早排0.445溝左10000股克絲,3.11除淨後買左4000股晨鳴,奧普同ctm想買排過隊買唔到就算
現在的克絲股票價值不大,那麼如何能將佢價值最大化呢,正確的做法是買1股碎股,去股東大會食佢一餐,再打包佢d西餅,1股成本5亳唔駛,食返佢幾百蚊,每半年回報幾千倍,膠膠膠
正式一想,退休人士老綜人士如果收集到足夠多的搵食股,真係可以搵到兩餐的,這樣的股票列一個表出來應該相當有(膠)意義,暫時想到的有唐宮,克絲,半島,香格里拉,美麗華,富豪,一蚊雞,維他,統一,康師傅,旺旺,蒙牛,匯源,青啤,生力啤,天喔,四洲,還有冇呢?
晨鳴在除淨後買是為左避股息稅,以晨鳴同中石油為例,晨鳴派11厘,中石油派4厘半,10%即分別為1.01同0.45%,假設金額為50000銀,晨鳴的股息稅為505蚊,中石油為225蚊,只要除淨前後股價差別不大,一賣一買的交易成本低過呢個數就有數圍,只是澳門冇5蚊雞而已,可以看見,派息多的股股息稅會更多,呢招特別適用於派特別息的股,雖然全餐的實用性非常有限,但在除淨後先買倒是相當具實用性

之前cashmain死左對味皇買股票產生重大的障礙,試改用其他但效果不甚滿意,唯有死死地氣用返成日死的cashmain

日本的經紀b最近搵到稅理士,即係現在除左樓之外,仲可以買舖位,算是多一個選擇,但要留意未必人人合適

味皇本月尾會去泰國旅行,到時著衫著紅色生活好定係黃色生活好呢,還是巴塞件紅黃間條作客好d?總之果段時間會暫停出文