氧,所以世界各地都禁用了,中國亦由早兩年開始停產,現正陸續回收中(現在廣東回收緊),於是要發明一d新的滅火劑去代替哈龍

火災的分類以特性同燃燒物分類:

a類:木頭,布,紙等碳質起火

b類:酒精,火水,油等液體燃料起火

c類:石油氣,煤氣,烷等氣體起火

d類:活躍金屬的化學作用,例如鎂,鈉,鉀等

帶電火災:照字面解釋

而滅火劑大致有以下幾種:

水:容易搵,冇毒,但係除左a類火以外一慨冇效,用完要善後

泡沫:一般對b,c,d類冇效,而且有d泡沫勁臭,保養期短,用完要善後,但係效果超好

二氧化碳:容易搵,易用對d類以外都有效,但係好貴,個樽貴,保養貴,氣壓高容易爆,又重,效果差,噴個火噴曬成支都未必熄,仲會焗死人添,最好係密室度用

乾粉:除d類冇乜效,以外通殺,效果好,但係有平民果陣唔可以噴,而且救完火都好易番著,用完要善後,如果有貴價精密機器嘅地方唔用比較好

惰性氣體:氮,氫之類的混合氣,用途廣,冇毒,但效率唔算好,而且杜邦有專利,好貴

其他化學氣體:多數係氟化物,用完會產生強酸,效力係哈龍的一半以下,除d類之外可以通殺,但係唔會有人傻到用黎噴電器

哈龍:除d類之外可以通殺,效力奇高,但係唔環保,全球禁用

沙:d類專用

 

其中乾粉,氣體,泡沫,最有研究價值

乾粉方面,"世紀聯保","陝西蘭德森茂"同"武漢綠色消防"各自發明了超細乾粉滅火系統,並申請了專利,在技術上成了世界第一,在此之前,只有俄羅斯的埃普托斯有類似的技術,前兩者的技術要用到火藥,因此武漢綠色消防的技術通用性最大;所謂超細乾粉係指納米級的乾粉,效力大數倍,用量亦可以減少好多,比人吸到都唔怕

氣體方面,由於逢係氣體都要用高壓氣樽,用同保養都唔方便,而且效力盈有待改進,但通用性廣,而且哈龍一早唔比用,多人買自然多人研究

泡沫方面,北京的"特威特"發明了一種新型泡沫,命名為"6%多功能泡沫"的老土名字,可以通殺d類以外的起火,冇毒可降解,成本低,而且冇咁臭,係暫時世界最先進的泡沫滅火劑,已經申請左專利,上年中國消防收購左特威特45%股權,雖然唔知佢做乜要係年報上保密,可能同以後的再收購有關,不過由於中國消防遲早會變成美國公司,會變相將此國家級的專利外流,因此中國消防要收購特威特的控股權唔係咁易