2014-15 球季, 英超已經開鑼幾星期, 轉會市場亦告一段落. 突然間心血來潮想寫blog.

首先英超, 我係曼聯球迷. 上季曼聯成績可謂慘不忍睹來形容, 作為曼迷無不心痛, 13-14 未結束球季就炒莫耶絲, 由傑斯(傑b) 頂上暫代領隊. 我自己認為傑b 適合, 觀乎他暫代幾場, 曼聯踢番爭氣波. 我以為新一季佢做都應該無問題, 但曼聯高層唔係咁諗. 結果世盃完結後, 荷蘭主帥雲高爾入曼聯做領隊.

未講佢點組軍, 先講佢係荷蘭做教頭時的印象 (唔講佢教波歷史).  佢用352, 其實我唔太認同, 睇分組賽澳洲果場, 已經暴露陣式既缺點. 之後幾場, 都係先穏後防, 攻力無晒. 馬後炮講, 將352陣式套入曼聯, 聯賽+盃仔 2和2負, 盃仔對住甲組仔失4球無入波. 為何會這樣?

其實熱身賽曼聯踢得幾好, 可能其他球會球員唔駛咁落力, 曼聯呢邊新官上任, 現役球員博命上位, 熱身賽亮麗成績. 之後, 新官認為誰留誰走, 會面球員之後, 球隊走樣.  睇第一場聯賽後對曼聯的批評就知.

種種因果, 曼聯高層&領隊, 都知要課金換血 (無歐聯踢想買好球員, 唯有重課金). 轉會市場焦點都係曼聯身上, 總共用左億幾磅買人, 詳細買賣借就唔多講.

最後自己覺得352 排陣的話:

前鋒: 朗尼 雲佩斯 法卡奧 3選2
中場:  馬達派牌(替補靴里拉),  左翼:天使(替補安達臣, 贊奴沙) 右翼:華倫西亞(替補楊格)  防中: 費查 卡域克  費蘭尼 (白蘭特) 揀2
後衛: 左邊 盧祖/ 梳爾   中間 白蘭特/ 伊雲斯 <--唔想要佢 i think 史摩打中好過佢   右邊: 熱血鍾斯 / 史摩
龍門: 迪基亞

暫時講住咁多先, 得閒都會講下其他球隊: 如史雲斯