今期月供買入54股,為歷來最多,而且非常難得地不是全日高位買入,記得有期最少係買左32股,今期供得好爽,市場傳出很多不利匯豐的消息,又話蝕幾多又撥備幾多,而且又吹匯豐縮派息,風繼續吹,亦無損其世界一的地位,即使匯融咁悽慘,其毛利亦比上年高,而且營運支出沒有提高,即現金流比以前更為強大,點會派唔到息?話佢撥備多,43億美元的撥備我仲嫌佢少添,增加撥備對派息能力大有好處,我就不再贅言了,佢資本充足率有8.9%,咁就算佢撥夠200億都冇問題

另一個留意到的新聞係超大袋的換股債的消息,超大袋似乎係超一流的公司,這公司真實存在於世界,確實在業界非常出名,但由於成日換核數師,實在唔知信唔信佢盤數好,雖然過高的毛利率同過低的派息率令人質疑,但佢的報表卻看不出有甚麼古惑,到底係老闆係用心營業再加上善用財技定係存心財技輔以適量營運呢?如果係前者,咁佢似李嘉誠,如果係後者,咁佢似李澤楷

講返換股債,超大袋發行左13億換股債,由一開始已經根本冇惗過還,佢原先盤算股價夠高的話,債主就會換股,唔駛還錢,現家當然打唔嚮,即使換左n個核數師,股價都高唔過換股價;大鑊啦,超大袋現金15億(07年數字),僅僅夠還,大限將至,為左應付債主臨門,立即痛下殺手,縮減股息,本來超大派息已經好姑寒,現家仲係股東度敲竹槓,由於銀行唔肯借錢,股東就認命啦,但係超大袋再次使出佢借錢唔還的絕技,今次係降低換股價,我真想不到換股價係可以咁隨便改的,換股價由6.61降至5.29,減幅高達20%,超大袋現價5.97,債主自然會換股,咁就唔駛還錢啦

經換算,6.61可以換到2億股,而5.29可換2.5億股,現價計,0.5億股市值3億,即係有人還會多左3億比債主,邊個找數?梗係股東

佢有個條款,換股債可以以本金128%的價錢贖回,即17億或每股8.46,無論點都好,股東都冇著數,何況佢冇錢

現家咁難借錢,超大袋呢種明顯的利益輸送係非常合理的做法,股東就安心成佛吧

唔講唔知,原來超大袋的換股債原來有在港交所上市,號碼係2559,不過冇人買賣咁解