今日追擊左英皇娛樂(296)@1.28~

文仔基金仍有現金,不過呢啲應該唔會再投入lu,留返黎睇下3月係咪真係有機買平貨~

惠理(806) 一直持有至今,不過呢隻唔打算長線持有,就算長線都會賣返啲出去,畢竟利潤都唔錯。

之後策略,就係繼續坐定定~

出左糧先再爭持金利來(533)~

27號開始,就由匯控(005)掀起業績公佈嘅序幕,3-5月,文仔基金都應該有唔少公司會出業績,包括金利來、惠理、中遠國際(517)、聯亞(458)、工行(1398)、太平地氈(146)

都咪話唔多呢~

做少少預期嘅(唔係預測)

金利來,應該有增長,派息會增加(派少左息我打佢)。
惠理,應該好核突,因為去年巿況唔好。不過呢個唔影響。
中遠國際,唔期望佢好,好有機會衰埋添。只望佢交待下母親大人幾時打野入去。
聯亞,有期望,不過唔敢太大期望。派返去年咁嘅息/加少少派息已滿足。
工行,死仔話明派少左息,真係打佢,但無計。盈利應該會升,最少升10%以上啦。
太平,盈警都發埋,重有乜好期望?搏佢快啲賣左單野派特別息就夠。不過如果有末期息派我都唔會唔要,雖則佢派我買得咁少都唔知會唔會比晒渣打。

就咁先啦 =D