文仔博客終於第一次俾人爆粗....

諗住同馬謖兄打多兩句牙交,唔駛大家咁大敵意,轉過頭就收到佢爆粗留言。

我成日講,文仔上黎RF只係想大家開開心心吹下水,學下野。即使語有衝撞,又何必惡言相向呢?

人地話樹大招風,我只係一個抄功課嘅小薯,都要咁,真係好無癮。

買股票有唔同方法賺錢,我成日話無話啱定錯,只有適唔適合。做人其實都一樣,無話乜人好乜人唔好,只有大家啱唔啱啞。既然唔啱傾,我就講少兩句啦。

文仔EQ真係好低,好易影響心情,咁搞一搞又累積唔少負能量,停止運作了好一陣子...... =(

古之君子,交絕不出惡聲。文仔唔係君子,而且好怕事,即使要絕交,都唔會亂鬧人。對於呢類麻煩問題,我多數選擇天山遁。好似好逃避問題,但或者咁對我黎講會係一個好嘅處理方法。

各位,啱傾就講多兩句,唔啱傾就講少兩句,或者唔好睇我寫乜,唔好理我發乜up 風啦。



世事洞明皆學問,人情練達亦文章。