仲記得早幾個月有股評人質疑匯豐銀行沒有能力維持派息,其至在報章專欄度話匯豐肯定唔派息,結果當然成了笑話,不過股民是善忘的,果然經過一段時間後已經冇人記得,股評人依然每日評股

味皇不是專家,肯定唔識從專家的角度分析,但味皇深信不一定要專家的角度才能進行分析,散仔一樣可以自行分析,反正大家都唔會準

以下隨口up當秘笈,唔好當真

匯豐的派息應該唔係取決於盈利甚至現金流,而係資本充足率,可以發現匯豐銀行現時的資本充足率超過9%,而縮減/取消派息的銀行例如花旗,大通,巴克萊,皇家蘇格蘭,瑞銀....有邊一個資本充足率有6%?

我記得各國法例雖然唔同,但係商業銀行要被認為穩健,資本充足率起碼要超過7.5%,(在90年代的要求只係5%,即20倍槓桿,現家各國政府見過鬼怕黑,要求提高左)如果唔係政府唔會比佢做大生意,銀行的評級一定唔高,所以可以認為一7.5%資本充足率是界定一間商業銀行"安全"的界線

不過資本充足率7.5%以下唔一定代表佢的財政好差,例如揹SIV上身,對銀行的實際影響是零,但係負債數字會提高,資本充足率下降,即係吸收了某一些可能有潛在價值資產都可能令資本充足率下降,因此有潛在價值的資產如果偽裝成狗屎就會令好多人因為怕臭而唔敢撿

在這界線以下,為了滿足"安全"的規定,無論銀行本身的財政狀況如何,銀行都被迫要落力吸水,唔係就連生意都唔駛做,賣資產,發新股,優先股,炒人,縮分行,縮減派息係必然手段

財政有問題的銀行自然要吸水,而本身資本充足率在7.5%以上不遠的可以避免被迫卷入無謂的自殘派對當中,而自身拥有強大的資本充足率的銀行,就可以"成個傻仔咁"在7.5%的界線上隨意"接火棒"--如果冇政治阻力的話

如果匯豐銀行的第一級資本有1050億美元,而佢現時的資本充足率係9%咁計,咁佢離7.5%有175億美元的"安全邊際"

1.即匯豐最多可以用現金接175億美元的"火捧"

2.即匯豐最多可以承受175億美元的賬面虧損

3.總額175億美元的範圍內可以同時中齊上面兩招

匯豐銀行的07年派息支出67億美元,所以在約100億美元內的第一級資本減少都仲可以保持增加10%派息