萬眾期待,容祖兒的業績終於出左。不過先要講講今朝。

 

話說今朝文仔十五十六,見到英皇娛樂(296)昨日巨量上升,諗住呢次應該開大,又見到自己雖然重倉,但都係佔

 

人類真係好奇怪嘅動物,明明自己之前1.28買過、1.37買過,都仍然覺得好平,但今日1.2嘅時候就會諗黎諗去嫌貴,真係好詭異。

 

由於昨夜見到艦長2號加盟,信心大增,最後都決定添食。1.19等左半粒鐘先收到貨。

 

下午發現隻野跌過落1.17,駛唔駛呀..... 不過由於估值真係平,所以心理頗為平衡。

 

終於收巿,收1.18。等業績。

 

等待永遠係最緊張嘅時刻,正如你玩過山車,最驚唔係架車開得好快嗰時,而係排隊嗰陣。

 

為左緩和緊張氣氛,所以打左幾舖機。返黎之後重未出業績,港交所個掣應該就快比我按到失靈。

 

出喇出喇!乜都假,仆入去睇下有無特別息先!

期望越大,失望越大......無......淨係見到 0.06末期息……

不過都好,比去年多左0.01丫~

 

開始睇盤數,每股盈利升至0.36,個數字大過上年,即係有增長啦。咁即係safe了。

 

之後,一切都歸於平淡......

 

呢次見唔到劉洋嚕,不過聽朝坐小型飛機睇睇彩虹應該無問題,其實唔駛坐蛟龍號,重有6仙息收,文仔已經覺得好好的了 =D