很久不見,各位朋友仔好 =D
新年快上,步步高陞~

話說之前講到,21號係大寒,前後一兩個交易日會轉折。等左好耐,終於黎到,結果係?

乃晒野囉 XD 文仔預早兩日同家人出貨,結果中晒招啦 XD

整返個圖先~


又要鳴謝下aastock 的版權,十分感激。


話說,第120日乃係1月26日,結果轉折無出現,無回過,第121日的1月27日,繼續升,問你死未。
去到今日122日,連升六日後,又係周易的「七日來復」mode,終於出現轉折。

文仔經常話,呢個遊戲會有一兩日的誤差,可能早一兩日,可能遲一兩日,咁呢次都叫做準?
如果咁都準,咁就真係無野唔準喇。老細呀,預佢早兩日,散定水,結果最後係遲兩日,前後差左五日呀,點準呀?

所以話,呢啲所謂的準,實在參考價值有限呢。手術很成功,但病人死了,意義何在?

不過,呢個遊戲文仔都會繼續玩落去嘅,因為幾好玩 =P

就當一個統計數字啦~ 都無壞~

下一次好快到,係135日,即係15交易日之後,就係2月16日。到時又睇下點~

未等到216,先有204的立春。咁啱又咁橋係周六,唔通又要遲2日?